ନୀଳଗିରି,୧୦/୮(ଆ.ପ୍ର):ବାଲେଶ୍ଵର ଜିଲ୍ଲା ନୀଳଗିରିର କାର୍ଯ୍ୟରତ ସାମ୍ବାଦିକଙ୍କୁ ଏକ ମାମଲାରେ ହସ୍ପିଟାଲରେ ଚିକିତ୍ସିତ ହେଉଥିବା ସମୟରେ ପୁଲିସ ତାଙ୍କ ଗୋଡ଼ରେ ବେଡ଼ି ପକାଇବା ଘଟଣା ହାବିଲଦାର ଓ ଆଇଓଙ୍କୁ ମହଙ୍ଗା ପଡ଼ିଛି। ସାମ୍ବାଦିକ ଜଣକ ମାନବଧିକାର ଆୟୋଗଙ୍କ ଦ୍ୱାରସ୍ଥ ହୋଇଥିଲେ। ମାନବ ଅଧିକାର ଆୟୋଗ ତାଙ୍କ ରାୟରେ ସାମ୍ବାଦିକ ଲୋକନାଥ ଦଳେଇଙ୍କୁ ସେପ୍ଟେମ୍ବର ୧୮ ତାରିଖ ସୁଦ୍ଧା ୫ ଲକ୍ଷ ଟଙ୍କା କ୍ଷତିପୂରଣ ଦେବା ପାଇଁ ନିର୍ଦ୍ଦେଶ ଦେଇଛନ୍ତି।
ସୂଚନାଯୋଗ୍ୟ ନୀଳଗିରିର କାର୍ଯ୍ୟରତ ସାମ୍ବାଦିକ ଲୋକନାଥ ଦଳେଇ ଗତ ୨୦୨୨ମସିହା ରେ କାର୍ଯ୍ୟରତ ଗୃହରକ୍ଷୀ ନିରଂଜନ ରଣା(୬୨) ଙ୍କ ସହିତ ବଚସା ହୋଇଥିଲା। ଗୃହରକ୍ଷୀ ଶ୍ରୀ ରଣା ଥାନାରେ ଅଭିଯୋଗ ପରେ ଲୋକନାଥ ଦଳେଇଙ୍କୁ ତତ୍କାଳୀନ ଆଇଆଇସି ଦୌପଦୀ ଦାସ ଗିରଫ କରିଥିଲେ।ସାମ୍ବାଦିକ ଜଣକ ମଧୁମେହ ଓ ଉଚ୍ଚ ରକ୍ତ ଚାପରେ ପୀଡ଼ିତ ଥିବାରୁ ନୀଳଗିରିରେ ମେଡ଼ିକାଲରେ ଭର୍ତ୍ତି ହୋଇଥିଲେ।ପରେ ଅବସ୍ଥା ଗୁରୁତର ହେବାରୁ ତାଙ୍କୁ ବାଲେଶ୍ଵର ମେଡ଼ିକାଲରେ ପୁଲିସ ହେପାଜତରେ ଚିକିତ୍ସା କରାଯାଇଥିଲା।ହେଲେ ପୁଲିସ ରାତିରେ ତାଙ୍କ ଗୋଡ଼ରେ ବେଡ଼ି ପକାଇ ବେଡରେ ଚାବି ପକାଯାଇଥିବା ଦେଖାଯାଇଥିଲା।ପରେ ଏଭଳି ଘଟଣାକୁ ଚାରିଆଡୁ ସମାଲୋଚନା କରାଯାଇ ନିନ୍ଦା ମଧ୍ୟ କରିଥିଲେ।ପରେ ବିଭିନ୍ନ ସଂଗଠନ ନୀଳଗିରି ବନ୍ଦ କରିଥିଲେ। ପରେ ତରବରିଆ ଭାବେ ସାମ୍ବାଦିକ ଲୋକନାଥ ଦଳେଇଙ୍କୁ ଆଣି ନୀଳଗିରି କୋର୍ଟ ହାଜର କରି ଜେଲକୁ ପଠାଇ ଦିଆଯାଇଥିଲା। ପରେ ନୀଳଗିରି ଥାନାର ତତ୍କାଳୀନ ଆଇଆଇସି,ଉକ୍ତ ମାମଲାର ତଦନ୍ତକାରୀ ଅଧିକାରିଣୀ ସୁବର୍ଣା ବେହେରାଙ୍କୁ ହେଡ କ୍ବାଟରକୁ ବଦଳି କରାଯାଇଥିଲା।
ଏନେଇ ପ୍ରଦୀପ୍ତ ନାୟକ ଓ ଜୟକୃଷ୍ଣ ମହାନ୍ତି ମାନବାଧିକାର ଆୟୋଗ ନିକଟରେ ଗତ ୮/୪/୨୨ରେ ଅଭିଯୋଗ କରିବା ପରେ ଏକ ମାମଲା ରୁଜ୍ଜୁ ହୋଇଥିଲା।ମାନବଧିକାର ଆୟୋଗ ଏସ୍ ପୂଜାହରି, ସଦସ୍ୟ ଅସିମ ଅମିତାଵ ଦାସ ଉକ୍ତ କେଶ ବିଚାର କରି ପୁଲିସ ପକ୍ଷରୁ ହାବିଲଦାର ଚିତ୍ତରଞ୍ଜନ ସିଂ ଓ ନୀଳଗିରି ଥାନାର ତତ୍କାଳୀନ ତଦନ୍ତକାରୀ ଅଧିକାରିଣୀ ସୁବର୍ଣା ବେହେରାଙ୍କୁ ମାନବଧିକାର କ୍ଷୁର୍ଣ୍ଣ କରିଥିବା ଅଭିଯୋଗ ଦର୍ଶାଇଛନ୍ତି। ଆସନ୍ତା ସେପ୍ଟେମ୍ବର ମାସ ୫ତାରିଖ ସୁଦ୍ଧା ଗୃହ ବିଭାଗ ସାମ୍ବାଦିକ ଲୋକନାଥ ଦଳେଇଙ୍କୁ ୫ଲକ୍ଷ ଟଙ୍କା କ୍ଷତିପୂରଣ ଦେବାକୁ ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ଉକ୍ତ ଅର୍ଥ ପରବର୍ତ୍ତୀ ସମୟରେ ସମ୍ପୃକ୍ତ ହାବିଲଦାର ଓ ତତ୍କକାଳୀନ ତଦନ୍ତକାରୀ ଅଧିକାରିଣୀଙ୍କ ଠାରୁ ରାଜକୋଷ ଭରିବାକୁ ନିର୍ଦ୍ଦେଶ ଦେଇଛନ୍ତି।
