ମୁମ୍ବାଇ,୩୦/୪ : ବୈଭବ ସୂର୍ଯ୍ୟବଂଶୀ ଆଇପିଏଲ୍ ୨୦୨୫ରେ ରାଜସ୍ଥାନ ରୟାଲ୍ସ ଲାଗି ଖେଳୁଛନ୍ତି । ଏହି ଟୁର୍ଣ୍ଣାମେଣ୍ଟରେ ଖେଳୁଥିବା ସେ ସବୁଠାରୁ ଛୋଟ ଖେଳାଳୀ ଅଟନ୍ତି । ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚ୍ ପରେ ସେ ଏମଏସ ଧୋନୀଙ୍କ ପାଦ ଛୁଇଁ ଥିଲେ । ଉଭୟଙ୍କ ମଧ୍ୟରେ କିଛି କଥା ହୋଇଥିଲା । ଆରସିବି ବିପକ୍ଷ ମ୍ୟାଚ୍ ପରେ ସେ ନିଜ ପସନ୍ଦିତା ଖେଳାଳୀ ବିରାଟ କୋହଲୀଙ୍କୁ ବି ଭେଟିଥିଲେ । ଯାହା ପରେ ଫଟୋ ସାମ୍ନାକୁ ଆସିଛି । ଏବେ ଜଣାପଡ଼ିଲା କି ଧୋନୀ ଏବଂ କୋହଲୀ ୧୪ବର୍ଷୀୟ ଏହି କ୍ରିକେଟରଙ୍କୁ କ’ଣ କହିଥିଲେ ।
ରାଜସ୍ଥାନ ରୟାଲ୍ସ ଟିମର ମ୍ୟାନେଜର ରୋମୀ ଭିଣ୍ଡର ସୋମବାର ଏହି କଥାର ଖୁଲାସା କରିଛନ୍ତି କି ବୈଭବ ସୂର୍ଯ୍ୟବଂଶୀ ଭେଟରାନ ବିରାଟ କୋହଲୀ ଏବଂ ଏମଏସ ଧୋନୀଙ୍କ ସହ କଥା ହୋଇଥିଲେ । ସେ ସିଏସକେ ବିପକ୍ଷ ଜୟପୁରରେ ହୋଇଥିବା ମ୍ୟାଚରେ ସାମିଲ ନଥିଲେ । ଯାହାକି ୨୪ଏପ୍ରିଲରେ ଆରସିବି ବିପକ୍ଷ ମ୍ୟାଚରେ ସେ ୧୬ରନରେ ଭୁବନେଶ୍ବର କୁମାରଙ୍କ ବଲରେ ବୋଲ୍ଡ ହୋଇଯାଇଥିଲେ । ମ୍ୟାନେଜର ରୋମୀ ଭିଣ୍ଡର ସୂର୍ଯ୍ୟବଂଶୀ ଧୋନୀଙ୍କୁ ଭେଟିବା ଉପରେ ଏକ ସାକ୍ଷାତକାରରେ କହିଛନ୍ତି କି, ହଁ ଗୌହାଟୀରେ ଖେଳାଯାଇଥିବା ଶେଷ ମ୍ୟାଚରେ ସେ ଧୋନୀଙ୍କୁ ଭେଟିଥିଲେ । ସେ ପୁଣି ଥରେ ସିଏସକେ ବିପକ୍ଷ ଆଗାମୀ ମ୍ୟାଚରେ ତାଙ୍କୁ ଭେଟିବେ । କିନ୍ତୁ ମୁଁ ଉଭୟଙ୍କ ମଧ୍ୟରେ ସମାନ ଗୁଣ ଦେଖିପାରୁଛି । ଉଭୟେ ଶାନ୍ତ ଅଟନ୍ତି, କିନ୍ତୁ ପରେ ବି ଆକ୍ରମଣାତ୍ମକ କ୍ରିକେଟ ଶଟ୍ ଖେଳିଥାନ୍ତି । ଏଥିଲାଗି କିଛି ସମାନତା ଅଛି’।
ଭିଣ୍ଡର କହିଛନ୍ତି କି, ଏମଏସ ଧୋନୀ ବି ତାଙ୍କୁ ବହୁ ପ୍ରଶଂସା କରିଛନ୍ତି । ସେ କହିଥିଲେ କି , ଠିକ୍ ଅଛି, ଆପଣଙ୍କ ଟିମରେ ବେବି ଅଛନ୍ତି । ବେବି ଜଣେ ମାଚ୍ୟୋର ଖେଳାଳୀ ଭାବେ ସଟ୍ ଖେଳୁଛନ୍ତି । ବିରାଟ କୋହଲୀ ବୈଭବଙ୍କ ସହ କଥା ହେବା ସମୟରେ ତାଙ୍କୁ କିଛି ଟିପ୍ସ ଦେଇଛନ୍ତି । ଏହି ମ୍ୟାଚରେ ଆରସିବି ରାଜସ୍ଥାନକୁ ପରାଜୟ କରିଥିଲା ଏବଂ କୋହଲୀ ୭୦ରନର ଶାନଦାର୍ ପାଳି ଖେଳିଥିଲେ ।
ଭିଣ୍ଡ କହିଛନ୍ତି, ବୈଭବଙ୍କୁ ବିରାଟ କୋହଲୀ ବହୁତ ପସନ୍ଦ । ସେ ତାଙ୍କୁ ଭେଟିଥିଲେ ଏବଂ କୋହଲୀ ତାଙ୍କୁ କିଛି ଟିପ୍ସ ଦେଇଥିଲେ । ବିରାଟ ତାଙ୍କୁ ଏହି ବି କହିଛନ୍ତି କି କିଭଳି ଭାବେ ମାଟି ସହ ଯୋଡ଼ି ହୋଇ ରହିବା ଏବଂ କିଭଳି ବିନମ୍ର ରହିବାରେ ଅଛି ଏବଂ କଠିନ ପରିଶ୍ରମ କରିବାରେ ଅଛି ।
