ସାଲେଭଟା,୧୦/୮: ବରଗଡ-ବୋରିଗୁମ୍ମା ୨୬ନମ୍ବର ଜାତୀୟ ରାଜପଥ ଚେରୁପାଲି ସ୍କୁଲ ସମ୍ମୁଖରେ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ଫଳରେ ଜଣକର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି ।
ମିଳିଥିବା ସୂଚନା ଅନୁସାରେ ବଲାଙ୍ଗିର ଜିଲ୍ଲା ସାଲେଭଟା ଗ୍ରାମର କାଳୀଚରଣ ନାଗ (୩୪ ବର୍ଷ) ଡୁଙ୍ଗୁରିପାଲି ରେଳ ଷ୍ଟେସନରେ ୪ର୍ଥ ଶ୍ରେଣୀ କର୍ମଚାରୀ ଭାବେ କାମ କରନ୍ତି । ସବୁ ଦିନ ଭଳି ସେ ଆଜି ମଧ୍ୟ କାମ ସାରି ଘରକୁ ଫେରୁଥାନ୍ତି । ତେବେ ଆଜି ସଂଧ୍ୟା ୮ଟାରେ କାଳୀ ଚରଣ ଘରକୁ ଫେରୁଥିବା ବେଳେ ଚେରୁପାଲି ନିକଟରେ ଡୁଙ୍ଗୁରିପାଲି ଥାନା ଅନ୍ତର୍ଗତ କୁଶାମାଲ ଗ୍ରାମର ଦନାର ଘିବେଲାଙ୍କ ଦୁଇପୁଅ ସୁଜିତ ଓ ଅଜିତ କୌଣସି କାମରେ ଅପରପାର୍ଶ୍ୱରୁ ଘରକୁ ଫେରୁଥିଲେ । ଚେରୁପାଲି ସ୍କୁଲ ସମ୍ମୁଖରେ ଉଭୟ ବାରକ ମଧ୍ୟରେ ମୁହଁ ମୁହିଁ ଧକ୍କା ହୋଇଥିଲା । ଫଳରେ ସମସ୍ତେ ଗୁରୁତର ଆହତ ହୋଇଥିଲେ।
ସ୍ଥାନୀୟ ଲୋକେ ଏବଂ ପରିବାର ପକ୍ଷରୁ ଆହତ ମାନଙ୍କୁ ସଙ୍ଗେ ସଙ୍ଗେ ଡୁଙ୍ଗୁରିପାଲି ଡାକ୍ତରଖାତାକୁ ନିଆଯାଇଥିଲା । ଡାକ୍ତରଖାନାରେ କାଳୀଚରଣ ନାଗକୁ ଡାକ୍ତର ମୃତ ଘୋଷଣା କରିଥିଲେ । ତାଙ୍କର ଛାତିରେ ମାଡ ହୋଇଥିବା ସହ ମୁଣ୍ଡର ପଛରେ ଗୁରୁତର ଆଘାତ ଲାଗିଥିବାରୁ ତାଙ୍କର ମୃତ୍ୟୁ ହୋଇଛି ବୋଲି ଡାକ୍ତରଖାନା ସୂତ୍ରରୁ ପ୍ରକାଶ । ଅନ୍ୟ ୨ଜଣଙ୍କ ଅବସ୍ଥା ମଧ୍ୟ ଗୁରୁତର ରହିଛି । ସେମାନଙ୍କୁ ଅଧିକ ଚିକିତ୍ସା ପାଇଁ ବୁର୍ଲା ପଠାଯାଉଛି।
ମୃତକଙ୍କ ସମ୍ପର୍କରେଖବର ପାଇ ସେମାନଙ୍କ ସଂମର୍କୀୟମାନେ ଡାକ୍ତରଖାନରେ ପହଞ୍ଚି ଥିଲେ । ଡାକ୍ତରଖାନା ପରିବେଶରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା । ମୃତକଙ୍କ ୨ଟି ଛୋଟ ପିଲା ଥିବା ନେଇ ସୂଚନା ମିଳିଛି । ତେବେ ଡୁଙ୍ଗୁରିପାଲି ଥାନାଧିକାରୀ ରୋଜାଲିନ ପଟେଲ ଖବର ପାଇ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଜାରି ରଖିଛନ୍ତି । ଆସନ୍ତାକଲି କାଲି ଶବ ବ୍ୟାବଚ୍ଛେଦ ପାଇଁ ବିନିକା ପଠାଯିବ ପରେ ମୃତ ଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।
