ନୂଆଦିଲ୍ଲୀ,୨୭/୦୧: ଭାରତ-ୟୁରୋପୀୟ ସଂଘ ମଧ୍ୟରେ ଐତିହାସିକ ଚୁକ୍ତି ସ୍ବାକ୍ଷରିତ ହୋଇଛନ୍ତି । ଉଭୟ ପକ୍ଷ ମଧ୍ୟରେ ଐତିହାସିକ ମୁକ୍ତ ବାଣିଜ୍ୟ ଚୁକ୍ତି ସ୍ବାକ୍ଷରିତ । ୨୦୦୭ ମସିହାରୁ ୧୮ ବର୍ଷ ଧରି ଚାଲିଥିବା ଏହି ବାଣିଜ୍ୟ ଚୁକ୍ତିନାମା ପାଇଁ ଆଲୋଚନା ଶେଷରେ ସଫଳ ହୋଇଛି । ଐତିହାସିକ ଚୁକ୍ତିନାମା ଉପରେ ମୋହର ଲାଗିଥିବା ନେଇ ଆନୁଷ୍ଠାନିକ ଭାବେ ଘୋଷଣା ହୋଇଛି । "ମଦର ଅଫ୍ ଅଲ୍ ଡିଲ୍ "କୁ ସ୍ୱାଗତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭାରତ ଓ ୟୁରୋପ ଲୋକଙ୍କ ପାଇଁ ଏହା ବଡ଼ ସୁଯୋଗ ଆଣିବ । ଡିଲ୍ ଦ୍ବାରା ଉତ୍ପାଦନ କ୍ଷେତ୍ରରେ ଆହୁରି ବୃଦ୍ଧି ଘଟିବ ବୋଲି କହିଛନ୍ତି ପ୍ରଧାନମନ୍ତ୍ରୀ । ଆମେରିକା ସହ ଟାରିଫ୍‌କୁ ନେଇ ଭାରତର ସମ୍ପର୍କ ଖରାପ ଥିବା ବେଳେ ୟୁରୋପୀୟ ସଂଘ ସହ ଏହି ଚୁକ୍ତି ଟ୍ରମ୍ପଙ୍କ ପାଇଁ ଏକ ଝଟକା ହେବ ବୋଲି ବିବେଚନା କରାଯାଉଛି ।

ଐତିହାସିକ ବୁଝାମଣାକୁ ନେଇ ପ୍ରଧାନମନ୍ତ୍ରୀ କହିଛନ୍ତି, '' ଭାରତ ଓ ୟୁରୋପ ଲୋକଙ୍କ ପାଇଁ ଏହା ବଡ଼ ସୁଯୋଗ ଆଣିବ । ବିଶ୍ବର ଦୁଇ ବଡ଼ ଅର୍ଥବ୍ୟବସ୍ଥା ମଧ୍ୟରେ ଭଲ ପାର୍ଟନରସିପ୍‌ର ଉଦାହରଣ । ଏହି ଚୁକ୍ତି ବିଶ୍ବ ଜିଡିପିର ୨୫ ପ୍ରତିଶତ ଓ ବିଶ୍ବ ବାଣିଜ୍ୟର ଏକ ତୃତୀୟାଂଶ । ଏହି ଡିଲ୍‌ ଦ୍ବାରା ଉତ୍ପାଦନ କ୍ଷେତ୍ରରେ ଆହୁରି ବୃଦ୍ଧି ଘଟିବ । ସର୍ଭିସ୍ ସେକ୍ଟରର ବି ଆହୁରି ବିସ୍ତାର ହେବ । ମୁକ୍ତ ବାଣିଜ୍ୟ ଚୁକ୍ତିନାମା ପ୍ରତ୍ୟେକ ନିବେଶକ ଏବଂ ବ୍ୟବସୀଙ୍କ ଭିତରେ ଭାରତରେ ନିବେଶ କରିବା ପାଇଁ ଆତ୍ମବିଶ୍ବାସ ବଢ଼ାଇବ । ୟୁରୋପୀୟ ସଂଘ ସହିତ ଏହି ବାଣିଜ୍ୟ ଚୁକ୍ତିରୁ ଉତ୍ପାଦନକୁ ଏକ ବଡ଼ ପ୍ରୋତ୍ସାହନ ମିଳିବ । ଏହି ଚୁକ୍ତିନାମା ଗଣତନ୍ତ୍ର ଏବଂ ଆଇନର ଶାସନ ପ୍ରତି ଆମର ସହଭାଗୀ ପ୍ରତିବଦ୍ଧତାକୁ ସଶକ୍ତ କରିବ । ୟୁରୋପୀୟ ସଂଘ ସହିତ ଏହି ମୁକ୍ତ ବାଣିଜ୍ୟ ଚୁକ୍ତିନାମା ବ୍ରିଟେନ ଏବଂ ଇଏଫଟିଏ ଚୁକ୍ତିନାମାକୁ ମଧ୍ୟ ପରିପୂରକ କରିବ । ଏଥିପାଇଁ ମୁଁ ଦେଶର ଜନସାଧାରଣଙ୍କୁ ଅଭିନନ୍ଦନ ଜଣାଉଛି । "


​​​​​​​ଡିଲ୍‌ ଫାଇଦା ନେଇ ପ୍ରଧାମନ୍ତ୍ରୀ କହିଛନ୍ତି,'' ଗତକାଲି ୟୁରୋପୀୟ ସଂଘ ଏବଂ ଭାରତ ମଧ୍ୟରେ ଏକ ବଡ଼ ଚୁକ୍ତିନାମା ସ୍ୱାକ୍ଷରିତ ହୋଇଥିଲା। ଲୋକମାନେ ଏହାକୁ ସମସ୍ତ ଚୁକ୍ତିନାମାର ଜନନୀ ବୋଲି କହୁଛନ୍ତି । ଏହି ଚୁକ୍ତିନାମା ଭାରତ ଏବଂ ୟୁରୋପରେ ଜନସାଧାରଣଙ୍କ ପାଇଁ ପ୍ରମୁଖ ସୁଯୋଗ ଆଣିବ । ଏହା ବିଶ୍ୱର ଦୁଇଟି ପ୍ରମୁଖ ଅର୍ଥନୀତି ମଧ୍ୟରେ ସହଭାଗୀର ଏକ ଉତ୍କୃଷ୍ଟ ଉଦାହରଣ । ଏହି ଚୁକ୍ତିନାମା ବିଶ୍ୱ ଜିଡିପିର ୨୫ ପ୍ରତିଶତ ଏବଂ ବିଶ୍ୱ ବାଣିଜ୍ୟର ଏକ ତୃତୀୟାଶଂ ଭାଗ ରହିବ । "