ନୂଆଦିଲ୍ଲୀ ୨୩/୦୧: ପ୍ରାୟ ଘରଣୀ ସ୍ୱାମୀଙ୍କ ସହ ଯାଇ ବ୍ୟାଙ୍କରେ ସଞ୍ଚୟ ଖାତା ଖୋଲିଥାନ୍ତି । କିନ୍ତୁ ଯଦି ଏହାକୁ କେବେ ବନ୍ଦ କରିବାକୁ ପଡିଥାଏ । ତେବେ ସ୍ୱାମୀମାନେ ସେତେଟା ଗୁରୁତ୍ୱ ଦେଇ ନଥାନ୍ତି । ଏପରି ସ୍ଥଳେ ଗୃହିଣୀମାନେ ଚାହିଁଲେ ସ୍ୱାମୀଙ୍କ ବିନା ସହାୟତାରେ ନିଜେ ମଧ୍ୟ ଏହି ଆକାଉଣ୍ଟ୍କୁ ବନ୍ଦ କରିପାରିବେ । ଚାଲନ୍ତୁ ଦେଖିବା କେମିତି ବନ୍ଦ କରି ହେବ ସଞ୍ଚୟ ଖାତା । ବ୍ୟାଙ୍କରେ ଥିବା ସଞ୍ଚୟ ଖାତାକୁ ବନ୍ଦ କରିବା ସହ ଏଥିରେ ଥିବା ସମସ୍ତ ଅର୍ଥ ଉଠାଇ ଆଣିପାରିବେ । କିନ୍ତୁ ଯଦି ଆପଣ ଏହି ଆକାଉଣ୍ଟ୍ରେ ଟ୍ରାଜାକ୍ସନ୍ ନ କରି ବନ୍ଦ ନ କରନ୍ତି, ତେବେ ଏହି ଆକାଉଣ୍ଟ୍ ଉପରେ ବ୍ୟାଙ୍କ ବିଭିନ୍ନ ଚାର୍ଜ ଲଗାଇଥାଏ । ତେଣୁ ବ୍ୟବହାର ନ ହେଉଥିବା ଆକାଉଣ୍ଟକୁ ବନ୍ଦ କରିବା ଉଚିତ୍ ।
ଷ୍ଟେଟମେଣ୍ଟ୍ର ବ୍ୟାକ୍ଅପ୍ ଜରୁରି
ସଞ୍ଚୟ ଖାତା ବନ୍ଦ କରିବା ପୂର୍ବରୁ ଏହାର ସମସ୍ତ ବ୍ୟାକ୍ଅପ୍ ରଖିନିଅନ୍ତୁ । ପ୍ରଥମେ ବାଲାନ୍ସ ଚେକ୍ କରି ଷ୍ଟେଟ୍ମେଣ୍ଟ୍ ଡାଉନ୍ଲୋଡ୍ କରନ୍ତୁ । ହୁଏତ ଭବିଷ୍ୟତରେ ଦରକାର ପଡିପାରେ । ଏହାର ସଫ୍ଟ କପି ସହ ପ୍ରିଣ୍ଟ୍ କପି ମଧ୍ୟ ରଖନ୍ତୁ ।
ଚାର୍ଜ ପେମେଣ୍ଟ୍
ଖାତା ବନ୍ଦ କରିବା ପୂର୍ବରୁ ବାଲାନ୍ସ ଚେକ୍ କରନ୍ତୁ । ଆକାଉଣ୍ଟରେ ଆବଶ୍ୟକଠାରୁ କମ୍ ବା ସର୍ବନିମ୍ନ ଟଙ୍କା ରଖିବା ଅନୁଚିତ୍ । ଏହାଦ୍ୱାରା ଆପଣଙ୍କୁ ସର୍ଭିସ୍ ଚାର୍ଜ ଦେବାକୁ ପଡିଥାଏ । ସେହିପରି ଏହାର ନକାରାତ୍ମକ ପ୍ରଭାବ କ୍ରେଡିଟ୍ ସ୍କୋର ଉପରେ ମଧ୍ୟ ପଡିଥାଏ । ସଞ୍ଚୟ ଖାତା ବନ୍ଦ କରିବା ପୂର୍ବରୁ ବ୍ୟାଙ୍କର ସମସ୍ତ ଚାର୍ଜ ଭରି ଦିଅନ୍ତୁ । ଏହାବ୍ୟତୀତ ଯଦି ଏହି ଆକାଉଣ୍ଟ ଇଏମ୍ଆଇ ବା ବିଲ୍ ସହିତ ଜଡିତ ଥାଏ, ତେବେ ତୁରନ୍ତ ଏହାକୁ ବିଚ୍ଛିନ୍ନ କରାଇ ଦିଅନ୍ତୁ ।
ବିଭିନ୍ନ ସ୍ଥାନରେ ଆକାଉଣ୍ଟ୍ ଅପଡେଟ୍ ଦିଅନ୍ତୁ
ଏହି ଆକାଉଣ୍ଟ୍ ସହ ଜଡିତ ଥିବା ସମସ୍ତ ଜାଗାକୁ ତୁରନ୍ତ ଆକାଉଣ୍ଟ ଅପ୍ଡେଟ୍ ଜଣାଇ ଦିଅନ୍ତୁ । ଯେପରିକି କୌଣସି ଯୋଜନା ବା ପଲିସି ସହ ଆକାଉଣ୍ଟ୍ ସଂପୃକ୍ତ ଥିଲେ, ଏହାକୁ ବିଚ୍ଛିନ୍ନ କରାଇ ନିଅନ୍ତୁ । ନଚେତ୍ ସମସ୍ୟାରେ ପଡିପାରନ୍ତି ।
