ନାକଟିଦେଉଳ, ୧/୨(ଆପ୍ର): ଗଛ ଉପରୁ ତଳେ ପଡିଯିବାରୁ ଜଣେ ନାବାଳକର ମୃତ୍ୟୁ ଘଟିଛି। ତେବେ ଏହି ଅଘଟଣ ଘଟିଛି ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅନ୍ତର୍ଗ ବାଟଗାଁ ପଞ୍ଚାୟତ ଗଦାଧରପୁର ଗାଁରେ। ମୃତ ନାବାଳକ ଜଣକ ଗଦାଧରପୁର ଗ୍ରାମର ରବି କଂସାରିଙ୍କ ୧୧ ବର୍ଷିୟ ପୁଅ ବାବୁସାନ କଂସାରି ବୋଲି ଜଣାପଡିଛି।
ସୂଚନା ଅନୁସାରେ ବାବୁସାନ ଆଜି ଅପରାହ୍ନ ୪ଟା ସମୟରେ ସାଙ୍ଗମାନଙ୍କ ସହ ଜାମୁକୋଳି ଖାଇବା ପାଇଁ ଜାମୁ ଗଛକୁ ଚଢି କୋଳି ତୋଳୁଥିଲେ। ଏହି ସମୟରେ ହଠାତ୍ ଡାଳ ଭାଙ୍ଗି ଯିବାରୁ ସେ ଗଛ ଉପରୁ ତଳକୁ ଖସି ପଡିଥିଲେ। ଏହି ସମୟରେ ପେଟରେ ଏକ କାଠ କିଳା ପଶିଯାଇଥିଲା। ଘଟଣା ସମ୍ପର୍କରେ ସୂଚନା ପାଇ ପରିବାର ଲୋକେ ବାବୁସାନକୁ ରକ୍ତ ଜୁଡୁବୁଡ ଅବସ୍ଥାରେ ନାକଟିଦେଉଳ ଡାକ୍ତରଖାନାକୁ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
