ନୂଆଦିଲ୍ଲୀ,୦୫/୧୦: ପୂର୍ବତନ ପାକିସ୍ତାନୀ କ୍ରିକେଟର ଦାନିଶ କେନେରିୟା ତାଙ୍କ ବୟାନକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି । ସେ ଭାରତୀୟ ନାଗରିକତା ନେବାକୁ ଚାହୁଁଥିବା ଗୁଜବକୁ ଖାରଜ କରିଛନ୍ତି । ହେଲେ ଭାରତର ଆଭ୍ୟନ୍ତରୀଣ ବ୍ୟାପାର ଉପରେ ସକାରାତ୍ମକ ମନ୍ତବ୍ୟ ଦେଇଛନ୍ତି ଯାହାକୁ ନେଇ ଚର୍ଚ୍ଚା ଜୋର ଧରିଛି ।

ଦାନିଶ କେନେରିୟା ପାକିସ୍ତାନ ପାଇଁ ଖେଳୁଥିବା ଦ୍ବିତୀୟ ଭାରତୀୟ । ଏହା ପୂର୍ବରୁ ତାଙ୍କ ସମ୍ପର୍କୀୟ ଭାଇ ଅନୀଲ ଦଲପତ ଇଣ୍ଟରନ୍ୟାସନାଲ କ୍ରିକେଟରେ ପାକିସ୍ତାନ ପାଇଁ ପ୍ରତିନିଧିତ୍ୱ କରିଛନ୍ତି । କେନେରିୟା କହିଛନ୍ତି, ପାକିସ୍ତାନରେ ତାଙ୍କୁ କ୍ରିକେଟ ବୋର୍ଡ ଏବଂ ଅଧିକାରୀଙ୍କଠୁ ଭେଦଭାବର ସାମ୍ନା କରିବାକୁ ପଡିଛି । ପାକିସ୍ତାନ ମୋର ଜନ୍ମଭୂମି କିନ୍ତୁ ଭାରତ ମୋର ପୂର୍ବଜଙ୍କ ମାଟି ହୋଇଥିବାରୁ ଭାରତ ମୋର ମାତୃଭୂମି ।

ସୋସିଆଲ ମିଡିଆ ଏକ୍ସରେ ଦାନିଶ ଲେଖିଛନ୍ତି,'' ନିକଟରେ କିଛି ଲୋକ ମୋତେ ପଚାରୁଛନ୍ତି ମୁଁ ପାକିସ୍ତାନ ବିଷୟରେ କାହିଁକି କହୁନାହିଁ । ଭାରତର ଆଭ୍ୟନ୍ତରୀଣ ମାମଲାରେ କାହିଁକି ଟିପ୍ପଣୀ କରେ । କିଛି ଏହା ବି ଅଭିଯୋଗ ଆଣିଛନ୍ତି କି ମୁଁ ଭାରତୀୟ ନାଗରିକତା ପାଇଁ ଏପରି କରୁଛି । ଏପରି ସ୍ଥିତିରେ ଏହା ଜରୁରୀ ହୋଇଛି କି ସତ ସାମ୍ନାକୁ ଆସୁ । ବର୍ତ୍ତମାନ ଭାରତୀୟ ନାଗରିକତା ନେବାର କୌଣସି ଉଦ୍ଦେଶ୍ୟ ନାହିଁ ।''

​​​​​​​ଭାରତ ଏକ ମନ୍ଦିର ପରି... ଦାନିଶ କେନେରିୟା ଆହୁରି କହିଛନ୍ତି, ''ଭବିଷ୍ୟତରେ ଯଦି ତାଙ୍କ ପରି କିଏ ଭାରତୀୟ ନାଗରିକତା ନେବାକୁ ଚାହୁଁଛନ୍ତି ତେବେ ପ୍ରଥମେ ନାଗରିକତା ସଂଶୋଧନ ଅଧିନିୟମ (ସିଏଏ) ପୂର୍ବରୁ ଅଛି । ମୋ ପାଇଁ ଭାରତ ଏକ ମନ୍ଦିର ପରି । ପାକିସ୍ତାନ ମୋର ଜନ୍ମଭୂମି, କିନ୍ତୁ ଭାରତ ମୋର ମାତୃଭୂମି । ମୁଁ ସବୁବେଳେ ଧର୍ମ ଏବଂ ସତ୍ୟ ସହିତ ଛିଡା ହେବି । ମୁଁ ସମାଜକୁ ବିଭାଜିତ କରିବା ପାଇଁ କାମ କରୁଥିବା ଲୋକଙ୍କର ପର୍ଦ୍ଦାଫାସ କରିବି ।'' ପୋଷ୍ଟ ଶେଷକୁ ଜୟ ଶ୍ରୀ ରାମ ଲେଖିଛନ୍ତି ଦାନିଶ ।

ସିଏଏ ଅନୁଯାୟୀ, ପାକିସ୍ତାନ, ବାଂଲାଦେଶ ଏବଂ ଆଫଗାନିସ୍ତାନରୁ ନିର୍ଯାତିତ ସଂଖ୍ୟାଲଘୁ ( ହିନ୍ଦୁ, ଶିଖ୍, ବୌଦ୍ଧ, ଜୈନ, ପାର୍ସୀ ଏବଂ ଖୀଷ୍ଟିଆନ) ଭାରତୀୟ ନାଗରିକତ୍ୱ ପାଇଁ ଯୋଗ୍ୟ ହୋଇପାରିବେ । ଡିସେମ୍ବର ୩୧ ,୨୦୨୪ ସୁଦ୍ଧା ଭାରତରେ ପହଞ୍ଚିଥିବା ନାଗରିକଙ୍କ ପାଇଁ ଭିସା ଏବଂ ପାସ୍‌ପୋର୍ଟ ଆବଶ୍ୟକତା ନଥିବା ଛାଡ କରିଛନ୍ତି ଭାରତ ସରକାର ।