ନୂଆଦିଲ୍ଲୀ,୩୧/୭ : ଛାତ୍ର ଆତ୍ମହତ୍ୟା ଘଟଣା ଦିନକୁ ଦିନ ବୃଦ୍ଧି ପାଉଛି । ଏହାକୁ ଦୃଷ୍ଟିରେ ରଖି ଆଇଆଇଟି ଖଡ଼ଗପୁର ଏକ ନିର୍ଣ୍ଣାୟକ ପଦକ୍ଷେପ ନେଉଛି । ହଷ୍ଟେଲ କୋଠରୀରେ ସିଲିଂ ଫ୍ୟାନଗୁଡ଼ିକୁ କମାଇ ଦିଆଯାଇଛି । ଆତ୍ମହତ୍ୟା ଘଟଣାକୁ ଏଡ଼ାଇବାକୁ ଏହି ପଦକ୍ଷେପ ନିଆଯାଇଛି । ଫଳରେ ଛାତ୍ରମାନଙ୍କ ମାନସିକସ୍ତରରେ ସୁରକ୍ଷା ପ୍ରଦାନ କରିବ ।
ଏହା ମାନସିକ ସ୍ତରରେ ସମାଧାନ ନୁହେଁ, ମାତ୍ର ସଙ୍କଟ ମୁହୂର୍ତ୍ତରେ ଉପକରଣର ଅନୁପସ୍ଥିତି ଜୀବନର ଉପସ୍ଥିତିକୁ ବୁଝାଇପାରେ । ନିର୍ଦେଶକ ସୁମନ ଚକ୍ରବର୍ତ୍ତୀ ପିଟିଆଇକୁ ଏହି ସୂଚନା ଦେଇଛନ୍ତି ।
ଏହି ପ୍ରତିଷ୍ଠାନରେ ୨୦୨୪ରେ ୪ଟି ଛାତ୍ର ଆତ୍ମହତ୍ୟା କରିଛନ୍ତି । ସଦ୍ୟତମ ଘଟଣା ହେଉଛି ଚତୁର୍ଥ ବର୍ଷର ମେକାନିକାଲ୍ ଇଞ୍ଜିନିୟରିଂ ଛାତ୍ର ୨୧ବର୍ଷୀୟ ରିତାମ ମଣ୍ଡଳ ଛୁଟିରୁ ଫେରିବାର କିଛି ଦିନ ପରେ ଜୁଲାଇ ୧୮ରେ ତାଙ୍କ ହଷ୍ଟେଲ ରୁମରେ ମୃତଦେହ ପାଇଥିଲେ । ଫଳରେ ଆଇଆଇଟି ଖଡ଼ଗପୁର ଏକ ୧୦ଜଣିଆ ସଦସ୍ୟ ବିଶିଷ୍ଟ ତଦନ୍ତକାରୀ ଟିମ୍ ଗଠନ କରିଛି ଏବଂ ଅନେକ ପଦକ୍ଷେପ ହାତକୁ ନେଇଛି ।
