କୋଲକାତା, ୨୯।୪: ପଶ୍ଚିମବଙ୍ଗର ନିର୍ବାଚନୀ ରଣରେ ସୁରକ୍ଷା ଓ ନିରପେକ୍ଷତା ସୁନିଶ୍ଚିତ କରିବା ପାଇଁ, ନିର୍ବାଚନ କମିଶନ ଉତ୍ତର ପ୍ରଦେଶ କ୍ୟାଡରର ଜଣେ ପ୍ରସିଦ୍ଧ ଆଇପିଏସ ଅଧିକାରୀ ଅଜୟ ପାଲ ଶର୍ମାଙ୍କୁ ଏକ ପ୍ରମୁଖ ଦାୟିତ୍ୱ ଦେଇଛନ୍ତି। ତାଙ୍କୁ ନିର୍ବାଚନ ପର୍ଯ୍ୟବେକ୍ଷକ (ଅବଜରଭର) କରି ପଶ୍ଚିମବଙ୍ଗକୁ ପଠାଇଛନ୍ତି। ଏହି ନିଯୁକ୍ତି ସହିତ ପ୍ରଶାସନିକ ସ୍ତରରେ ଓ ସୋସିଆଲ ମିଡିଆରେ ଏହି କଥାର ଚର୍ଚ୍ଚା ଖୁବ୍ ବଢିଯାଇଛି ଯେ, ନିର୍ବାଚନ କମିଶନ ଏହି ଅଧିକାରୀଙ୍କୁ ଏହି ସ୍ବତନ୍ତ୍ର ଡ୍ୟୁଟି ପାଇଁ ଅଲଗା ଭାବରେ ମୋଟା ଦରମା କିମ୍ବା ଅତିରିକ୍ତ ବେତନ ଦେଇଥାନ୍ତି। ତେବେ ଆସନ୍ତୁ ଜାଣିବା...ଅଜୟ ପାଲ ଶର୍ମାଙ୍କୁ ସେହି ଅଧିକାରୀଙ୍କ ଭିତରେ ଗଣାଯାଏ ଯେଉଁମାନେ ଆଇନ ବ୍ୟବସ୍ଥାକୁ ନେଇ ଖୁବ୍ ଶକ୍ତ। ବଙ୍ଗଳା ଭଳି ସମ୍ବେଦନଶୀଳ ରାଜ୍ୟରେ ତାଙ୍କର ନିଯୁକ୍ତିକୁ କମିଶନ୍ ଏକ ରଣନୈତିକ ପଦକ୍ଷେପ ଭାବରେ ଦେଖୁଛନ୍ତି। ଫଳରେ ମତଦାନ ବେଳେ କୌଣସି ପ୍ରକାର ହିଂସାକୁ ରୋକି ହେବ।
ଅଜୟ ପାଲ୍ ଶର୍ମାଙ୍କ ନିଯୁକ୍ତି ପରେ ସବୁଠାରୁ ବନ ପ୍ରଶ୍ନ ହେଉଛି ଯେ, ତାଙ୍କୁ ଏହି କାମ ପାଇଁ ଅଲଗା ଭାବରେ ବେତନ ମିଳିବ କି ? କୌଣସି ଅଧିକାରୀଙ୍କୁ ନିର୍ବାଚନ ଡ୍ୟୁଟି ବେଳେ ତାଙ୍କ ମୂଳ ବିଭାଗରୁ ମିଳୁଥିବା ନିୟମିତ ଦରମା ମିଳିଥାଏ। ତେବେ ନିର୍ବାଚନ କମିଶନଙ୍କୁ ଏଥିପାଇଁ ସ୍ୱତନ୍ତ୍ର ଭତ୍ତା ଆକାରରେ ଅତିରିକ୍ତ ଅର୍ଥ ଦେଇଥାନ୍ତି। ଏହି ରାଶି ତାଙ୍କର କଠିନ ପରିଶ୍ରମ ଓ ଅତିରିକ୍ତ ଦାୟିତ୍ବ ବଦଳରେ ଦିଆଯାଏ। ଯାହାକି ତାଙ୍କ ଦରମାର ଅଂଶ ନୁହେଁ, ବଂର ବିଶେଷ ଭାବରେ ପ୍ରୋତ୍ସାହନ ବୋଲି ମନେକରାଯାଏ।
ନିର୍ବାଚନ କିମିଶନଙ୍କ ନିର୍ବାଚନ କମିଶନଙ୍କ ନିୟମ ଅନୁଯାୟୀ, ନିର୍ବାଚନ ପର୍ଯ୍ୟବେକ୍ଷକମାନେ କର୍ତ୍ତବ୍ୟରେ ଥିବା ସମୟରେ ବିଭିନ୍ନ ପ୍ରକାରର ଆର୍ଥିକ ସୁବିଧା ପାଆନ୍ତି। କମିଶନ ନିକଟରେ ଗେଜେଟେଡ୍ ଅଧିକାରୀଙ୍କ ପାଇଁ ସମ୍ମାନ ହାର ବୃଦ୍ଧି କରିଛନ୍ତି। ଯଦି ଡ୍ୟୁଟି ସମୟ ୧୫ ଦିନରୁ କମ୍ ହୁଏ, ତେବେ ସେମାନଙ୍କୁ ଏକକାଳୀନ ଟଙ୍କା ଦିଆଯାଏ। ସେଭଳି ଅଧିକ ସମୟ ପାଇଁ ମୁତୟନ ଥିବା ଅଧିକାରୀମାନଙ୍କୁ ସାପ୍ତାହିକ ଭାବରେ ଅର୍ଥ ଦିଆଯାଏ। ଏହା ସହିତ, ଦୈନିକ ଖାଦ୍ୟ ଏବଂ ଜଳଖିଆ ଭତ୍ତା ମଧ୍ୟ ପ୍ରଦାନ କରାଯାଏ, ଯାହା ପ୍ରାୟ ୫୦୦ ଟଙ୍କା ପ୍ରତି ଦିନ ହୋଇପାରେ।
ନିର୍ବାଚନ ଡ୍ୟୁଟିରେ ନିୟୋଜିତ ଅଧିକାରୀମାନେ ସେମାନଙ୍କ ମୂଳ ବିଭାଗର ନିୟମ ଅନୁଯାୟୀ ଯାତ୍ରା ଭତ୍ତା (TA) ଏବଂ ମହଙ୍ଗା ଭତ୍ତା (DA) ମଧ୍ୟ ପାଆନ୍ତି। ଅଜୟ ପାଲ ଶର୍ମା ଜଣେ ୟୁପି କ୍ୟାଡର ଅଧିକାରୀ ହୋଇଥିବାରୁ, ତାଙ୍କ ଯାତ୍ରା ଏବଂ ରହିବା ଖର୍ଚ୍ଚ ନିୟମ ଅନୁଯାୟୀ ସ୍ଥିର କରାଯିବ। ନିର୍ବାଚନ କମିଶନ ଏହି ଅଧିକାରୀମାନଙ୍କ ବାସସ୍ଥାନ, ପରିବହନ ଏବଂ ସୁରକ୍ଷା ପାଇଁ ସମ୍ପୂର୍ଣ୍ଣ ବ୍ୟବସ୍ଥା କରନ୍ତି ଯାହା ଦ୍ୱାରା ସେମାନେ କୌଣସି ବାହ୍ୟ ଚାପ ବିନା ସେମାନଙ୍କର ଡ୍ୟୁଟି ସମ୍ପାଦନ କରିପାରିବେ।
ଯେବେଠାରୁ ଅଜୟ ପାଲ ଶର୍ମାଙ୍କ ବଙ୍ଗଳାରେ ଏଣ୍ଟ୍ରି ହୋଇଛି, ରାଜନୀତି ସରଗରମ୍ ହୋଇଛି। ତୃଣମୂଳ କଂଗ୍ରେସ ତାଙ୍କ ନିଯୁକ୍ତିକୁ ନେଇ ପ୍ରଶ୍ନ କରିଛି। ଟିଏମସି ଯୁକ୍ତି ରଖିଛି ଯେ ଉତ୍ତର ପ୍ରଦେଶରୁ ବଙ୍ଗଳାକୁ ଜଣେ ଅଧିକାରୀ ପଠାଇବାର ଆବଶ୍ୟକତା ଭିତ୍ତିହୀନ ଥିଲା। ଏହି ସମୟରେ, ନିର୍ବାଚନ କମିଶନ କହିଛନ୍ତି ଯେ ନିରପେକ୍ଷତା ବଜାୟ ରଖିବା ପାଇଁ ଅନ୍ୟ ରାଜ୍ୟର ଅଧିକାରୀମାନଙ୍କୁ ପ୍ରାୟତଃ ପର୍ଯ୍ୟବେକ୍ଷକ ଭାବରେ ନିୟୋଜିତ କରାଯାଏ। ଅଜୟ ପାଲ ଶର୍ମା ଦାୟିତ୍ୱ ଗ୍ରହଣ କରିବା ମାତ୍ରେ ତାଙ୍କର କାର୍ଯ୍ୟ ନୀତି ପ୍ରଦର୍ଶନ କରିଛନ୍ତି, ଧମକ ଦେଉଥିବା ଲୋକଙ୍କ ବିରୁଦ୍ଧରେ ଦୃଢ଼ ଆଭିମୁଖ୍ୟ ଗ୍ରହଣ କରିଛନ୍ତି।
