ନୂଆଦିଲ୍ଲୀ,୨୦/୧୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଯିଏକି ଏବେ ଜେଲରେ ଅଛନ୍ତି । ଏବେ କୋର୍ଟରୁ ତାଙ୍କୁ ବଡ଼ ଝଟକା ଲାଗିଛି । ଦୁର୍ନୀତି ମାମଲାରେ ପତ୍ନୀ ବୁଶରା ବିବିଙ୍କ ସହ ଇମ୍ରାନଙ୍କୁ ୧୭ ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି ପାକିସ୍ତାନ କୋର୍ଟ । ଇମ୍ରାନ ଓ ତାଙ୍କ ପତ୍ନୀଙ୍କୁ ୧୭ ବର୍ଷ ଲେଖାଏଁ ଜେଲ୍ ଦଣ୍ଡାଦେଶ ହୋଇଛି । ଏହା ସହିତ ଉଭୟ ୧ କୋଟି ଟଙ୍କାର ଜରିମାନ ମଧ୍ୟ ଗଣିବେ ।

​​​​​​​ଅନେକ ମାମଲାରେ ପୂର୍ବରୁ ଜେଲରେ ସାଜ କାଟୁଛନ୍ତି ପିଟିଆଇ ପ୍ରତିଷ୍ଠାତା ତଥା ପାକ୍ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ । ଏବେ ପାକିସ୍ତାନ କୋର୍ଟରୁ ଇମ୍ରାନଙ୍କୁ ବଡ଼ ଝଟକା ଲାଗିଛି । ମାମଲାଟି ୨୦୨୧ରେ ଇମ୍ରାନ ଖାନ ଓ ତାଙ୍କ ପତ୍ନୀଙ୍କୁ ସାଉଦି ସରକାର ପକ୍ଷରୁ ମିଳିଥିବା ସରକାରୀ ଉପହାରରେ ହେରଫେର ସହ ଜଡ଼ିତ । ତେଶାଖାନ ମାମଲା ଯାହା ସାଉଦି ଯୁବରାଜଙ୍କ ଦ୍ୱାରା ଇମ୍ରାନଙ୍କୁ ଉପହାରରେ ଦିଆଯାଇଥିବା ଏକ ମହଙ୍ଗା ବୁଲଗାରୀ ଅଳଙ୍କାର ସେଟ୍ କ୍ରୟ ସହିତ ଜଡିତ । ଯାହା ଅତ୍ୟନ୍ତ କମ ମୂଲ୍ୟରେ ଥିଲା । ପାକିସ୍ତାନର ରାୱଲପିଣ୍ଡିର ଆଦିୟାଲା ଜେଲରେ ଅନୁଷ୍ଠିତ ଏକ ଶୁଣାଣି ସମୟରେ ସ୍ୱତନ୍ତ୍ର ଅଦାଲତର ଜଷ୍ଟିସ୍ ଶାହରୁଖ ଅର୍ଜୁମନ୍ଦ ମାମଲାରେ ରାୟ ଶୁଣାଇଛନ୍ତି । ଇମ୍ରାନ ଖାନ ଏବଂ ତାଙ୍କ ପତ୍ନୀ ବୁଶରାଙ୍କୁ ପାକିସ୍ତାନ ଦଣ୍ଡ ସଂହିତା ଧାରା ୪୦୯ ଆଧାରରେ ୧୦ ବର୍ଷ ଲେଖାଏଁ ଏବଂ ଦୁର୍ନୀତି ନିରୋଧନ ଅଧିନିୟମର ବିଭିନ୍ନ ଧାରା ଅଧୀନରେ ୭ ବର୍ଷ ଲେଖାଏ ଜେଲ ଦଣ୍ଡାଦେଶ ଶୁଣାଇଛନ୍ତି । କୋର୍ଟ ଦୁହିଁଙ୍କ ଉପରେ କୋଟିଏ ଲେଖାଏଁ ଜରିମାନା ମଧ୍ୟ ଲଗାଇଛନ୍ତି ।