ନୂଆଦିଲ୍ଲୀ : ୟୁଟ୍ୟୁବ ଶୋ’ ଇଣ୍ଡିୟାଜ ଗଟ୍ ଲାଟେଣ୍ଟରେ ଅଶ୍ଳୀଳ କମେଣ୍ଟସ କରି ଫସି ଥିବା ୟୁଟ୍ୟୁବର୍ସ ରଣବୀର ଆହ୍ଲାବାଦିଆ ଓ ଅପୂର୍ବା ମୁଖିଜା ବ୍ୟାକଫୁଟ୍କୁ ଆସିଛନ୍ତି। ଅନେକ ରାଜ୍ୟରେ ଏଫଆଇଆର ରୁଜୁ ହେବା ଓ ସୁପ୍ରିମକୋର୍ଟଙ୍କ ଠାରୁ ତାଗିଦ୍ ଶୁଣିବା ପରେ ଆହ୍ଲାବାଦିଆ , ମୁଖିଜାଙ୍କ ସମେତ ଅନ୍ୟ ମହିଳା ଆୟୋଗର ସମ୍ମୁଖରେ ହାଜର ହୋଇ ଲିଖିତ କ୍ଷମା ମାଗିଛନ୍ତି। ଆହ୍ଲାବାଦିଆ କହିଛନ୍ତି କି, ଏହି ଭୁଲ ପ୍ରଥମ ଓ ଶେଷ ଥର ହୋଇଛି। ଏମିତି ଭାଷାର ବ୍ୟବହାର କରିବା ଉଚିତ୍ ନୁହେଁ । ପ୍ୟାନେଲର ଅଧ୍ୟକ୍ଷ ବିଜୟା ରହାଟକର ଶୁକ୍ରବାର କହିଛନ୍ତି ଯେ, ଅନଲାଇନ୍ ଶୋ'ରେ ତାଙ୍କର ଟିପ୍ପଣୀ କେବେ ବି ସ୍ୱୀକାର୍ଯ୍ୟ ଯୋଗ୍ୟ ନଥିଲା।
ରଣବୀର ଆହ୍ଲାବାଦିଆ , ମୁଖିଜା ଓ ଶୋ’ର ନିର୍ମାତା ସୌରଭ ବୋଥରା ଓ ତୁଷାର ପୂଜାରୀ ଗୁରୁବାର ରାଷ୍ଟ୍ରୀୟ ମହିଳା ଆୟୋଗ( ଏନସିଡବ୍ଲ୍ୟୁ)ର ସମ୍ମୁଖରେ ହାଜର ହୋଇଛନ୍ତି। ସୂତ୍ରାନୁସାରେ , ଉଭୟ ୟୁଟ୍ୟୁବର୍ସଙ୍କୁ ଘଣ୍ଟା ଘଣ୍ଟା ପଚରାପଚରି କରାଯାଇଛି। ଶୁକ୍ରବାର ଏକ ସାମ୍ୱାଦିକ ସମ୍ମିଳନୀକୁ ସମ୍ୱୋଧିତ କରି ରାହତକର କହିଛନ୍ତି ଯେ, ଏନସିଡବ୍ଲ୍ୟୁ ଅନୁଚିତ ଭାଷାର ବ୍ୟବହାରକୁ ସ୍ୱୀକାର କରିବେ ନାହିଁ । ଏନସିଡବ୍ଲ୍ୟୁ ପ୍ରମୁଖ ଏକ ପ୍ରଶ୍ନର ଜବାବରେ କହିଛନ୍ତି , ଚାରି ଜଣ ଲୋକ ଆୟୋଗ ସାମ୍ନାରେ ହାଜର ହୋଇଛନ୍ତି – ତୁଷାର ପୂଜାରୀ , ସୌରଭ ବୋଥରା , ଅପୂର୍ବା ମୁଖିଜା ଓ ରଣବୀର ଆହ୍ଲାବାଦିଆ । ଆୟୋଗ ଅନୁଚିତ ଭାଷାର ବ୍ୟବହାରକୁ ସ୍ୱୀକାର କରିବେ ନାହିଁ । ଏମିତି ଟିପ୍ପଣୀ କେବେ ବି ସ୍ୱୀକାର୍ଯ୍ୟ ନୁହେଁ।
ରାହତକର କହିଛନ୍ତି ଯେ , ବ୍ୟକ୍ତିମାନେ ନିଜର ଟିପ୍ପଣୀ ଉପରେ ମନସ୍ତାପ କରିଛନ୍ତି। ସେ କହିଛନ୍ତି ,ସାମାଜିକ ପ୍ରଭାବକୁ ଧ୍ୟାନରେ ରଖି , ତାଙ୍କୁ ନୋଟିସ୍ ଜାରି କରାଯାଇ ଥିଲା। ସେ ଆୟୋଗ ସମ୍ମୁଖକୁ ଆସିଲେ ଏବଂ ଦୁଃଖ ପ୍ରକାଶ କଲେ । ସେ କହିଥିଲେ ଯେ , ତାଙ୍କୁ ଏହିପରି କଥାବାର୍ତ୍ତା କରିବା ଉଚିତ୍ ନଥିଲା ଏବଂ ଏବେ ସେ କ୍ଷମା ପ୍ରାର୍ଥନା ( ଲିଖିତ କ୍ଷମା) ପ୍ରସ୍ତୁତ କରିଛନ୍ତି । ରାହତକର କହିଛନ୍ତି ଯେ, ବିଶେଷ ରୂପେ ଆହ୍ଲାବାଦିଆ ଏନସିଡବ୍ଲ୍ୟୁକୁ ଆଶ୍ୱାସନା ଦେଇଛନ୍ତି କି, ସେ ଭବିଷ୍ୟତରରେ ଆହୁରି ଅଧିକ ସାବଧାନ ରହିବେ।
