ଢାକା,୦୧/୦୬: ବାଂଲାଦେଶ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ବିରୋଧରେ ବାଂଲାଦେଶୀ ଟ୍ରିବ୍ୟୁନାଲ ଏରାଧିକ ବଡ଼ ନିଷ୍ପତ୍ତି ଶୁଣାଇପାରନ୍ତି । ତାଙ୍କ ନାମରେ ୨୦୨୪ ଛାତ୍ର ଆନ୍ଦୋଳର ସମୟରେ ମାନବତା ବିରୋଧରେ ଅପରାଧର ଗମ୍ଭୀର ଅଭିଯୋଗ ହୋଇଥିଲା । ମାମଲାରେ ଶୁଣାଣି ଆରମ୍ଭ ହୋଇଛି । ଟ୍ରିବ୍ୟୁନାଲ ହସିନାଙ୍କୁ ମୃତ୍ୟୁ ଦଣ୍ଡାଦେଶ ଦେଇପାରନ୍ତି ବୋଲି କୁହାଯାଉଛି । ବାଂଲାଦେଶ ଇଣ୍ଟରନ୍ୟାସନାଲ କ୍ରାଇମ୍ସ ଟ୍ରିବ୍ୟୁନାଲ (ଆଇଏସଟି-ବିଡି) ଆଜି ହସିନାଙ୍କ ବିରୋଧରେ ହୋଇଥିବା ଅଭିଯୋଗର ଶୁଣାଣି କରୁଛନ୍ତି ।
ଗତ ବର୍ଷ ଶେଖ୍ ହସିନା ଛାତ୍ର ଆନ୍ଦୋଳନ ପରେ ପଦରୁ ଇସ୍ତଫା ଦେଇଥିଲେ । ଏହାପରେ ତାଙ୍କ ବିରୋଧରେ ବାଂଲାଦେଶରେ ଲଗାତାର ବିରୋଧ ପ୍ରଦର୍ଶନ ହୋଇଥିଲା । ତାଙ୍କ ନାମରେ ବିଭିନ୍ନ ଅଦାଲତରେ ମକଦ୍ଦମା ଦାୟର ହୋଇଥିଲା । ଏବେ ବି ବାଂଲାଦେଶରେ ଅସ୍ଥିରତା ଜାରି ରହିଛି । ୟୁନୁସୁ ସରକାରଙ୍କୁ ବିରୋଧ କରୁଛନ୍ତି ସେନାମୁଖ୍ୟ । ଡି଼ସେମ୍ବର ସୁଦ୍ଦା ନିର୍ବାଚନ ସାରିବାକୁ କହୁଛନ୍ତି ସେନା ମୁଖ୍ୟ ।
ମେ ୧୨ରେ ଦାଖର ହୋଇଥିଲା ରିପୋର୍ଟ- ଗତ ଜୁଲାଇ ଏବଂ ଅଗଷ୍ଟରେ ଦେଶରେ ହିଂସା ଏବଂ ପୋଲିସର ଗୁଳିମାଡ, ଗଣହତ୍ୟା ପାଇଁ ସ୍ଥିତି ଉପୁଜିଥିଲା । ଏହାକୁ ଶେଖ୍ ହସିନା ଉସକାଇଥିବା ନେଇ ଅଭିଯୋଗ ହୋଇଥିଲା । ମେ ୧୨ରେ ଦଦନ୍ତକାରୀ ଦଳ ଏକ ରିପୋର୍ଟ ଉପସ୍ଥାପିତ କରିଥିଲେ ଯେଉଁଥିରେ ହସିନା ହତ୍ୟା ଆଦେଶ ଦେଇଥିବା କୁହାଯାଇଥିଲା । ଯେଉଁ ଟ୍ରିବ୍ୟୁନାଲ ଜରିଆରେ ଶେଖ୍ ହସିନାଙ୍କ ଉପରେ ଅଭିଯୋଗ ହୋଇଥିଲା ତାହା ପାକିସ୍ତାନରୁ ମୁକୁଳି ପାକ୍ ସୈନିକଙ୍କ ଉପରେ ମାମଲା କରିବାକୁ ହୋଇଥିଲା ।
ଭାରତରେ ଅଛନ୍ତି ଶେଖ୍ ହସିନା- ବାଂଲାଦେଶ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନା ଭାରତରେ ଅଛନ୍ତି । ବାଂଲାଦେଶରେ ବିରୋଧ ପ୍ରଦର୍ଶନ ପରେ ସେ ଭାରତ ଚାଲି ଆସିଥିଲେ । ବାଂଲାଦେଶ ଅନ୍ତରୀଣ ସରକାର ଶେଖ୍ ହସିନାଙ୍କ ପ୍ରତ୍ୟାବର୍ତ୍ତନ ଦାବି କରିଥିଲେ । ମାତ୍ର ଭାରତ ଏମିତି କିଛି ଦାବି ଉପରେ ପ୍ରତିକ୍ରିୟା ଦେଇନଥିଲା । ହସିନାଙ୍କ ସମୟରେ ଭାରତ ଓ ବାଂଲାଦେଶ ମଧ୍ୟରେ ସମ୍ପର୍କ ଭଲ ଥିଲା । ତାଙ୍କ ପରେ ସମ୍ପର୍କରେ ଫାଟ ଆସିଥିଲା । ବାଂଲାର ନୂଆ ୟୁନୁସ ସରକାରର ଚୀନ ଓ ପାକିସ୍ତାନ ସହ ସମ୍ପର୍କ ରହିଛି । ହେଲେ ବାଂଲାଦେଶ ଭାରତ ସହ ସମ୍ପର୍କ ରଖିବାକୁ ପ୍ରୟାସ କରୁଛି ।
