ନୂଆଦିଲ୍ଲୀ,୨୯।୬: ବାୟୁସେନାର ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଲା ଅନ୍ତର୍ଜାତୀୟ ମହାକାଶ ଷ୍ଟେସନରେ ପହଞ୍ଚି ଇତିହାସ ରଚିଛନ୍ତି। ତାଙ୍କ ସହିତ ଏହି ଦଳରେ ଆଉ ଚାରି ଜଣ ମଧ୍ୟ ସାମିଲ ଅଛନ୍ତି। ଗତକାଲି ପ୍ରଧାନମନ୍ତ୍ରୀ ମୋଦି ଶୁଭାଂଶୁ ଶୁକ୍ଳାଙ୍କ ସହ କଥା ହୋଇଥିଲେ ଏବଂ ଶୁଭାଂଶୁ ମହାକାଶରେ ପହଞ୍ଚିବାର ତାଙ୍କର ଅଭିଜ୍ଞତା ଜଣାଇଥିଲେ। ସେ କହିଥିଲେ, ପୃଥିବୀ ଏବଂ ମହାକାଶ ମଧ୍ୟରେ ବହୁତ ପାର୍ଥକ୍ୟ ଅଛି ଏବଂ ସେଠାରେ ଶୋଇବା ସବୁଠାରୁ ବଡ଼ ଚ୍ୟାଲେଞ୍ଜ।  ତେବେ ମଣିଷ ମହାକାଶରେ ପହଞ୍ଚିବା ମାତ୍ରେ ଲୋକଙ୍କ ମନରେ ଅନେକ ପ୍ରକାରର ଚିନ୍ତାଧାରା ଆସେ। ପ୍ରଥମ ପ୍ରଶ୍ନ ହେଉଛି ପୃଥିବୀରେ କୌଣସି ମୋବାଇଲ୍ ଟାୱାର ବିନା ଏତେ ଦୂରରୁ ସେମାନେ କିପରି ଯୋଗାଯୋଗ କରନ୍ତି। ଆସନ୍ତୁ ଜାଣିବା କିଭଳି ଏହା ସମ୍ଭବ ହୁଏ ? 

ମହାକାଶରେ ବାୟୁ ନାହିଁ ଏବଂ ଶୂନ୍ୟ ସ୍ଥାନରେ କୌଣସି ପ୍ରକାରର ଯୋଗାଯୋଗ କଷ୍ଟକର। ସେଠାରେ କୌଣସି ଇଣ୍ଟରନେଟ୍ ତାର ନାହିଁ ଏବଂ କୌଣସି କେବୁଲ୍ ବିଛାଯାଇ ନାହିଁ, ତେଣୁ ବଡ଼ ପ୍ରଶ୍ନ ହେଉଛି ମହାକାଶଚାରୀମାନେ ମହାକାଶରେ ଥିବା ସ୍ପେସ୍ ଷ୍ଟେସନରୁ ପୃଥିବୀକୁ କଲ୍ କିମ୍ବା ଭିଡିଓ କଲ୍ କିପରି କରନ୍ତି। ବୈଜ୍ଞାନିକଙ୍କ ମତରେ, ମହାକାଶରେ ଯୋଗାଯୋଗ  ସହଜ କାମ ନୁହେଁ। ନାସାର ସ୍ପେସ୍ କମ୍ୟୁକେସନ୍ ଆଣ୍ଡ ନାଭିଗେସନ୍ ସିଷ୍ଟମ୍ (SCaN) ଚନ୍ଦ୍ରରେ ଥିବା ସମସ୍ତ ରୋଭର, ଆର୍ଟେମିସ୍ ମିଶନ କିମ୍ବା ISS ସହିତ ଯୋଗାଯୋଗ କରିବା ପାଇଁ କାମ କରେ। ଯେକୌଣସି ଯୋଗାଯୋଗ ନେଟୱାର୍କ ଟ୍ରାନ୍ସମିଟର-ନେଟୱାର୍କ-ରିସିଭର ସାହାଯ୍ୟରେ କାମ କରେ। ଟ୍ରାନ୍ସମିଟର ବାର୍ତ୍ତାକୁ କୋଡରେ ରୂପାନ୍ତରିତ କରି ନେଟୱାର୍କ ମାଧ୍ୟମରେ ପଠାଏ ଏବଂ ରିସିଭର ସେଠାରୁ ଏହାକୁ ଗ୍ରହଣ କରି ଡିକୋଡ୍ କରେ। ଏହି ପଦ୍ଧତି ପୃଥିବୀରେ କାମ କରେ, କିନ୍ତୁ ମହାକାଶରେ ସମସ୍ୟା ହେଉଛି ଯେ ଏୟାରକ୍ରାଫ୍ଟ ଘଣ୍ଟା ପ୍ରତି ଶହ ଶହ କିଲୋମିଟର ବେଗରେ ଉଡ଼େ ଏବଂ ଏପରି ପରିସ୍ଥିତିରେ ତାଙ୍କ ସହିତ ଯୋଗାଯୋଗ କରିବା ସହଜ ନୁହେଁ।

ଏହି ସମସ୍ୟା ପାଇଁ ନାସା ସମ୍ପୂର୍ଣ୍ଣ ଭାବରେ ପୃଥିବୀର ୭ଟି ମହାଦ୍ବୀପରେ ବଡ ବଡ ଆଣ୍ଟିନା ଲଗାଇଛି। ଏହା ଜାଗା ଏହି ହିସାବରେ ଚୟନ କରାଯାଇଛି ଯେ, ସ୍ପେସ୍‌କ୍ରାଫ୍ଟ ଓ ଗ୍ରାଉଣ୍ଟ ଷ୍ଟେସନ୍ ଭିତରେ କମ୍ୟୁନିକେସନ୍‌ର ମୁଖ୍ୟ କକ୍ଷ ଭାବରେ କାମ କରିଥାଏ। ଏହି ଆଣ୍ଟେନାଗୁଡ଼ିକ ପ୍ରାୟ ୨୩୦ ଫୁଟ ହୋଇଥାଏ। ଏହାର ଏତେ ବଡ଼ ଆକାର ଏବଂ ଉଚ୍ଚ ଫ୍ରିକ୍ୱେନ୍ସି ଯୋଗୁଁ, ଏଗୁଡ଼ିକୁ ୨୦୦ କୋଟି ମାଇଲ ପର୍ଯ୍ୟନ୍ତ ଯୋଗାଯୋଗ ପାଇଁ ବ୍ୟବହାର କରାଯାଇପାରିବ। ଏହା ବ୍ୟତୀତ, NASA ପାଖରେ ଅନେକ ରିଲେ ଉପଗ୍ରହ ମଧ୍ୟ ଅଛି, ଯାହା ସାହାଯ୍ୟରେ ଯୋଗାଯୋଗ ସ୍ଥାପନ କରାଯାଇପାରିବ। ବର୍ତ୍ତମାନ, NASA ରେଡିଓ ତରଙ୍ଗ ବ୍ୟବହାର କରେ। ତଥାପି, NASA ଇନଫ୍ରାରେଡ୍ ଲେଜର ବ୍ୟବହାର କରିବାର ଚେଷ୍ଟାରେ ଅଛି। ଯାହା ମାଧ୍ୟମରେ ଭବିଷ୍ୟତରେ ମହାକାଶରୁ ପୃଥିବୀ ସହିତ ଯୋଗାଯୋଗ କରିବା ସହଜ ହୋଇଯିବ।