ନୂଆଦିଲ୍ଲୀ: ସର୍ବକନିଷ୍ଠ ବିଶ୍ବ ଚେସ୍ ଚାମ୍ପିଅନ ଗୁକେଶ ଡୋମାରାଜୁଙ୍କୁ ନେଇ ଚର୍ଚ୍ଚା ଥମିବାର ନାଁ ଧରୁନାହିଁ । ତାଙ୍କର ଏହି ଐତିହାସିକ ସଫଳତା ପାଇଁ ଦେଶବାସୀ ନିଜକୁ ଗର୍ବିତ ମନେ କରୁଥିବା ବେଳେ ଡି. ଗୁକେଶ କାହାର ବୋଲି ପ୍ରଶ୍ନ ଉଠିଲାଣି । ପ୍ରକୃତରେ ଗୁକେଶ ତାମିଲନାଡୁ ନା ଆନ୍ଧ୍ର ପ୍ରଦେଶର ? ଏଭଳି ଏକ ଚର୍ଚ୍ଚାର କାରଣ ମଧ୍ୟ ସେମିତି ।
ଗୁକେଶଙ୍କ ସଫଳତାର ଶ୍ରେୟ ନେବାକୁ ତାମିଲନାଡୁ ଏବଂ ଆନ୍ଧ୍ର ପ୍ରଦେଶ ମଧ୍ୟରେ ଏକପ୍ରକାର ପ୍ରତିଯୋଗିତା ଆରମ୍ଭ ହୋଇଯାଇଛି । ଗୁକେଶଙ୍କ ବାପା-ମା’ ଆନ୍ଧ୍ର ପ୍ରଦେଶର ମୂଳ ବାସିନ୍ଦା ହୋଇଥିବା ବେଳେ ଗୁକେଶ ଚେନ୍ନାଇରେ ଜନ୍ମ ହୋଇଛନ୍ତି । ସେଇଠାରେ ହିଁ ପଢ଼ିଛନ୍ତି ଓ ବଢ଼ିଛନ୍ତି । ବିଶ୍ବ ଦରବାରରେ ଇତିହାସ ରଚିବା ପରେ ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଗୁକେଶଙ୍କୁ ଭୂୟସୀ ପ୍ରଶଂସା କରିଛନ୍ତି । ତାଙ୍କୁ ପ୍ରଶଂସା କରି ଷ୍ଟାଲିନ ଗୁରୁବାର ସକାଳ ୭ଟା ୨୫ରେ ଏକ ଟ୍ବିଟ୍ କରିଥିଲେ । ଏହାକୁ ଦେଖି ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଟ୍ବିଟ୍ କରି ଗୁକେଶଙ୍କୁ ‘ଆମ ତେଲୁଗୁ ପିଲା’ ବୋଲି କହିଛନ୍ତି । ବାସ୍ ଏହା ପରେ ଗୁକେଶ ତେଲୁଗୁ ନା ତାମିଲ ପିଲା, ତାକୁ ନେଇ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଯାଇଛି ।
Congratulations to @DGukesh on becoming the youngest-ever World Chess Champion at 18!
— M.K.Stalin (@mkstalin) December 12, 2024
Your remarkable achievement continues India's rich chess legacy and helps Chennai reaffirm its place as the global Chess Capital by producing yet another world-class champion.
Tamil Nadu is… pic.twitter.com/pQvyyRcmA1
ଚେନ୍ନାଇରେ ଜନ୍ମିତ ଗୁକେଶଙ୍କ ପାଇଁ ତାମିଲନାଡ଼ୁ ଗର୍ବିତ ବୋଲି ମୁଖ୍ୟମନ୍ତ୍ରୀ ଷ୍ଟାଲିନ ଏକ୍ସରେ ପୋଷ୍ଟରେ ଲେଖିଛନ୍ତି । ଗୁକେଶଙ୍କ ବିଜୟ ପରେ ତାମିଲନାଡୁ ମୁଖ୍ୟମନ୍ତ୍ରୀ ଲେଖଛନ୍ତି, 'ସର୍ବକନିଷ୍ଠ ୱାର୍ଲଡ ଚେସ୍ ଚାମ୍ପିଅନ ହୋଇଥିବାରୁ ଡି. ଗୁକେଶଙ୍କୁ ଶୁଭେଚ୍ଛା । ଆପଣଙ୍କ ଉଲ୍ଲେଖନୀୟ ସଫଳତା ତାମିଲନାଡୁର ସମୃଦ୍ଧ ଚେସ୍ ଇତିହାସକୁ ଅଧିକ ବଢାଇଛି ଏବଂ ଚେନ୍ନାଇକୁ ପୁଣି ଥରେ ବିଶ୍ୱ ଚେସ୍ ରାଜଧାନୀ ଭାବରେ ସ୍ଥାନ ଦେବାରେ ସାହାଯ୍ୟ କରଛି । ଆପଣଙ୍କ ପାଇଁ ତାମିଲନାଡୁ ଗର୍ବିତ ।'
Hearty congratulations to our very own Telugu boy, Indian Grandmaster @DGukesh, on scripting history in Singapore by becoming the world's youngest chess champion at just 18! The entire nation celebrates your incredible achievement. Wishing you many more triumphs and accolades in… pic.twitter.com/TTAzV9CRbX
— N Chandrababu Naidu (@ncbn) December 12, 2024
ଏହାପରେ ଶୁକ୍ରବାର ଅପରାହ୍ଣରେ ଏକ୍ସରେ ଆଉ ଏକ ପୋଷ୍ଟ କରି ଗୁକେଶଙ୍କ ପାଇଁ ୫ କୋଟି ଟଙ୍କା ପୁରସ୍କାର ରାଶି ଘୋଷଣା କରିଛନ୍ତି ତାମିଲନାଡ଼ୁ ମୁଖ୍ୟମନ୍ତ୍ରୀ ଷ୍ଟାଲିନ । ଅନ୍ୟପଟେ ଗୁରୁବାର ତାମିଲନାଡ଼ୁ ମୁଖ୍ୟମନ୍ତ୍ରୀଙ୍କ ପୋଷ୍ଟର କିଛି ମିନିଟ୍ ପରେ ଆନ୍ଧ୍ର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏକ ଏକ୍ସ ପୋଷ୍ଟ କରିଛନ୍ତି । ସେ ଲେଖିଛନ୍ତି 'ଆମ ଅତି ନିଜର ତେଲୁଗୁ ପୁଅକୁ ହାର୍ଦ୍ଦିକ ଅଭିନନ୍ଦନ । ସମଗ୍ର ଦେଶ ଆପଣଙ୍କର ଅବିଶ୍ୱସନୀୟ ସଫଳତାକୁ ଉତ୍ସବ ଭାବେ ପାଳନ କରୁଛି । ଆଗାମୀ ଦଶନ୍ଧିରେ ତୁମକୁ ଆହୁରି ଅଧିକ ବିଜୟ ଏବଂ ପ୍ରଶଂସା ମିଳୁ । ଏଥିପାଇଁ ଶୁଭେଚ୍ଛା।’ ଗୁକେଶଙ୍କ ସଫଳତାର ଶ୍ରେୟ ନେବାକୁ ଦୁଇ ମୁଖ୍ୟମନ୍ତ୍ରୀଙ୍କ ମଧ୍ୟରେ ଟଣାଓଟରା ଲାଗିଥିବା ବେଳେ ସୋସିଆଲ ମିଡିଆରେ ମଧ୍ୟ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି ।
