ନୂଆଦିଲ୍ଲୀ,୧୨/୦୬: କ୍ରୀଡା ଜଗତରୁ ଏକ ଦୁଃଖଦ ଖବର ଆସିଛି । ଭାରତୀୟ ସୁଟିଂର ସ୍ୱର୍ଣ୍ଣ ଯୁଗ ସରିଛି । ଭାରତୀୟ ସୁଟିଂ କିମ୍ବଦନ୍ତୀ ଏବଂ ପ୍ରଶିକ୍ଷକ ଜସପାଲ ରାଣାଙ୍କର ପରଲୋକ ହୋଇଛି । ୪୯ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଭାରତୀୟ କ୍ରୀଡା ଇତିହାସର ସବୁଠାରୁ ପ୍ରତିଭାବାନ ସୁଟର ଜସପାଲ ରାଣାଙ୍କ ପରଲୋକ ହୋଇଛି। ଜର୍ମାନୀରୁ ଫେରିବା ପରେ ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଥିଲା । ଦିଲ୍ଲୀରେ ଚିକିତ୍ସୀଧୀନ ଅବସ୍ଥାରେ ତାଙ୍କ ବିୟୋଗ ହୋଇଛି । ତାଙ୍କ ଦେହାନ୍ତରେ କ୍ରୀଡା ଜଗତରେ ଶୋକର ଛାୟା ଖେଳିଯାଇଛି ।
ଜର୍ମାନୀର ମ୍ୟୁନିଚରେ ଅନୁଷ୍ଠିତ ଆଇଏସଏସଏଫ ବିଶ୍ୱକପରୁ ଭାରତୀୟ ଦଳ ଫେରିବା ସମୟରେ ଜସପାଲ୍ ଅସୁସ୍ଥ ହୋଇଥିଲେ । ତାଙ୍କୁ ଚିକିତ୍ସା ପାଇଁ ହିସ୍ପରାଟଲେ ଭର୍ତ୍ତି କରାଯାଇଥିଲା । ଷ୍ଟେଣ୍ଟ ଲଗାଇଯାଇଥିଲା । ରାଣା ଭାରତୀୟ ସୁଟିଂ ସୁଟରଣାନଙ୍କ ପାଇଁ ଉଚ୍ଚ ପରାମର୍ଶଦାତା ପ୍ରଶିକ୍ଷକ ଭାବରେ କାର୍ଯ୍ୟ କରିଥିଲେ । ଜସପାଲ ରାଣାଙ୍କ ପରିବାରରେ ତାଙ୍କ ପତ୍ନୀ ରୀନା ରାଣା, ଝିଅ ଦେବାଂଶୀ, ପୁଅ ଯୁବରାଜ, ବାପା ନାରାୟଣ ସିଂହ ରାଣୀ ଏବଂ ଦୁଇ ଭାଇଭଉଣୀ ସୁଷମା ସିଂହ ଏବଂ ସୁଭାଷ ରାଣା ଅଛନ୍ତି । ଜସପାଲଙ୍କ ଦେହାନ୍ତରେ ପରିବାର ଭାଙ୍ଗି ପଡିଛନ୍ତି ।
ଗଡ଼ୱାଲରୁ ବିଶ୍ୱ ମଞ୍ଚ ଯାଏ- ୨୮ ଜୁନ୍ ୧୯୭୬ ମସିହାରେ ଉତ୍ତରାଖଣ୍ଡର ଏକ ଗଢ଼ୱାଲି ପରିବାରରେ ଜନ୍ମଗ୍ରହଣ କରିଥିଲେ ଜସପାଲ ରାଣା । କ୍ରୀଡାପ୍ରେମୀ ପରିବାରରୁ ଆସନ୍ତି ଜସପାଲ। ତାଙ୍କ ପିତା ନାରାୟଣ ସିଂହ ରାଣା ଜଣେ ପୂର୍ବତନ ସେନା ଅଧିକାରୀ । ସେ ପରେ ଉତ୍ତରାଖଣ୍ଡର ପ୍ରଥମ କ୍ରୀଡା ମନ୍ତ୍ରୀ ହୋଇଥିଲେ । ପିଲାଦିନରୁ ଜସପାଲ ସୁଟିଂ ପ୍ରତି ମନୋ ବଳାଇଥିଲେ । ପାଇଥିଲେ ଏବଂ ତାଙ୍କ ପିତା ତାଙ୍କର ପ୍ରଥମ ପ୍ରଶିକ୍ଷକ ହୋଇଥିଲେ। ଜସପାଲ ରାଜ୍ୟଗୋଷ୍ଠୀ କ୍ରୀଡ଼ାରେ ୧୫ ପଦକ ଜିତି ଭାରତର ସବୁଠାରୁ ସଫଳ କ୍ରୀଡାବିତଙ୍କ ମଧ୍ୟରୁ ଜଣେ ଥିଲେ । ପଦରେ ୯ଟି ସ୍ୱର୍ଣ୍ଣ, ୪ଟି ରୌପ୍ୟ ଏବଂ ୨ଟି କାଂସ୍ୟ ପଦକ ଜିତିଛନ୍ତି । ୧୯୯୪, ୧୯୯୮, ୨୦୦୨ ଏବଂ ୨୦୦୬ ରେ ଲଗାତାର ଚାରି ସଂସ୍କରଣରେ ପଦକ ଜିତିଥିଲେ । ୨୦୦୨ ମାଞ୍ଚେଷ୍ଟର ରାଜ୍ୟଗୋଷ୍ଠୀ କ୍ରୀଡା ତାଙ୍କର ସବୁଠାରୁ ସଫଳ ସଂସ୍କରଣ ଥିଲା, ଯେଉଁଠାରେ ସେ ୬ଟି ପଦକ ଜିତି ଇତିହାସ ସୃଷ୍ଟି କରିଥିଲେ। ସେ ୨୦୦୬ ଦୋହା ଏସୀୟ କ୍ରୀଡ଼ାରେ ଚମତ୍କାର ପ୍ରଦର୍ଶନ କରିଥିଲେ । ୩ଟି ସ୍ୱର୍ଣ୍ଣ ଏବଂ ଗୋଟିଏ ରୌପ୍ୟ ପଦକ ଜିତିଥିଲା । ସେ ୨୫ ମିଟର ସେଣ୍ଟର ଫାୟାର ପିସ୍ତଲରେ ୫୯୦ ପଏଣ୍ଟ କରି ବିଶ୍ୱ ରେକର୍ଡ ସମକକ୍ଷ ହୋଇଥିଲେ । ଯାହା ତାଙ୍କ କ୍ୟାରିୟରର ସବୁଠାରୁ ଭଲ ପ୍ରଦର୍ଶନ ଥିଲା ।ଏସୀୟ କ୍ରୀଡ଼ା ଏବଂ ଅଲିମ୍ପିକ୍ସରେ ଦେଶକୁ ପ୍ରତିନିଧିତ୍ୱ କରିବା ପରେ, ସେ ପ୍ରଶିକ୍ଷକ ମାଧ୍ୟମରେ ଏକ ନୂତନ ପିଢ଼ିକୁ ପ୍ରସ୍ତୁତ କରୁଥିଲେ । ଜସପାଲ ରାଣାଙ୍କୁ ଅର୍ଜୁନ ପୁରସ୍କାର, ପଦ୍ମଶ୍ରୀ ଏବଂ ଦ୍ରୋଣାଚାର୍ଯ୍ୟ ପୁରସ୍କାରରେ ସମ୍ମାନିତ କରାଯାଇଥିଲା ।
ଏହା ବି ପଢନ୍ତୁ...FIFA World Cup 2026 : ଆଜି କାନାଡ଼ା-ବସନିଆ ଓ ହେର୍ଜେଗୋଭିନା ମୁକାବିଲା
କୋଚିଂରେ ସୁବର୍ଣ୍ଣ ଅଧ୍ୟାୟ...ଜସପାଲଙ୍କ ଖେଳ ଜୀବନ ପରେ, ସେ ପ୍ରଶିକ୍ଷଣକୁ ନିଜର ମିଶନ କରିଥିଲେ । ୨୦୧୨ ପରେ, ସେ ଯୁବ ଭାରତୀୟ ସୁଟରମାନଙ୍କୁ ପ୍ରସ୍ତୁତ କରିବା ଆରମ୍ଭ କରିଥିଲେ । ଭାରତୀୟ ସୁଟିଂର ନୂଆ ପିଢି ପାଇଁ ମୂଳଦୁଆ ପକାଇଥିଲେ । ସେ ୨୦୧୮ରେ ଅଲିମ୍ପିକ୍ ପଦକ ବିଜେତା ମନୁ ଭାକରଙ୍କୁ ପ୍ରଶିକ୍ଷକ କରିଥିଲେ । ୨୦୨୧ ମସିହାରେ ଦୁହେଁ କିଛି ସମୟ ପାଇଁ ଅଲଗା ହୋଇଯାଇଥିଲେ, କିନ୍ତୁ ୨୦୨୪ ଅଲିମ୍ପିକ୍ ପାଇଁ ପ୍ରସ୍ତୁତି କରିଥିଲେ । ତାଙ୍କର ତାଲିମ ଶୈଳୀକୁ ଅତ୍ୟନ୍ତ ଶୃଙ୍ଖଳିତ ଏବଂ ଅନ୍ତର୍ଜାତୀୟ ମାନର ବୋଲି ବିବେଚନା କରାଯାଉଥିଲା, ଯେଉଁଥିରେ ଅଲିମ୍ପିକ୍ ଭଳି ପରିସ୍ଥିତିରେ ଅଭ୍ୟାସ କରାଯାଉଥିଲା। ଜସପାଲ ରାଣାଙ୍କ ପରଲୋକ ଭାରତୀୟ ସୁଟିଂ ପାଇଁ ଏକ ଅପୂରଣୀୟ କ୍ଷତି। ସେ କେବଳ ପଦକ ଜିତି ନଥିଲେ, ବରଂ ଏକ ପିଢ଼ିକୁ ମାର୍ଗଦର୍ଶନ କରିଥିଲେ । ଜଣେ ଖେଳାଳି ଏବଂ ପ୍ରଶିକ୍ଷକ ଭାବରେ ଭାରତରେ ସୁଟିଂକୁ ଏକ ନୂତନ ପରିଚୟ ଦେଇଥିଲେ।
