କଟକ, ୦୩/୧୧ : ଆଠଗଡ଼ ବନଖଣ୍ଡ ନରସିଂହପୁର ପୂର୍ବାଞ୍ଚଳ ରେଞ୍ଜ୍ ସେରମୁଣ୍ଡା ବିଟ୍ ରଘୁପାଣି ବନ୍ଧ ନିକଟ ସଂରକ୍ଷିତ ଜଙ୍ଗଲରେ ବୁଲୁଛି ଆହତ ଦନ୍ତା ହାତୀ। ହାତୀ ଦେହରେ ତୀର ବାଜିଛି। ଢେଙ୍କାନାଳ ଓ ନନ୍ଦନକାନନ ଟ୍ରାଙ୍କୁଳାଇଜ ଟିମ୍ ଓ ବନବିଭାଗ ଟିମ୍ ପହଁଚି ହାତୀକୁ ଟ୍ରାଙ୍କୁଲାଇଜ୍ କରିବା ପାଇଁ ପ୍ରୟାସ ଜାରି ରଖିଛି।
ହାତୀଟିକୁ ଠାବ କରିବାକୁ ଚେଷ୍ଟା କରାଯାଉଥିବା ବେଳେ ଏହା ସମ୍ଭବ ହୋଇନାହିଁ। ଅତି ଘଞ୍ଚ ଜଙ୍ଗଲ ଥିବାରୁ ଗତକାଲି ବନ ବିଭାଗ ଟ୍ରାଙ୍କୁଲାଇଜ୍ କରିବାରେ ବିଫଳ ହୋଇଥିଲା। ଆଜି ହାତୀଟିକୁ ଧରିବା ପାଇଁ ଚେଷ୍ଟା କରାଯାଉଛି। ତେବେ ହାତୀ ଦେହରେ ଦୁଇରୁ ଅଧିକ ସ୍ଥାନରେ ତୀର ବାଜିଥିବା ସନ୍ଦେହ କରାଯାଉଛି। ଆଠଗଡ଼ ଡିଏଫଓ ଯଜ୍ଞଦତ୍ତ ପତି ଏନେଇ ସୂଚନା ଦେଇଛନ୍ତି।
