ଗୋପାଳପୁର, ୧୪/୭ : ଗଞ୍ଜାମ ଜିଲ୍ଲା ଗୋପାଳପୁର ଏନଏସିର କାର୍ଯ୍ୟରତ ୩ନଂ କାଉନସିଲର ବି. ଗୋପାଳକୃଷ୍ଣଙ୍କ ଝୁଲନ୍ତା ମୃତଦେହ ଉଦ୍ଧାର। ଗୋପାଳକୃଷ୍ଣଙ୍କ ନିଜ ଦୋକାନ ଘରୁ ମୃତଦେହ ଉଦ୍ଧାର ହୋଇଛି। ଏନେଇ ତାଙ୍କ ବଡ଼ ପୁଅ ଥାନାରେ ଅଭିଯୋଗ କରିଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ମୃତ୍ୟୁର କାରଣ ଅସ୍ପଷ୍ଟ ରହିଛି।
ସୂଚନାନୁଯାୟୀ, କାଉନସିଲର ଗୋପାଳକୃଷ୍ଣ ଗୋପବନ୍ଧୁ ପାଠାଗାର ନିକଟସ୍ଥ ମାର୍କେଟ କମ୍ପ୍ଲେକ୍ସରେ ଏକ ଜାଲ ଓ ଦୌଡ଼ି ଦୋକାନ କରିଥିଲେ। ସେ ଆଜି ସକାଳେ ଆସି ଦୋକାନ ଖୋଲିଥିଲେ। ପ୍ରାୟ ସାଢେ ବାରଟା ବେଳେ କୌଣସି କାମରେ ତାଙ୍କ ୨ ପୁଅ ପବନ ଓ ଭିକି ଦୋକାନକୁ ଆସିଥିଲେ। ଦୋକାନ ବାହାରେ ଚପଲ ପଡିଥିବା ବେଳେ ଦୋକାନ ବନ୍ଦ ଥିବା ଯୋଗୁଁ ବାପା ଶୋଇଥିବା ଭାବି ଦୋକାନ ଖୋଲି ଭିତରକୁ ପଶିଥିଲେ। ଗୋପାଳକୃଷ୍ଣ ଫ୍ୟାନ୍ରେ ଝୁଲୁଥବା ଦେଖି ତାଙ୍କୁ ତଳକୁ ଓହ୍ଲାଇଥିଲେ। ହେଲେ ସେତେବେଳେକୁ ତାଙ୍କର ମୃତ୍ୟୁ ହୋଇଥିବା ଜାଣି ବଡ଼ ପୁଅ ପବନ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
