ପ୍ରମୂଖ ଖବର
  • ଡିସେମ୍ବରରେ ଭାରତ ଆସିବେ ରୁଷ ରାଷ୍ଟ୍ରପତି ପୁଟିନ
  • ||
  • କୁକୁଡାଖଣ୍ଡି : ବାଇକକୁ ଧକ୍କା ଦେଲା ଟାଟା ଏସି, ୨ ମୃତ
  • ||
  • ମୌରିଟେନିଆ ଉପକୂଳରେ ଓଲଟିଲା ଡଙ୍ଗା; ୪୯ ଯାତ୍ରୀ ମୃତ, ୧୦୦ରୁ ଅଧିକ ନିଖୋଜ
  • ||
  • ଯାଜପୁର : ଗଣେଶ ମୂର୍ତ୍ତି ବିସର୍ଜନ ବେଳେ ଅଘଟଣ, ପୋଖରୀରେ ବୁଡ଼ି ଛାତ୍ର ମୃତ
  • ||
  • ଇସ୍ତଫା ଦେଲେ ବିସିସିଆଇ ସଭାପତି ରୋଜର ବିନ୍ନ ! ରାଜୀବ ଶୁକ୍ଳା ସମ୍ଭାଳିଲେ ପଦ
  • ||
  • ହକି ଏସିଆ କପ୍ ୨୦୨୫: ଆଜିଠୁ ୨ଟି ଗ୍ରୁପ୍‌ରେ ମୁହାଁମୁହିଁ ହେବେ ୮ ଟିମ୍, ପ୍ରଥମ ମ୍ୟାଚ୍‌ରେ ଚୀନକୁ ଭେଟିବ ଭାରତ
  • ||
  • ଏୟାର ଶୋ' ବେଳେ ଅଘଟଣ; ମଝି ଆକାଶକୁ ଖସିଲା F-16 ଫାଇଟର ଜେଟ୍, ପାଇଲଟ ମୃତ
  • ||
  • ଗଞ୍ଜାମ : ଢ଼ଉଗାଁ ଛକ ନିକଟରେ ସିରିଜ୍ ଦୁର୍ଘଟଣା, ଟ୍ରକ୍‌ ଧକ୍କାରେ ଚାଲିଗଲା ଜୀବନ
  • ||
  • ଏସ୍‌ସି ଓ ଏସ୍‌ଟି କଲ୍ୟାଣ କମିଟି ଜାତୀୟ ସମ୍ମିଳନୀ, ବିକାଶ, ସଶକ୍ତୀକରଣକୁ ନେଇ ହେବ ଚର୍ଚ୍ଚା, ଉଦ୍‌ଘାଟନ୍ କରିବେ ବାଚସ୍ପତି ଓମ୍‌ ବିର୍ଲା
  • ||
  • ଡାଏମଣ୍ଡ ଲିଗ୍‌ ଫାଇନାଲ୍‌, ନୀରଜ ଚୋପ୍ରାଙ୍କୁ ରନର୍ସ ଅପ୍‌ରେ ସନ୍ତୁଷ୍ଟ, ୯୧.୫୧ ମିଟର ଜାଭେଲିନ୍ ଥ୍ରୋ କରି ୱେବର ଚାମ୍ପିଅନ୍‌
  • ||
  • ଟାରିଫ୍ ବିବାଦ ଭିତରେ ଜାପାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପିଏମ୍ ଶିଗେରୁ ଇଶିବାଙ୍କୁ ଭେଟି ଦ୍ୱିପାକ୍ଷିକ ଚର୍ଚ୍ଚା କରିବେ
  • ||
  • ପାଣ୍ଡରାରେ ଚାଞ୍ଚଲ୍ୟ:ଛାତ ଉପରେ ଥିବା ଘରୁ ଆଇନଜୀବୀଙ୍କ ମୃତଦେହ ଉଦ୍ଧାର, ମୃତ୍ୟୁ କାରଣ ଖୋଜୁଛି ପୁଲିସ ଓ ସାଇଣ୍ଟଫିକ୍‌ ଟିମ୍‌
  • ||
  • ଆସୁଛି ଆଉ ଦୁଇଟି ଲଘୁଚାପ: ସେପ୍ଟେମ୍ବର ୩ରେ ଲଘୁଚାପ, ୫ରେ ଅବପାତ, ଆଜି ପ୍ରବଳ ବର୍ଷା ନେଇ୧୧ ଜିଲ୍ଲାକୁ ଆଲର୍ଟ ଜାରି
  • ||

ସଂସଦ ଭବନରେ ସ୍ଥାନ ପାଇବ ମହାପ୍ରଭୁଙ୍କ ୩ ରଥର ଚକ

Published By : Suraj Kumar | August 29, 2025 10:00 PM

ପୁରୀ,୨୯।୮:  ସଂସଦ ଭବନରେ ସ୍ଥାନ ପାଇବ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ମା’ ସୁଭଦ୍ରାଙ୍କ  ରଥର ଗୋଟିଏ ଲେଖାଏଁ ଚକ। ଲୋକସଭାର ବାଚସ୍ପତି ଓମ୍ ବିର୍ଲା ଶ୍ରୀମନ୍ଦିର ପ୍ରଶାସନର ପ୍ରସ୍ତାବକୁ ଗ୍ରହଣ କରିଛନ୍ତି। ଏନେଇ ସୋସିଆଲ ମିଡିଆ ଏକ୍ସରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ସୂଚନା ଦେଇଛନ୍ତି।

ଲୋକସଭା ବାଚସ୍ପତି ଓମ୍ ବିର୍ଲା ଶୁକ୍ରବାର  ଶ୍ରୀଜୀଉଙ୍କ ଦର୍ଶନ  କରିଥିଲେ। ଏହି ଅବସରରେ  ରଥଯାତ୍ରା ବେଳେ ହୋଇଥିବା ୩  ଠାକୁରଙ୍କ ୩ ରଥର ଗୋଟିଏ ଲେଖାଏଁ ଚକ ସଂସଦ ପରିସରର ଏକ ପ୍ରମୁଖ ସ୍ଥାନରେ ରଖିବାକୁ ବାଚସ୍ପତିଙ୍କୁ  ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରସ୍ତାବ ଦିଆଯାଇଥିଲା। ବାଚସ୍ପତି ଏହି ପ୍ରସ୍ତାବରେ ସହମତି ପ୍ରକାଶ କରିଥିଲେ।  ଲୋକସଭା ବାଚସ୍ପତି ଓମ୍ ବିର୍ଲା ସଂସଦରେ ତିନି ରଥର ଗୋଟିଏ ଲେଖାଏଁ ଚକ ରଖିବା ପାଇଁ ଶ୍ରୀମନ୍ଦିର ପ୍ରଶାସନର ପ୍ରସ୍ତାବକୁ ଗ୍ରହଣ କରିଥିବାରୁ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ଗଭୀର କୃତଜ୍ଞତା ଜଣାଇଛନ୍ତି। ଏନେଇ ସୋସିଆଲ ମିଡିଆ ଏକ୍ସ ରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ସୂଚନା ଦେଇଛନ୍ତି।

ଲୋକସଭା ବାଚସ୍ପତି ଓର୍ମ ବିଲା , କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଅନ୍ୟମାନେ ଶ୍ରୀମନ୍ଦିର ସିଂହଦ୍ଵାର ନିକଟରେ ପହଞ୍ଚିବା କ୍ଷଣି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡଃ ଅରବିନ୍ଦ ପାଢୀ ,ଜିଲ୍ଲାପାଳ ଓ ଏସପି ସେମାନଙ୍କୁ  ସ୍ଵାଗତ କରିଥିଲେ। ବାଚସ୍ପତି ପ୍ରଥମେ ଅରୁଣ ସ୍ତମ୍ଭ ନିକଟରେ ପ୍ରଣିପାତ, ପତିତପାବନ ଦର୍ଶନ କରି ପରେ   ଶ୍ରୀମନ୍ଦିର ଯାଇ ପ୍ରଥମେ କାଶୀ ବିଶ୍ଵନାଥଙ୍କୁ ଦର୍ଶନ ସାରି ସାତ ପାହାଚ ଦେଇ ରତ୍ନସିଂହାସନ ସ୍ଥିତ ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରିଥିଲେ । ଏହାପରେ ବେଢ଼ା ପରିକ୍ରମା କରି ସେ ମା’ ମଙ୍ଗଳା, ମା’ ବିମଳା ଓ ମା’ ମହାଲକ୍ଷ୍ମୀଙ୍କୁ ଦର୍ଶନ କରିଥିଲେ। ପରେ ମହାପ୍ରସାଦ ସେବନ କରିଥିଲେ ।

ତେବେ ଶ୍ରୀଜୀଉଙ୍କ ଦର୍ଶନ କରି ବେଶ୍ ଖୁସି ଓ ଆନନ୍ଦିତ ଥିବା ବାଚସ୍ପତି କହିଛନ୍ତି । ସାରା ବିଶ୍ବ ଏବଂ ସମଗ୍ର ଦେଶର ମଙ୍ଗଳ କାମନା କରି ସେ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଛନ୍ତି। ସେମାନଙ୍କ ସହ ପୁରୀ ସାଂସଦ ସମ୍ବିତ ପାତ୍ର, ସ୍ଵାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ,ପଞ୍ଚାୟତ ରାଜ ମନ୍ତ୍ରୀ ରବିନାରାୟଣ ନାୟକ ,ରାଜ୍ୟସଭା ସାଂସଦ  ଶୁଭାଶିଷ ଖୁଣ୍ଟିଆ ଉପସ୍ଥିତ ମଧ୍ୟ ଥିଲେ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.