ଭୁବନେଶ୍ୱର,୦୭/୧୨: ବରିଷ୍ଠ ଆଇପିଏସ୍ ଆଶିଷ କୁମାର ସିଂଙ୍କୁ ଡେପୁଟେସନରେ ଇଣ୍ଡୋ-ତିକ୍ରତିଆନ ବର୍ଡର ପୁଲିସ (ଆଇଟିବିପି)କୁ ପଠାଯାଇଛି । ୨୦୦୪ ବ୍ୟାଚ୍ ଏହି ଆଇପିଏସ୍ ଆଗାମୀ ୫ ବର୍ଷ ପାଇଁ ଆଇଜି ଭାବେ ଆଇଟିବିପିରେ କାର୍ଯ୍ୟ କରିବେ । ଏନେଇ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ଜାରି ହୋଇଛି । ଯଥାଶୀଘ୍ର ତାଙ୍କୁ ବର୍ତ୍ତମାନର କାର୍ଯ୍ୟରୁ ବିରତି ଦିଆଯାଇ ନୂଆ କାର୍ଯ୍ୟରେ ଯୋଗ ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦିଆଯାଇଛି । ଶ୍ରୀ ସିଂ ବର୍ତ୍ତମାନ ରାଜ୍ୟ ସରକାରଙ୍କ ଅଫିସର ଅନ୍ ସ୍ପେଶାଲ ଡ୍ୟୁଟି (ଓଏସ୍ଡି) ଭାବେ କାର୍ଯ୍ୟ କରୁଛନ୍ତି ।
ସୂଚନାଯୋଗ୍ୟ, ଗତ ସାଧାରଣ ନିର୍ବାଚନ ବେଳେ ଶ୍ରୀ ସିଂ ବିବାଦ ଘେରକୁ ଆସିଥିଲେ । ନିର୍ବାଚନ ପରିଚାଳନାରେ ସେ ବ୍ୟାପକ ଅନିୟମିତତା କରୁଥିବା ନେଇ ନିର୍ବାଚନ ଆୟୋଗ ଅଧ୍ୟକ୍ଷ ଅଭିଯୋଗ ଆଣିଥିଲେ । ଗତ ମେ’ ୪ ତାରିଖରେ ଶ୍ରୀ ସିଂ ସ୍ୱାସ୍ଥ୍ୟଗତ କାରଣ ଦର୍ଶାଇ ମାସକ ପାଇଁ ଛୁଟି ନେଇଥିଲେ । ତାଙ୍କ ସ୍ୱାସ୍ଥ୍ୟ ଖରାପ ନେଇ ସତ୍ୟାସତ୍ୟ ଜାଣିବାକୁ ମେ’ ୨୮ ତାରିଖରେ ଇସିଆଇଙ୍କ ପକ୍ଷରୁ ସ୍ୱାସ୍ଥ୍ୟ ଯାଞ୍ଚ ପାଇଁ ନିର୍ଦ୍ଦେଶ ଦିଆଯାଇଥିଲା । ଭୁବନେଶ୍ୱର ଏମ୍ସର କାର୍ଯ୍ୟନିର୍ବାହୀ ନିର୍ଦ୍ଦେଶକଙ୍କ ନେତୃତ୍ୱରେ ଏକ ସ୍ୱତନ୍ତ୍ର ମେଡିକାଲ ବୋର୍ଡ ତାଙ୍କର ସ୍ୱାସ୍ଥ୍ୟ ପରୀକ୍ଷା କରିଥିଲା । ତାଙ୍କ ସ୍ୱାସ୍ଥ୍ୟ ଠିକ୍ଠାକ୍ ଥିବା ନେଇ ଉକ୍ତ ବୋର୍ଡ ରିପୋର୍ଟ ଦେଇଥିଲା ।
