ନୂଆଦିଲ୍ଲୀ:ପାଞ୍ଚ ଜଣ କୋରିଆନ ମହିଳାଙ୍କୁ ବଳାତ୍କାର କରିବା ଅଭିଯୋଗରେ ଅଷ୍ଟ୍ରେଲିଆରେ ଜଣେ ଭାରତୀୟ ବଂଶୋଦ୍ଭବ ପୁରୁଷଙ୍କୁ ୪୦ ବର୍ଷ ଜେଲଦଣ୍ଡାଦେଶ ମିଳିଛି। ଏହି ଦଣ୍ଡାଦେଶରେ ୩୦ ପାରୋଲ୍ ନଥିବା ଅବଧି ମଧ୍ୟ ଅନ୍ତର୍ଭୁକ୍ତ ରହିଛି। ଗଣମାଧ୍ୟମ ରିପୋର୍ଟ ଅନୁସାରେ, ଏହି ଅପରାଧ ଯୋଜନାବଦ୍ଧ ଭାବରେ କରାଯାଇଥିଲା।
୪୩ ବର୍ଷୀୟ ବାଲେଶ ଧନଖଡଙ୍କୁ ଶୁକ୍ରବାର ଡାଉନିଂ ସେଣ୍ଟର ଡିଷ୍ଟ୍ରିକ କୋର୍ଟରେ ଦଣ୍ଡାଦେଶ ଦିଆଯାଇଛି, ଯେଉଁଠାରେ ସେ କୌଣସି ଭାବପ୍ରବଣ ପ୍ରତିକ୍ରିୟା ବିନା କୋର୍ଟରେ ବସିଥିଲେ। ରିପୋର୍ଟ ଅନୁଯାୟୀ, ପୂର୍ବତନ ଆଇଟି ପରାମର୍ଶଦାତା ଧନଖଡ ନକଲି ଚାକିରି ବିଜ୍ଞାପନ ଦେଇ ମହିଳାଙ୍କୁ ଫସାଇଥିଲେ। ତା’ପରେ ସେ ତାଙ୍କ ସିଡନୀ ଘର କିମ୍ବା ଆଖପାଖରେ ମହିଳାଙ୍କୁ ନିଶା ଦେଇ ଟଣାଓଟରା କରିଥିଲେ ଏବଂ ଦୁଷ୍କର୍ମ କରିଥିଲେ। କେବଳ ଏତିକି ନୁହେଁ, ଅଭିଯୁକ୍ତ ତାଙ୍କ କୃତକର୍ମ ଗୁଡ଼ିକୁ ରେକର୍ଡ ମଧ୍ୟ କରିଥିଲା ଯାହା ଦ୍ୱାରା ସେ ଭବିଷ୍ୟତରେ ଯୌନ ସନ୍ତୁଷ୍ଟି ପାଇଁ ଏହାକୁ ବ୍ୟବହାର କରିପାରିବେ।
କୋର୍ଟରେ ବିଚାରପତି ମାଇକେଲ କିଙ୍ଗ ଧନଖଡଙ୍କ କାର୍ଯ୍ୟକୁ "ସୁଯୋଜନାବଦ୍ଧ, ବିସ୍ତୃତ ବୋଲି ବର୍ଣ୍ଣନା କରିଥିଲେ, ଯାହାକୁ ସେ ଚତୁରତାର ସହ କରିଥିଲେ। ସେ କହିଥିଲେ ଯେ ଧନଖଡ ତାଙ୍କର ଯୌନ ଇଚ୍ଛାକୁ ପୂରଣ କରିବା ପାଇଁ ପୀଡିତାଙ୍କ କଷ୍ଟକୁ ନିର୍ଦ୍ଦୟତା ଦେଖାଇଥିଲେ।
