ନୂଆଦିଲ୍ଲୀ,୨୯/୦୪: ଆଇପିଏଲର ୪୮ ତମ ମ୍ୟାଚରେ କୋଲକାତା ନାଇଟ୍ ରାଇଡର୍ସ (କେକେଆର୍) ଦିଲ୍ଲୀ କ୍ୟାପିଟାଲ୍ସ (ଡିସି) କୁ ୧୪ ରନ୍ରେ ପରାସ୍ତ କରିଛି। ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ୮ ବର୍ଷ ପରେ ଦଳ ଜିତିଛି। ମଙ୍ଗଳବାର ଦିନ ଦିଲ୍ଲୀ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା।
କୋଲକାତା ୨୦ ଓଭରରେ ୯ ୱିକେଟ୍ ହରାଇ ୨୦୪ ରନ୍ କରିଥିଲା। ୨୮ତମ ଥର ପାଇଁ କୋଲକାତା ୨୦୦ ଉପରେ ରନ୍ କରିଥିଲା। ୨୦୫ ରନ୍ର ଟାର୍ଗେଟକୁ ପିଛା କରି ଦିଲ୍ଲୀ ୨୦ ଓଭରରେ ୯ ୱିକେଟ୍ ହରାଇ ମାତ୍ର ୧୯୦ ରନ୍ କରିଛି। ଫାଫ୍ ଡୁ ପ୍ଲେସିସ୍ ୬୨, ଆକ୍ଷର ପଟେଲ ୪୩ ଏବଂ ବିପରାଜ ନିଗମ ୩୮ ରନ ସ୍କୋର କରିଥିଲେ।
କେକେଆର୍ ପକ୍ଷରୁ ସୁନୀଲ ନାରିନ ୩ଟି ୱିକେଟ୍ ନେଇଥିଲେ। ସେ କେ.ଏଲ୍ ରାହୁଲଙ୍କୁ ଆଉଟ୍ କରିଥିଲେ। ବରୁଣ ଚକ୍ରବର୍ତ୍ତୀ ୨ ଟି ୱିକେଟ୍ ନେଇଥିଲେ। ଅନୁକୁଲ ରୟ, ବୈଭବ ଆରୋରା ଏବଂ ଆଣ୍ଡ୍ରେ ରସେଲ ଗୋଟିଏ ଲେଖାଏଁ ୱିକେଟ୍ ନେଇଥିଲେ। କେକେଆର୍ ଇନିଂସରେ ଅଙ୍ଗକ୍ରିଷ ରଘୁବଂଶୀ ୪୪ ରନ୍ ଏବଂ ରିଙ୍କୁ ସିଂ ୩୬ ରନ୍ କରିଥିଲେ। ଦିଲ୍ଲୀର ମିଚେଲ ଷ୍ଟାର୍କ ୩ ୱିକେଟ୍ ନେଇଥିଲେ।
