ଭୁବନେଶ୍ୱର,୨୩/୦୪: ଅଧା ରହିଗଲା ୟୁପିଏସି ସ୍ଵପ୍ନ । ବାଧକ ସାଜିଲା ଅର୍ଥ। ମାଙ୍କ ଦେହ ଅସୁସ୍ଥ ଥିବା ଅଳ୍ପ କିଛି ଟଙ୍କା ପାଇଁ କରୁଥିଲେ ଗଞ୍ଜେଇ ଚାଲାଣ। କୋରାପୁଟ ରେଳ ଷ୍ଟେସନରେ ନିକଟରେ ଧରିଲା ପୋଲିସ । ବିପୁଳ ପରିମାଣର ଗଞ୍ଜେଇ ସହ ଅଭିଯୁକ୍ତକୁ ଧରିଲା ସନ୍ଧାନୀ କୁକୁର। ତେବେ ଗିରଫ ଅଭିଯୁକ୍ତ ଜଣକ ବିହାରର ଅରବିନ୍ଦ କୁମାର ଶର୍ମା ବୋଲି ଜଣାପଡ଼ୁଛି ।
ସୂଚନା ମୁତାବକ, ହାୱଡା ଏକ୍ସପ୍ରେସ ଟ୍ରେନରୁ କୋରାପୁଟ ଷ୍ଟେସନରେ ଜିଆରପି ଏବଂ ଆରପିଏଫ୍ ପୁଲିସ ଦ୍ଵାରା ୩୪ କିଲୋ ୫ ଶହ ଗ୍ରାମ ଗଞ୍ଜେଇ ଜବତ କରାଯାଇଛି । ଏଥିସହ ଅଭିଯୁକ୍ତକୁ ଗିରଫ କରାଯାଇଥିବା ନେଇ ଜିଆରପି ଥାନା ଅଧିକାରୀ ସନ୍ତୋଶୀ ମହନ୍ତ ସୂଚନା ଦେଇଛନ୍ତି। ଗିରଫ ଅଭିଯୁକ୍ତ ଜଣକ ବିହାରର ଅରବିନ୍ଦ କୁମାର ଶର୍ମା ଯିଏ ଦିଲ୍ଲୀରେ ରହି ୟୁପିଏସି ପାଇଁ ପ୍ରସ୍ତୁତି କରୁଥିଲେ। ସେ ଦୁଇଟି ଦାମି ଟ୍ରଲି ବ୍ୟାଗରେ ଗଞ୍ଜେଇ ନେଇ ଜଗଦଲପୁର ଅଭିମୁଖେ ଯିବାକୁ ଥିବା ଟ୍ରେନରେ ଚଢୁଥିବା ସମୟରେ ପୋଲିସ ହାତରେ ଧରା ପଡ଼ିଥିଲେ। ପ୍ରାଥମିକ ତଦନ୍ତରୁ ଜଣାପଡ଼ିଛି ଦିଲ୍ଲୀରେ ରହି ପାଠ ପଢିବା ସମୟରେ ମାଙ୍କ ଦେହ ଅସୁସ୍ଥ ହେବାରୁ କିଛି ଲୋକଙ୍କ ସହାୟତାରେ କିଛି ଟଙ୍କା ପାଇଁ ଗଞ୍ଜେଇ ନେବାକୁ ଆସିଥିବା ସ୍ଵିକାର କରିଛନ୍ତି। ଏନଡିପିଏସ ଆକ୍ଟରେ ମାମଲା ରୁଜୁ କରି କୋର୍ଟ ଚାଲାଣ କରାଯିବ ବୋଲି ଜିଆରପି ଥାନା ଅଧିକାରୀ ସୂଚନା ଦେଇଛନ୍ତି।
