ନୂଆଦିଲ୍ଲୀ : ପହଲଗାମ ଆତଙ୍କୀ ହମଲା ପରେ ଭାରତର ତିନି ସେନା ସଂପୂର୍ଣ୍ଣ ରୂପେ ପ୍ରସ୍ତୁତ। ପାକିସ୍ତାନକୁ ଭାରତ ପକ୍ଷରୁ କୌଣସି ସମୟରେ ହମଲା ହେବାର ଭୟ ଘାରିଛି। ଏବେ ଉଭୟ ଦେଶରେ ଉତ୍ତେଜନା ଶୀର୍ଷ ସ୍ତରରେ ପହଞ୍ଚିଛି। ଏହି ମଧ୍ୟରେ , ଭାରତୀୟ ନୌସେନା ଆରବ ସାଗରରେ ନିଜର ଅଭିଯାନକୁ ଦ୍ରୁତ କରି ଦେଇଛି। ନୌସେନା ଆକଙ୍କୀ ହମଲା ପରେ କ୍ଷେତ୍ରୀୟ ଉତ୍ତେଜନା ମଧ୍ୟରେ ସାମୁଦ୍ରିକ ସୁରକ୍ଷାକୁ ମଜବୁତ୍ କରିବା ପାଇଁ ଭାରତର ବିଶେଷ ଆର୍ଥିକ କ୍ଷେତ୍ର(ଇଇଜେଡ) ଭିତରେ ବ୍ୟାପକ ଅଭ୍ୟାସ କରୁଛି। ନ୍ୟୁଜ୍ ଏଜେନ୍ସି ଏଏନଆଇ ପ୍ରତିରକ୍ଷା ସୂତ୍ରାନୁସାରେ କହିଛି , ଯୁଦ୍ଧ ଜାହାଜ ହାଇ ଆଲର୍ଟରେ ରହିଛି ଏବଂ ଜାହାଜ ଗୁଡ଼ିକୁ ମଧ୍ୟ ମୁତୟନ କରାଯାଇଛି। ଅନେକ ଆଣ୍ଟି-ସିପ୍ ଓ ଆଣ୍ଟି-ଏୟାରକ୍ରାଫ୍ଟ ଫାୟାରିଂ କରାଯାଇଛି, ଯାହାକି ଯୁଦ୍ଧର ତତ୍ପରତାର ପ୍ରଦର୍ଶନ କରାଯାଇ ପାରିବ ଏବଂ କ୍ଷେତ୍ରରେ ସମ୍ଭାବିତ ବିପଦକୁ ରୋକା ଯାଇପାରିବ। ଏହି ସବୁ ପ୍ରସ୍ତୁତିକୁ ଦେଖି କୁହାଯାଇ ପାରେ କି, ଅନ୍ୟ ସେନାଗୁଡ଼ିକ ପରି ନୌସେନା ମଧ୍ୟ କୌଣସି ବି ସମୟରେ ପାକିସ୍ତାନକୁ ମୁହଁତୋଡ଼ ଜହାବ ଦେବାକୁ ସଂପୂର୍ଣ୍ଣ ପ୍ରସ୍ତୁତ।
ଭାରତୀୟ ତଟରକ୍ଷକ ବାହିନୀ ମଧ୍ୟ ନିରୀକ୍ଷଣ ବଢାଇବା ପାଇଁ ନୌସେନା ସହ ନିକଟ ସମନ୍ୱୟରେ କାମ କରି, ଗୁଜରାଟ ତଟ ଠାରୁ ଅନ୍ତରାଷ୍ଟ୍ରୀୟ ସାମୁଦ୍ରିକ ସୀମା ନିକଟସ୍ଥ କ୍ଷେତ୍ରରେ ଜାହାଜକୁ ମୁତୟନ କରିଛି। ଏହା ପୂର୍ବରୁ ରବିବାର , ଭାରତୀୟ ନୌସେନାର ଏକ ବୟାନ ଅନୁସାରେ , ଭାରତୀୟ ନୌସେନାର ଯୁଦ୍ଧଜାହାଜ ଅନେକ ସଫଳ ଆଣ୍ଟି-ସିପ୍ ମିସାଇଲ ଫାୟାରିଂ କରିଛି। ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସରେ ଭାରତୀୟ ନୌସେନାର ପ୍ରବକ୍ତା କହିଛନ୍ତି କି, ଏହି ଫାୟାରିଂ ପ୍ଲାଟଫର୍ମ , ସିଷ୍ଟମ ଓ କ୍ରୁର ଲମ୍ୱା ଦୂରତାର ସଠିକ୍ ଆକ୍ରମଣାତ୍ମକ ହମଲା ପାଇଁ ପରିଚାଳନା ତତ୍ପରତାକୁ ପୁଣି ଥରେ ପ୍ରମାଣିତ କରିବାକୁ କରାଯାଇ ଥିଲା।
ଏହି ଅଭ୍ୟାସର ଉଦ୍ଦେଶ୍ୟ ନୌସେନାର ଯୁଦ୍ଧ ତତ୍ପରତା ଓ ଭାରତର ସାମୁଦ୍ରିକ ହିତର ରକ୍ଷା କରିବାକୁ ଏହାର କ୍ଷମତାର ପ୍ରଦର୍ଶନ କରିବା। ଯୁଦ୍ଧ ଜାହାଜକୁ ଆରବ ସାଗରରେ ମୁତୟନ କରାଯାଇ ଥିଲା। ପୋଷ୍ଟରେ କୁହାଯାଇଛି, ଭାରତୀୟ ନୌସେନାର ଜାହାଜ ଲମ୍ୱା ଦୂରତାର ସଠିକ୍ ଆକ୍ରମଣାତ୍ମକ ହମଲା ପାଇଁ ପ୍ଲାଟଫର୍ମ, ସିଷ୍ଟମ ଓ କ୍ରିଉର ତତ୍ପରତାକୁ ପୁଣି ଥରେ ପ୍ରମାଣିତ କରିବା ଓ ପ୍ରଦର୍ଶିତ କରିବା ପାଇଁ ଅନେକ ସଫଳ ଆଣ୍ଟି-ସିପ୍ ଫାୟାରିଂ କରିଛି। ଭାରତୀୟ ନୌସେନା କୌଣସି ବି ସମୟରେ କେଉଁଠି ବି ଦେଶର ସାମୁଦ୍ରିକ ହିତର ରକ୍ଷା କରିବାକୁ ଯୁଦ୍ଧ ପାଇଁ ପ୍ରସ୍ତୁତ। ଏହି ଅଭ୍ୟାସ ଜମ୍ମୁ ଓ କାଶ୍ମୀରର ପହଲଗାମରେ ୨୨ ଅପ୍ରେଲରେ ହୋଇଥିବା ଆତଙ୍କୀ ହମଲାକୁ ନଜରରେ ରଖି କରାଯାଇ ଥିଲା, ଯେଉଁଥିରେ ୨୬ ଜଣ ଲୋକଙ୍କୁ ହତ୍ୟା କରାଯାଇଛି, ଏହାପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବଢି ଯାଇଛି।
