ଭୁବନେଶ୍ୱର/ରାଉରକେଲା ୧୩/୦୧: କ୍ରମାନ୍ୱୟରେ ୨ଟି ମ୍ୟାଚ୍ ଜିତିବା ପରେ ବେଦାନ୍ତ କଳିଙ୍ଗ ଲାନସର୍ସ ରବିବାର ପୁଣି ପରାଜିତ ହୋଇଛି । ହାଇଦ୍ରାବାଦ ତୁଫାନ୍ସ ଠାରୁ ଦଳ ୫-୧ ଗୋଲରେ ପରାସ୍ତ ହୋଇ ଏଚ୍ଆଇଏଲ୍ ପଏଣ୍ଟ ଟେବୁଲରେ ଷଷ୍ଠ ସ୍ଥାନକୁ ଖସି ଆସିଛି।
ହାଇଦ୍ରାବାଦର ପ୍ରଭାବୀ ପ୍ରଦର୍ଶନ ସାମ୍ନାରେ ଲାନସର୍ସ ଫିକା ପଡ଼ିଯାଇଥିଲା । ଯଦିଓ ଲାନସର୍ସ ପ୍ରଥମେ (୫ ମିନିଟ) ଖାତା ଖୋଲିଥିଲା । ମାତ୍ର ପରେ ହାଇଦ୍ରାବାଦ ଏମିତି ପ୍ରଦର୍ଶନ କରିଥିଲା ଯେ ବିପକ୍ଷ ଦଳକୁ କୌଣସି ସୁଯୋଗ ଦେଇ ନଥିଲା । ୬, ୨୧, ୩୦, ୪୭ ଓ ୫୪ ମିନିଟରେ ଗୋଲ୍ ଦେଇ ହାଇଦ୍ରାବାଦ ମ୍ୟାଚ୍କୁ ଜିତି ନେଇଥିଲା । ଗୋଞ୍ଜାଲୋ ପେଲାଟ୍ ଡବଲ ଗୋଲ ସ୍କୋର କରିଥିଲେ । ବହୁ ପ୍ରୟାସ କରି ଲାନସର୍ସ ମ୍ୟାଚ୍କୁ ପ୍ରତ୍ୟାବର୍ତ୍ତନ କରିପାରି ନଥିଲା ।
ହାଇଦ୍ରାବାଦ ୬ଟି ମ୍ୟାଚ୍ରୁ ୧୦ ପଏଣ୍ଟ ପାଇ ଟେବୁଲର ଦ୍ୱିତୀୟ ସ୍ଥାନ ଏବଂ ତାମିଲନାଡୁ ଡ୍ରାଗନ୍ସ ୧୨ ପଏଣ୍ଟ ସହ ଶୀର୍ଷ ସ୍ଥାନରେ ରହିଛି।
