ରାଉରକେଲା,୧୬/୦୨: ବନ୍ଧମୁଣ୍ଡା ଥାନା ଅନ୍ତର୍ଗତ ‘ସି’ ସେକ୍ଟର ଅଞ୍ଚଳରେ ଜିମ୍ ପ୍ରଶିକ୍ଷକ ଶ୍ୟାମଲ ସରକାରଙ୍କ ଉପରେ ଶୁକ୍ରବାର ହୋଇଥିଲା ଆକ୍ରମଣ । ତାଙ୍କୁ ଜୀବନରୁ ମାରି ଦେବା ଲାଗି କେତେକ ଯୁବକ ଦୁଇ ରାଉଣ୍ଡ ଗୁଳି ଚଳାଇବା ସହ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଫଳରେ ଶ୍ୟାମଲଙ୍କ ହାତରେ ଗଭୀର ଆଘାତ ଲାଗିଛି । ତାଙ୍କୁ ଚିକିତ୍ସା ଲାଗି ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ପୁଲିସ୍ ଘଟଣା ସ୍ଥଳରେ ଗୋଟିଏ ଖୋକା ଜବତ କରିଛି । ୭ ଜଣ ଯୁବକଙ୍କୁ ସନ୍ଦେହରେ ଥାନାରେ ଅଟକ ରଖି ଚଳାଇଛି ପଚରାଉଚରା ।
ବନ୍ଧମୁଣ୍ଡା ‘ଡି’ ସେକ୍ଟରରେ ରହୁଥିବା ଶ୍ୟାମଲ ‘ସି’ ସେକ୍ଟର ଠାରେ ଥିବା ଜିମ୍ରେ ପିଲାଙ୍କୁ ପ୍ରଶିକ୍ଷଣ ଦେଇ ରାତି ପ୍ରାୟ ୭ଟା ସମୟରେ ଘରକୁ ଫେରୁଥିଲେ । ଏହି ସମୟରେ ୧୦ରୁ ଊଦ୍ଧ୍ୱର୍ ଯୁବକ ହଠାତ ସେଠାରେ ପହଞ୍ଚି ଶ୍ୟାମଲଙ୍କ ଉପରକୁ ଦୁଇ ରାଉଣ୍ଡ ଗୁଳି ଚଳାଇଥିଲେ । ହେଲେ ଗୁଳିଟି ଲକ୍ଷ୍ୟଚ୍ୟୁତ ହୋଇଥିଲା । ଏହା ପରେ ସମ୍ପୃକ୍ତ ଯୁବକମାନେ ଧାରୁଆ ଅସ୍ତ୍ରରେ ତାଙ୍କୁ ଆକ୍ରମଣ କରି ସେଠାରୁ ଚମ୍ପଟ ମାରିଥିଲେ ।
ଶନିବାର ପୁଲିସ୍ର ଏକ ଟିମ୍ ଘଟଣା ସ୍ଥଳକୁ ଯାଇ ଛାନ୍ଭିନ କରିବା ସହ ଏକ ଖୋକା ପାଇଥିଲା । ପୁଲିସ୍ ସନ୍ଦେହରେ ୭ ଜଣ ଯୁବକଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇଥିବା ବେଳେ କଣ ପାଇଁ ଶ୍ୟାମଲଙ୍କୁ ଆକ୍ରମଣ କରାଗଲା, ଆକ୍ରମଣକାରୀମାନେ କିଏ ଓ ସେମାନେ ବନ୍ଧୁକ କେଉଁଠୁ ଆଣିଥିଲେ ତାର ଟିକିନିକି ତଦନ୍ତ ଚଳାଇଛି ପୁଲିସ୍ ।
