- ପ୍ରତି କ୍ୟାଲେଣ୍ଡର ବର୍ଷର ପ୍ରଥମ ତାରିଖରେ ଭାରତ ଏବଂ ପାକିସ୍ତାନ ମଧ୍ୟରେ ପରମାଣୁ ପ୍ରତିଷ୍ଠାନର ତାଲିକା ଆଦାନପ୍ରଦାନ ହୁଏ
- ଏହା ଉଭୟ ରାଷ୍ଟ୍ରକୁ ପରମାଣୁ ପ୍ରତିଷ୍ଠାନ ଉପରେ ଆକ୍ରମଣ କରିବାରୁ ନିବୃତ୍ତ କରିଥାଏ
- ଅପରେସନ ସିନ୍ଦୁର ପରେ ଦୁଇ ରାଷ୍ଟ୍ର ମଧ୍ୟରେ ତିକ୍ତତା ଥାଇ ମଧ୍ୟ ଉଭୟେ ଔପଚାରିକତା ପୂରଣ କରିଛନ୍ତି
- ୧ ଜାନୁଆରୀ ୧୯୯୧ ରୁ ଏହି ପ୍ରତିରକ୍ଷା ପରମ୍ପରା ଉଭୟ ରାଷ୍ଟ୍ର ମଧ୍ୟରେ ପୂରଣ ହୋଇଆସୁଛି
ନୂଆଦିଲ୍ଲୀ,୦୧/୦୧/୨୦୨୬: ଭାରତ ଏବଂ ପାକିସ୍ତାନ ମଧ୍ୟରେ ଦୀର୍ଘ ଦିନ ଧରି ଚାଲିଆସୁଥିବା ପରମ୍ପରା ଅନୁଯାୟୀ, ନୂଆ ବର୍ଷର ପ୍ରଥମ ଦିନରେ ଦୁଇ ଦେଶ ସେମାନଙ୍କର ପରମାଣୁ ପ୍ରତିଷ୍ଠାନର ତାଲିକା ଆଦାନପ୍ରଦାନ କରିଥିଲେ। ଏହି ପଦକ୍ଷେପ ଏକ ଦ୍ୱିପାକ୍ଷିକ ଚୁକ୍ତିର ଅଂଶ ଯାହା ଉଭୟ ପକ୍ଷକୁ ପରସ୍ପରର ପରମାଣୁ ପ୍ରତିଷ୍ଠାନ ଉପରେ ଆକ୍ରମଣ କରିବାରୁ ନିବୃତ୍ତ କରିଥାଏ। ଗତ ବର୍ଷ ମେ ମାସରେ ସାମରିକ ଗତିରୋଧ ପରେ ଦୁଇ ପଡ଼ୋଶୀ ଦେଶ ମଧ୍ୟରେ ସମ୍ପର୍କ ତିକ୍ତ ରହିଥିବା ବେଳେ ପ୍ରତିରକ୍ଷା ପରମ୍ପରା ଅନୁସାରେ ଏହି ଆଦାନପ୍ରଦାନ ହୋଇଛି।
ବୁଝାମଣାର ଇତିହାସ:
୩୧ ଡିସେମ୍ବର ୧୯୮୮ରେ ଦୁଇ ଦେଶ ଦ୍ୱାରା ସ୍ୱାକ୍ଷରିତ ଏହି ଚୁକ୍ତିନାମା ୨୭ ଜାନୁଆରୀ ୧୯୯୧ରେ କାର୍ଯ୍ୟକାରୀ ହୋଇଥିଲା। ଚୁକ୍ତିନାମାର ବ୍ୟବସ୍ଥା ଅନୁଯାୟୀ, ଦୁଇ ଦେଶ ପ୍ରତି କ୍ୟାଲେଣ୍ଡର ବର୍ଷର ଜାନୁଆରୀ ୧ ତାରିଖରେ ସେମାନଙ୍କର ପରମାଣୁ ପ୍ରତିଷ୍ଠାନ ସମ୍ପର୍କରେ ସୂଚନା ଆଦାନପ୍ରଦାନ କରିବାକୁ ବାଧ୍ୟ। ବୈଦେଶିକ ମନ୍ତ୍ରଣାଳୟ ଅନୁଯାୟୀ, ଏହି ଆଦାନପ୍ରଦାନ ନୂଆଦିଲ୍ଲୀ ଏବଂ ଇସଲାମାବାଦରେ କୂଟନୈତିକ ଚ୍ୟାନେଲ ମାଧ୍ୟମରେ ଏକକାଳୀନ କରାଯାଇଥିଲା।
ଅଧିକ ପଢ଼ନ୍ତୁ: ନୂଆବର୍ଷରେ BSNLର ନୂଆ ଅଫର୍, ସାରା ଦେଶରେ ଲଞ୍ଚ କଲା ୱାଇଫାଇ କଲିଂ ସର୍ଭିସ୍
ବୈଦେଶିକ ମନ୍ତ୍ରଣାଳୟ ଏହାର ବିବୃତ୍ତିରେ କହିଛି, 'ଭାରତ ଏବଂ ପାକିସ୍ତାନ ଆଜି ନୂଆଦିଲ୍ଲୀ ଏବଂ ଇସଲାମାବାଦରେ ଏକକାଳୀନ କୂଟନୈତିକ ଚ୍ୟାନେଲ ମାଧ୍ୟମରେ ଭାରତ ଏବଂ ପାକିସ୍ତାନ ମଧ୍ୟରେ ପରମାଣୁ ପ୍ରତିଷ୍ଠାନ ଏବଂ ଏହା ଉପରେ ଆକ୍ରମଣ ନିଷେଧ ଚୁକ୍ତିନାମା ଅଧୀନରେ ଥିବା ପରମାଣୁ ସଂସ୍ଥାପନ ଏବଂ ସୁବିଧାଗୁଡ଼ିକର ତାଲିକା ଆଦାନପ୍ରଦାନ କରିଛନ୍ତି।'
ଐତିହାସିକ ପ୍ରସଙ୍ଗ ଏବଂ ନିରନ୍ତରତା:
"ଦୁଇ ଦେଶ ମଧ୍ୟରେ ଏପରି ତାଲିକାର କ୍ରମାଗତ ଆଦାନପ୍ରଦାନର ୩୫ତମ ସଂସ୍କରଣ ଅଟେ। ପ୍ରଥମ ଥର ପାଇଁ ୧ ଜାନୁଆରୀ, ୧୯୯୧ ରେ ଏହା ଆରମ୍ଭ ହୋଇଥିବା କହିଛି ବୈଦେଶିକ ମନ୍ତ୍ରାଳୟ। ଏହି ପରମ୍ପରା ତିନି ଦଶନ୍ଧିରୁ ଅଧିକ ସମୟ ଧରି ଜାରି ରହିଛି, ଯାହା ଉଭୟ ଦେଶର ପ୍ରତିବଦ୍ଧତାକୁ ପ୍ରତିଫଳିତ କରେ। ଗତ ବର୍ଷର ସାମରିକ ଘଟଣା ସତ୍ତ୍ୱେ, ତାଲିକାର ଆଦାନପ୍ରଦାନକୁ ଏକ ସକାରାତ୍ମକ ସଙ୍କେତ ଭାବରେ ଦେଖାଯାଉଛି।
ପ୍ରମେୟର ପ୍ରମୁଖ ଖବର: ନୂଆବର୍ଷର ଶୁଭେଚ୍ଛା ଜଣାଇଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ; ୨୦୨୬ ଜୀବନରେ ସୁଖ-ଶାନ୍ତି-ସମୃଦ୍ଧି ଆଣୁ
