ମେଷ: ବହୁ ବିଦ୍ୟା ପାରଙ୍ଗମ ହୋଇଥିଲେ ମଧ୍ୟ ଯଦି ଲୋକଟି ଦୁର୍ଜନ ହୋଇଥାଏ ତେବେ ତା’ର ସଙ୍ଗ ପରିତ୍ୟାଗ ତୁରନ୍ତ କରିବା ଉଚିତ୍। ବିଦେଶ ଯିବାରେ ବିପଦର ସମ୍ମୁଖୀନ ହେବେ। ଦାନ କରିପାରନ୍ତି।
ବୃଷ: ପତ୍ନୀ ରୂପବତୀ ହୋଇପାରନ୍ତି। ଶାନ୍ତ, ଶିଷ୍ଟ ଗୁଣଯୁକ୍ତା ହେବେ। ପତିବ୍ରତା ହେବେ। ଆଚାର, ବ୍ୟବହାର ପ୍ରେମପୂର୍ଣ୍ଣ ହେବ। ଲଜ୍ଜାଶୀଳା ହେବେ। ଦେବ, ବ୍ରାହ୍ମଣ ଭକ୍ତିଯୁକ୍ତ ହୋଇପାରନ୍ତି। କର୍ମଠ ହେବେ।
ମିଥୁନ: ପତ୍ନୀଙ୍କ ପାଇଁ ଅନ୍ୟ ଲୋକଙ୍କ ବୈରୀ ହୋଇପାରନ୍ତି। ସାମାଜିକ ସ୍ତରରେ ଜଣେ ଦୁଷ୍ଟ ବ୍ୟକ୍ତିଭାବେ ପରିଗଣିତ ହୋଇପାରନ୍ତି। ବ୍ୟବସାୟରେ ଲାଭଖୋର୍ ମନୋବୃତ୍ତିର ହେବେ। ନୀଚାନୁରକ୍ତ ହେବେ।
କର୍କଟ: ପୁତ୍ରମାନେ ପ୍ରସିଦ୍ଧି ଲାଭ କରି କୁଳ ମର୍ଯ୍ୟାଦା ରକ୍ଷା କରିବେ। ଅକ୍ଷୟ କୀର୍ତ୍ତିର ଅଧିକାରୀ ହେବେ। ମହାନୁଭବ ବ୍ୟକ୍ତିବିଶେଷ ହୋଇପାରନ୍ତି। ଧନବାନ୍ ହେବେ। ବିନୟାବନତ ହେବାର ସୂଚନା ମିଳୁଛି।
ସିଂହ: ହଠାତ୍ ସୁଖର ଅଧିକାରୀ ହୋଇପାରନ୍ତି। କୁମିତ୍ରମାନଙ୍କୁ ପରିତ୍ୟାଗ ନକଲେ ଦାରିଦ୍ର୍ୟତା ଭୋଗ କରିବାକୁ ପଡ଼ିବ। ପ୍ରଥମେ ଅଜଣା ବ୍ୟକ୍ତିକୁ ପରୀକ୍ଷା କରି ମିତ୍ରତା ଆଚରଣ କରିବାକୁ ହେବ। ଦାନ କରିପାରନ୍ତି।
କନ୍ୟା: ପତ୍ନୀ, ସହକର୍ମିଣୀ ଓ ସହଧର୍ମିଣୀର ଭାର ବହନ କରିବେ। ସେ ଧର୍ମରତ ଓ ଗୁରୁଭକ୍ତ ହେବେ। ଆଚରଣ ଶୁଦ୍ଧ ହେବ। ସ୍ବଭାବ ସୁଲଭ ଗୁଣରେ ପଡ଼ୋଶୀମାନଙ୍କ ସହିତ ସୁସମ୍ପର୍କ ରଖିବେ।
ତୁଳା: ବ୍ୟବସାୟରୁ ପ୍ରଚୁର ଧନଲାଭ ସୁଯୋଗ ସୃଷ୍ଟି ହେବ। ପୁତ୍ରଙ୍କଠାରୁ ସ୍ବଳ୍ପ ଧନ ପ୍ରାପ୍ତିର ସୂଚନା ମିଳୁଛି। ଗୁରୁଙ୍କ ଆଶୀର୍ବାଦରୁ ଧନ ପ୍ରାପ୍ତ ହେବେ। କର୍ମକ୍ଷେତ୍ର ଲାଭଦାୟକ ହେବ। କର୍ତ୍ତବ୍ୟନିଷ୍ଠା ଯୋଗଁ ପୁରସ୍କୃତ ହେବେ।
ବିଛା: ଦୁଃସାହସିକ ପଦକ୍ଷେପ ନେଇ ସଂସ୍କାରରତ ହୋଇପାରନ୍ତି। କ୍ଷୁଦ୍ର ବ୍ୟବସାୟ ଲାଭଦାୟକ ହେବ। ନିର୍ଭରଶୀଳ ନ ହୋଇ ସ୍ବାଧୀନଚେତା ଭାବେ ମନପସନ୍ଦର କାର୍ଯ୍ୟ ସମ୍ପାଦନ କରିବେ। କ୍ଷମତାପନ୍ନ ହେବେ।
ଧନୁ: କୃଷି କର୍ମରେ ଦକ୍ଷତା ପ୍ରତିପାଦନ କରିପାରନ୍ତି। ସେବା ପରାୟଣ ମନୋଭାବର ହେବେ। ବ୍ୟବହାର ଭଦ୍ରୋଚିତ ଓ ମାର୍ଜିତ ହେବ। ଧର୍ମ କାର୍ଯ୍ୟରେ ଧନ ବ୍ୟୟ କରିପାରନ୍ତି। ଦୁର୍ଜନଙ୍କୁ ପରିତ୍ୟାଗ କରିବେ।
ମକର: ନୌବାଣିଜ୍ୟରୁ ଧନଲାଭ ହେବ। ଜଳଯାନ ନିର୍ମାଣ କରି ବିକ୍ରୟଲବ୍ଧ ଧନରେ ଆର୍ଥିକ ସ୍ଥିତିକୁ ଦୃଢ଼ କରିପାରନ୍ତି। ସରକାରୀ ଚାକିରିରେ କୁଟୁମ୍ବ ପ୍ରତିପୋଷଣ କରିବା ସହିତ ସଞ୍ଚାୟାଭିମୁଖୀ ହୋଇପାରନ୍ତି।
କୁମ୍ଭ: କୁଳୋଚିତକର୍ତ୍ତା ହେବାର ସୂଚନା ମିଳୁଛି। ଅକ୍ଷୟ କୀର୍ତ୍ତିର ଅଧିକାରୀ ହେବେ। ଦ୍ବିଜାନୁରକ୍ତ ହେବାର ନିଷ୍ପତ୍ତିରେ ଅଟଳ ମହାମେରୁ ପାଲଟି ଯାଇପାରନ୍ତି। ବିଦ୍ୟାବାନ୍, ଗୁଣୀ ଓ ଚତୁର ପ୍ରକୃତିର ହେବେ।
ମୀନ: ଧର୍ମକାରୀ ହେବାର ସୂଚନା ମିଳୁଛି। ଯଜ୍ଞ କର୍ମ ସମ୍ପାଦନ ପାଇଁ ମନ ବଳାଇ ପାରନ୍ତି। ପ୍ରତ୍ୟେକ କାର୍ଯ୍ୟ ତୁରନ୍ତ ଶେଷ କରିବାର ପ୍ରବୃତ୍ତି ଆପଣଙ୍କର ରହିଛି। ତୀର୍ଥଯାତ୍ରା ପାଇଁ ମନ ବଳାଇବେ।
