ଝାରସୁଗୁଡ଼ା,୦୩/୦୭: ଝରସୁଗୁଡ଼ା ଜିଲ୍ଲା କୁରେବଗା ଗାଁରେ ଅଘଟଣ । ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି ବଡ଼ମାଲ ଥାନା ବଞ୍ଜରୀ ଅଞ୍ଚଳର ଅଶୋକ ରୋହିଦାସ (୪୫ ବର୍ଷ) ଓ ଚୁଡ଼ାମଣି ରୋହିଦାସ(୨୯ ବର୍ଷ) ବୋଲି ଜଣାପଡ଼ିଛି ।
ସୁଚନାନୁଯାୟୀ, ଅଶୋକ ରୋହିଦାସ ଓ ଚୁଡ଼ାମଣି ରୋହିଦାସ ଭୋର ସାଢେ ୪ଟାରେ କୁରେବଗା ଗାଁ ସ୍ଥିତ ପାଉଁଶ ପୋଖରୀକୁ ଯାଇଥିଲେ । ଏହି ସମୟରେ ଘଡ଼ଘଡ଼ି ସହ ବର୍ଷା ଆରମ୍ଭ ହୋଇଥିଲା । ବର୍ଷାରୁ ରକ୍ଷା ପାଇବା ପାଇଁ ଯୁବକ ଦ୍ୱୟ ଘରକୁ ଫେରୁଥିବା ବେଳେ ବଜ୍ରପାତ ହୋଇଥିଲା । ଫଳରେ ଘଟଣାସ୍ଥଳରେ ଦୁଇ ଯୁବକଙ୍କ ମୃତ୍ୟୁ ହୋଇଛି । ପୁଲିସ୍ ଘଟଣା ସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଜବତ କରିଛି ।
