ଜୟପୁର,୨୯/୧୦: ସାମାଜିକ ଗଣମାଧ୍ୟମ ଇନ୍ଷ୍ଟାଗ୍ରାମ୍ରେ ପ୍ରେମ । ଅପହରଣ ପରେ ଶାରୀରିକ ସମ୍ପର୍କ । ନାବାଳିକା ଅପହରଣ ଏବଂ ଦୁଷ୍କର୍ମ ମାମଲାରେ ଅଭିଯୁକ୍ତ ପ୍ରେମିକକୁ ଗିରଫ କରିଛି ସଦର ପୁଲିସ । ସେ ହେଲା ଅନୁଗୁଳ ଖମାର ଥାନା ଶଙ୍ଖାମୁରର ଚନ୍ଦନ କୁମାର ବେହେରା(୨୪) । ତାକୁ କୋର୍ଟ ଚାଲାଣ କରାଯାଇଥିଲା । ଜାମିନ ନାମଞ୍ଜୁର ହେବାରୁ ଜେଲ୍ ପଠାଇ ଦିଆଯାଇଥିବା ଆଇଆଇସି ଈଶ୍ୱର ତାଣ୍ଡି କହିଛନ୍ତି ।
ପୁଲିସ ସୂଚନା ଅନୁଯାୟୀ, ନାବାଳିକାର ଘର ସଦର ବ୍ଲକ ଅଞ୍ଚଳରେ । ୫ ମାସ ତଳେ ଚନ୍ଦନ ସହ ଇନ୍ଷ୍ଟାଗ୍ରାମ୍ରେ ତା’ର ବନ୍ଧୁତା ସ୍ଥାପନ ହୋଇଥିଲା । ଚାଟିଂ ପରେ ସେମାନଙ୍କ ମଧ୍ୟରେ ଭାବର ଆଦାନପ୍ରଦାନ ହୋଇଥିଲା । ଏହା ଧୀରେଧୀରେ ପ୍ରେମରେ ପରିଣତ ହୋଇଥିଲା। ଗତ ୨୧ ତାରିଖରେ ନାବାଳିକା ହଠାତ୍ ନିଖୋଜ ହୋଇଯାଇଥିଲା । ପରିବାର ଲୋକେ ଚାରିଆଡ଼େ ଖୋଜିଥିଲେ। ସମ୍ପର୍କୀୟଙ୍କୁ ଯୋଗାଯୋଗ କରି ନିରାଶ ହୋଇଥିଲେ । ଶେଷରେ ଥାନାରେ ଲିଖିତ ଅଭିଯୋଗ କରିଥିଲେ । ୨୩ ତାରିଖରେ ପୁଲିସ ଏକ ନିଖୋଜ ମାମଲା ରୁଜୁ କରିଥିଲା । ବିଭିନ୍ନ ସୂତ୍ରକୁ ଭିତ୍ତି କରି ତଦନ୍ତ ଜାରି ରଖିଥିଲା । ରାଉରକେଲାରୁ ଯୁବକକୁ ଗିରଫ ସହ ନାବାଳିକାକୁ ଉଦ୍ଧାର କରିଥିଲା । ନାବାଳିକାର ବୟାନ ରେଡର୍କ ସହ ଡାକ୍ତରୀମାଇନା କରାଯାଇଥିଲା । ଅପହରଣ ମାମଲା ପୋକ୍ସୋ ମୋଡ଼ ନେଇଥିଲା । ଏସ୍ଆଇ ପଞ୍ଚାନନ ଶତପଥୀ ମାମଲାର ତଦନ୍ତକାରୀ ଅଧିକାରୀ ଅଛନ୍ତି ।
