ନୂଆଦିଲ୍ଲୀ, ୨୮/୦୬: ‘ଇଂଲଣ୍ଡରେ ବିଜୟୀ ହେବାକୁ ହେଲେ କୁଲଦୀପ ଯାଦବଙ୍କୁ ଖେଳାଳିବାକୁ ହେବ ।’ ଏ କଥା କହିଛନ୍ତି ଅଷ୍ଟ୍ରେଲିଆର ପୂର୍ବତନ ଅଧିନାୟକ ମାଇକେଲ କ୍ଲାର୍କ । ପ୍ରଥମ ଟେଷ୍ଟରେ କେବଳ ଯଶପ୍ରୀତ ବୁମରା ହିଁ ଭଲ ବୋଲିଂ କରିଥିଲେ । ମାତ୍ର ଅନ୍ୟମାନଙ୍କ ପ୍ରଦର୍ଶନ ନୈରାଶ୍ୟଜନକ ରହିଲା । ତେଣୁ ଦଳ ମ୍ୟାଚ୍ ଜିତିବାରେ ସଫଳ ହୋଇ ନଥିଲା ।
କ୍ଲାର୍କ କହିଛନ୍ତି, ‘କୌଣସି ବ୍ୟକ୍ତିଙ୍କୁ କଠୋର ସମାଲୋଚନା କରିବାକୁ ଚାହେଁ ନାହିଁ । ମୋ ମତରେ କୁଲଦୀପଙ୍କୁ ଖେଳାଇବା ଉଚିତ । ସେ ଜଣେ ୱିକେଟ୍ ହାସଲକାରୀ ବୋଲର । ଭାରତ ବ୍ୟାଟିଂକୁ ଅଧିକ ଅଗ୍ରାଧିକାର ଦେଇ ଜଣେ ସ୍ପେଶାଲିଷ୍ଟ ସ୍ପିନରଙ୍କୁ ଖେଳାଇ ନଥିଲା । ଇଂଲଣ୍ଡରେ ଜିତିବାକୁ ହେଲେ ତୁମକୁ ୨୦ ୱିକେଟ୍ ନେବା ଉପରେ ଗୁରୁତ୍ୱ ଦେବାକୁ ପଡ଼ିବ ।’
