ନୂଆଦିଲ୍ଲୀ : ଦିଲ୍ଲୀ , ୟୁପି ସମେତ ଉତ୍ତର ଭାରତରୁ ଥଣ୍ଡାର ପ୍ରଭାବ ହ୍ରାସ ପାଇଛି। ଧିରେ ଧିରେ ତାପମାତ୍ରାରେ କମ୍ ବହୁତ ବୃଦ୍ଧି ହେଉଛି। ଦିନ ସମୟରେ ଖରା ବି ହେଉଛି। ଏହି ମଧ୍ୟରେ ପାଣିପାଗ ବିଭାଗ କହିଛି କି, ନୂଆ ୱେଷ୍ଟର୍ଣ୍ଣ ଡିଷ୍ଟର୍ବାନ୍ସରୁ ପାଣିପାଦ ବିଗିଡ଼ିବ ଓ ୟୁପି ସମେତ ଅନେକ ରାଜ୍ୟରେ ବର୍ଷା ହେବ। ପାଣିପାଗ ବିଭାଗ ଅନୁସାରେ, ଉତ୍ତର ପଶ୍ଚିମ ଭାରତରେ ୨୧ରୁ ୨୩ ଜାନୁୟାରୀ ମଧ୍ୟରେ ବର୍ଷା ହେବାକୁ ଯାଉଛି। ଉତ୍ତର ପଶ୍ଚିମ ଭାରତରେ ଆଗାମୀ ଦୁଇ ଦିନ ଯାଏ ଘନ କୁହୁଡ଼ି ଦେଖିବାକୁ ମିଳିବ। ଏହାପରେ ଏଥିରେ ହ୍ରାସ ଘଟିବ।
ପାଣିପାଗ ବିଭାଗ ଅନୁସାରେ , ପଶ୍ଚିମୀ ହିମାଳୟୀ କ୍ଷେତ୍ରରେ ଅର୍ଥାତ୍ ଉତ୍ତର ଭାରତର ପାହାଡିଆ ରାଜ୍ୟରେ ବର୍ଷା ଓ ବରଫପାତ ବଢିବ। ଏହାସହ , ପଞ୍ଜାବ , ହରିଆଣା , ଚଣ୍ଡିଗଡ଼ରେ ୨୧ ରୁ ୨୩ ଜାନୁଆରୀ ମଧ୍ୟରେ ବର୍ଷା ହେବ, ରାଜସ୍ଥାନରେ ୨୨ ଓ ପଶ୍ଚିମୀ ଉତ୍ତର ପ୍ରଦେଶରେ ୨୨ ଓ ୨୩ ଜାନୁଆରୀରେ ବର୍ଷାର ଆଲର୍ଟ ଅଛି। ଉତ୍ତରାଖଣ୍ଡରେ ୨୩ ଜାନୁଆରୀରେ ପ୍ରବଳ ବର୍ଷାର ଚେତାବନୀ ଜାରି କରାଯାଇଛି। ଅନ୍ୟ ରାଜ୍ୟ ଗୁଡ଼ିକର କଥା ଯଦି କହିବା ତ ତାମିଲନାଡୁ , ପୁଡୁଚେରୀ , କରାଇକଲରେ ୧୮ ଜାନୁଆରୀରେ ବର୍ଷା ହେବ।
ଏହି ସମୟରେ ଜମ୍ମୁ କାଶ୍ମୀର, ଲଦ୍ଦାଖରେ ସର୍ବନିମ୍ନ ତାପମାତ୍ରା ଶୂନ୍ୟଡିଗ୍ରୀ ତଳେ ରହିଛି, ଯାହାକି ହିମାଚଳ ପ୍ରଦେଶରେ ଦୁଇରୁ ପାଞ୍ଚ ଡିଗ୍ରୀ ସେଲସିୟମ ମଧ୍ୟରେ ରହିଛି। ସେଠାରେ ଉତ୍ତର ପଶ୍ଚିମ ଓ ମଧ୍ୟ ଭାରତରେ ଏହା ୬ରୁ ୧୨ ଡିଗ୍ରୀ ସେଲସିୟସ୍ ମଧ୍ୟ ଚାଲୁଛି। ଗତ ୨୪ ଘଣ୍ଟାରେ ମହାରାଷ୍ଟ୍ର ବିଦର୍ଭ , ବିହାର , ପଶ୍ଚିମବଙ୍ଗ , ସିକ୍କିମ ଆଦି ରାଜ୍ୟରେ ସର୍ବନିମ୍ନ ତାପମାତ୍ରାରେ ୧ରୁ ୩ଡିଗ୍ରୀ ସେଲସିୟସର ହ୍ରାସ ଘଟିଛି, ଯେଉଁଥିରେ କିଛମାତ୍ରାରେ ଥଣ୍ଡା ଏହି ଅଞ୍ଚଳରେ ବଢି ଯାଇଛି।
ଉତ୍ତର ଭାରତ ପାଇଁ ପାଣିପାଗ ବିଭାଗ ଖୁସି ଖବର ଦେଇ କହିଛି କି, ଆଗାମୀ ୫ଦିନରେ ସର୍ବନିମ୍ନ ତାପମାତ୍ରାରେ ୫ ଡିଗ୍ରୀ ସେଲସିୟସ୍ର ବୃଦ୍ଧି ଘଟିପାରେ। ଏଥିରେ ପ୍ରବଳ ଥଣ୍ଡାରୁ ଆହୁରି ଆସ୍ୱସ୍ତି ମିଳିବ। ମଧ୍ୟ ଭାରତରେ ଆଗାମୀ ୩ଦିନରେ ସର୍ବନିମ୍ନ ତାପମାତ୍ରାରେ କୌଣସି ବଡ଼ ପରିବର୍ତ୍ତନ ହେବ ନାହିଁ, କିନ୍ତୁ ଏହାପରେ ଏହି ତିନି ଡିଗ୍ରୀ ସେଲସିୟସ ବଢି ଯିବ। ହିମାଚଳ ପ୍ରଦେଶରେ ୧୮ ଜାନୁଆରୀରେ ଶୀତଲହରୀ ଚାଲିବାର ସମ୍ଭାବନା ରହିଛି।
