ଆନନ୍ଦପୁର, ୨୦/୦୧ : ଚାଷ ଜମିରେ ହୁତୁହୁତୁ ହୋଇ ଜଳିଗଲା ହାର୍ଭେଷ୍ଟର। ରବିବାର ସନ୍ଧ୍ୟାରେ ଆନନ୍ଦପୁର ଉପଖଣ୍ଡ ସରମଙ୍ଗା ଗାଁ ନିକଟ ଏକ ଚାଷ ଜମିରେ ଏହି ଘଟଣା ଘଟିଛି। ଧାନ କାଟିବା ବେଳେ ହାେର୍ଭେଷ୍ଟର ମେସିନଟି ଜଳିଯାଇଛି।
ଏହି ଖବରଟିକୁ ପଢନ୍ତୁ-ଚିଲିକାରେ ଡଲଫିନ ଗଣନା ଆରମ୍ଭ, ଗଣନାକାରୀଙ୍କୁ ବିମୋହିତ କରୁଛି ଡଲଫିନଙ୍କ ଜଳକ୍ରୀଡା
ସୂଚନାନୁଯାୟୀ, ରବିବାର ସନ୍ଧ୍ୟାରେ ସରମଙ୍ଗା ଗାଁର ଅକ୍ଷୟ ସ୍ୱାଇଁ ତାଙ୍କ ବିଲରୁ ଧାନ କାଟୁଥିଲେ। ଏହି ସମୟରେ ହାର୍ଭେଷ୍ଟର ମେସିନର ସମ୍ମୁଖ ଭାଗ ବ୍ୟାଟେରୀ ପାଖରେ ଆକସ୍ମିକ ଭାବେ ନିଆଁ ଲାଗି ଯାଇଥିଲା। ଏହାପରେ ଡ୍ରାଇଭର୍ ଜଣଙ୍କ ଗାଡିକୁ ଦୂରକୁ ନେଇ ଡେଇଁ ପଡିଥିଲେ। ଏନେଇ ହାଟଡିହି ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇ ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଏଥିରେ ଅକ୍ଷୟ ସ୍ଵାଇଁଙ୍କ କିଛି ଧାନ ଫସଲ ନଷ୍ଟ ହୋଇଥିବା ଜଣାପଡ଼ିଛି।
