ନୂଆଦିଲ୍ଲୀ, ୧୮।୧୦: ଟ୍ରମ୍ପଙ୍କ ୨୦-ସୂତ୍ରୀ ଶାନ୍ତି ଚୁକ୍ତିନାମାକୁ ହମାସର ବିରୋଧ । ଚୁକ୍ତି ଶେଷ କରିବାକୁ ଗୋଟିଏ ଜିଦ୍ । ଚୁକ୍ତିନାମାର କୌଣସି ସର୍ତ୍ତ ଗ୍ରହଣ କରିବାକୁ ଅରାଜି ହମାସ । କହିଲା ଆମେ ଆମ ଅସ୍ତ୍ରଶସ୍ତ୍ର ସମର୍ପଣ କରିବାକୁ କୌଣସି ଗ୍ୟାରେଣ୍ଟି ଦେଇପାରିବୁନି । ଗାଜା ଏବଂ ଇସ୍ରାଏଲ ମଧ୍ୟରେ ଯୁଦ୍ଧ ଶେଷ କରିବାକୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ୨୦-ସୂତ୍ରୀ ଗାଜା ଶାନ୍ତି ଯୋଜନା ଉପସ୍ଥାପନ କରିଥିଲେ । ଯାହାର ପରିଣାମ ସ୍ୱରୂପ ଯୁଦ୍ଧବିରତି ହୋଇଥିଲା । ଏହି ଚୁକ୍ତି ଶେଷ କରିବାକୁ ହମାସ ଜିଦ ଧରି ବସିଛି । ଏଠି ପ୍ରଶ୍ନ ଉଠୁଛି ଯେ, ଗାଜାରେ ପୁଣି ଥରେ ଯୁଦ୍ଧବିରତି ଉଲଙ୍ଘନ ହେବ କି ?
ଟ୍ରମ୍ପଙ୍କ ୨୦-ସୂତ୍ରୀ ଶାନ୍ତି ଚୁକ୍ତିନାମା ଅନୁଯାୟୀ, ହମାସକୁ ତା'ର ଅସ୍ତ୍ରଶସ୍ତ୍ର ସମର୍ପଣ କରିବାକୁ କୁହାଯାଇଛି । କିନ୍ତୁ, ହମାସ ଏହି ସର୍ତ୍ତ ଗ୍ରହଣ କରିବାକୁ ରାଜି ନୁହେଁ । ହମାସର ଜଣେ ବରିଷ୍ଠ ଅଧିକାରୀ ରଏଟର୍ସଙ୍କୁ କହିଛନ୍ତି ଯେ, ହମାସ ଅସ୍ଥାୟୀ ସମୟ ପାଇଁ ଗାଜାରେ ସୁରକ୍ଷା ନିୟନ୍ତ୍ରଣ ବଜାୟ ରଖିବାକୁ ଚାହୁଁଛି । ସେ ଏହା ମଧ୍ୟ କହିଛନ୍ତି ଯେ ସେ ତା'ର ଅସ୍ତ୍ରଶସ୍ତ୍ର ସମର୍ପଣ କରିବ ବୋଲି ଗ୍ୟାରେଣ୍ଟି ଦେଇପାରିବେ ନାହିଁ । ହମାସର ରାଜନୈତିକ ବ୍ୟୁରୋର ସଦସ୍ୟ ମହମ୍ମଦ ନଜାଲ କହିଛନ୍ତି ଯେ, ହମାସ ଧ୍ୱଂସପ୍ରାପ୍ତ ଗାଜାକୁ ପୁନଃନିର୍ମାଣ କରିବା ପାଇଁ ୫ ବର୍ଷର ଅସ୍ତ୍ରବିରତି ପାଇଁ ପ୍ରସ୍ତୁତ ଏବଂ ଏହା ପରେ କ’ଣ ଘଟିବ ତାହା ପାଲେଷ୍ଟାଇନମାନଙ୍କୁ ଏକ ରାଷ୍ଟ୍ରର ସ୍ୱୀକୃତି ଉପରେ ନିର୍ଭର କରେ । ତଥାପି, ସେ ୨୦ ପଏଣ୍ଟର ଏକ ପ୍ରମୁଖ ସର୍ତ୍ତ ସ୍ପଷ୍ଟ କରି କହିଥିଲେ ଯେ ସେ ଗୋଷ୍ଠୀର ଅସ୍ତ୍ରଶସ୍ତ୍ର ସମର୍ପଣର ଗ୍ୟାରେଣ୍ଟି ଦେଇପାରିବେନାହିଁ ।
ଅସ୍ତ୍ରଶସ୍ତ୍ର ଛାଡ଼ିବ କି ହମାସ ?
ନାଜଲ ବୁଧବାର କହିଥିଲେ ଯେ, ହମାସ ତା’ର ଅସ୍ତ୍ରଶସ୍ତ୍ର ତ୍ୟାଗ କରିବ କି ନାହିଁ ସେ ବିଷୟରେ କିଛି ସ୍ପଷ୍ଟ କରିନାହିଁ । ନାଜଲ ଏହା ମଧ୍ୟ କହିଛନ୍ତି ଯେ ୭ ଅକ୍ଟୋବର, ୨୦୨୩ ଆକ୍ରମଣରେ ହତ୍ୟା କରାଯାଇଥିବା ବନ୍ଧକଙ୍କ ଅବଶିଷ୍ଟ ମୃତଦେହ ରଖିବାରେ ଏହି ଗୋଷ୍ଠୀର କୌଣସି ଆଗ୍ରହ ନାହିଁ । ସେ କହିଛନ୍ତି ଯେ, ହମାସ ୨୮ ମୃତଦେହ ମଧ୍ୟରୁ ଅତି କମ୍ରେ ୯ଟି ମୃତଦେହ ହସ୍ତାନ୍ତର କରିଛି ଏବଂ ଅବଶିଷ୍ଟ ମୃତଦେହ ଉଦ୍ଧାର କରିବାରେ ଏହି ଗୋଷ୍ଠୀ ଅସୁବିଧାର ସମ୍ମୁଖୀନ ହେଉଛି ।
