ନୂଆଦିଲ୍ଲୀ,୨୨।୧୦: ବ୍ରିଟେନ୍ ସେନା ଗୁଇନ୍ଦା ଏଜେନ୍ସି M15 ଚେତାବନୀ ଜାରି କରିଛି ଯେ, ଋଷ ଓ ଇରାନ ଏକାଠି ମିଶି ୟୁରୋପ ସମେତ ବ୍ରିଟେଜରେ ଅରାଜକତା ସୃଷ୍ଟି କରିବାକୁ ଚେଷ୍ଟା କରୁଛନ୍ତି। M15 ମହାନିର୍ଦେଶକ କେନ୍ ମ୍ୟାକଲମ୍ ମଙ୍ଗଳବାର କହିଛନ୍ତି, ଋଷର ସେନା ଗୁଇନ୍ଦା ଏଜେନ୍ସି GRU ବ୍ରିଟେନ୍ ସମେତ ୟୁରୋପର ରାସ୍ତାରେ ଅରାଜକତା ସୃଷ୍ଟି କରିବା ଓ ନିଜ ମିଶନ୍ ଆଡକୁ ଲଗାତାର ବଢିବାରେ ଲାଗିଛି। ଏହି ମିଶନ୍ ଅନୁସାରେ,ହିଂସା ଓ ଭଙ୍ଗାରୁଜା ଘଟଣା ବଢିବାରେ ଲାଗିଛି। କେନ୍ ମ୍ୟାକଲମ୍ ଏହା ମଧ୍ୟ କହିଛନ୍ତି ଯେ, ଇରାନ ଓ ଋଷ ଏବେ କୁଖ୍ୟାତ ଆତଙ୍କୀ ସଂଗଠନ ଆଇଏସ୍ଆଇଏସ୍ ଓ ଅଲକାଏଦାର ସାହାଯ୍ୟରେ ଆତଙ୍କବାଦର ପରିବର୍ତ୍ତିତ ସ୍ବରୂପର ବ୍ୟବହାର ବ୍ରିଟେନ୍ ବିରୋଧରେ କରିବାରେ ଲାଗିଛି ଓ ଏହା ଅନୁସାରେ, ଶିଶୁ ଓ କିଶୋରଙ୍କୁ ଇଣ୍ଟରନେଟ୍ ଜରିଆରେ ଟାର୍ଗେଟ କରାଯାଉଛି।
M15 ନିକଟରେ ଯାଞ୍ଚରେ ଏକ ତୃତୀୟାଂଶରୁ ଅଧିକ ଆଇଏସ୍ଆଇଏସ୍ ଓ ଅଲକାଏଦା ସହିତ ଅନ୍ୟ ବିଦେଶୀ ଆତଙ୍କବାଦୀ ଗୋଷ୍ଠୀ ସମ୍ପର୍କିତ ଯାଞ୍ଚ ରହିଛି। ସିଏନ୍ଏନ୍ର ଏକ ରିପୋର୍ଟରେ କୁହାଯାଇଛି ଏଜେନ୍ସିର ମହାନିର୍ଦେଶକ କେନ୍ ମ୍ୟାକଲମ୍ ଲଣ୍ଡନରେ ଏକ ଭାଷଣରେ କହିଛନ୍ତି, ଆଇଏସ୍ଆଇଏସ୍ ଆତଙ୍କବାଦୀ ଘଟଣାକୁ ପୁଣିଥରେ ସଫଳ କରିବା ଆରମ୍ଭ କରିଦେଇଛି। ଏଭଳି ଆତଙ୍କବାଦୀ ଘଟଣାରେ ସାମିଲ ହୋଇଥିବା ୮ ରୁ ଅଧିକ ଲୋକ ନାବାଳକ।’ ମ୍ୟାକଲମ୍ କହିଛନ୍ତି, ଏହା ୨୦୨୧ ପରେ ତିନି ଗୁଣା ଅଧିକ।
ମ୍ୟାକଲମ୍ଙ୍କ ଏହି ବୟାନ ଋଷ ଓ ଇରାନ ଦ୍ବାରା ପୋଷିତ ଓ ପ୍ରାୟୋଜିତ ଆତଙ୍କ ଘଟଣାର ବଢୁଥିବା ବିପଦ, ୟୁକ୍ରେନ୍-ଋଷ ଯୁଦ୍ଧ ଓ ମଧ୍ୟ ପୂର୍ବରେ ବିଭିନ୍ନ ମୋର୍ଚ୍ଚାରେ ଯୁଦ୍ଧ କାରଣରୁ ବିଶ୍ବ ସୁରକ୍ଷାକୁ ପ୍ରଭାବିତ କରିବା ବିଷୟରେ ପାଶ୍ଚାତ୍ୟ ଦେଶର ଚେତାବନୀ ଭିତରେ ଆସିଛି। ତେବେ ସେ କହିଛନ୍ତି, ଆମେ ଏହି ବିପଦ ପ୍ରତି ସମ୍ପୂର୍ଣ୍ଣ ଭାବରେ ସଚେତନ ଅଛୁ ଯେ, ମଧ୍ୟ ପୂର୍ବରେ ହେଉଥିବା ଘଟଣାର ସିଧା ଭାବରେ ବ୍ରିଟେନ୍ରେ ଆତଙ୍କବାଦୀ କାର୍ଯ୍ୟକୁ ପ୍ରୋତ୍ସାହିତ କରିପାରେ।’ ସେ ଏହି କଥା ଉପରେ ଜୋର ଦେଇଛନ୍ତି ଯେ, ଗତ ବର୍ଷେ ଦୁଇବର୍ଷ ମଧ୍ୟରେ ଯେବେଠାରୁ ୟୁକ୍ରେନ୍-ଋଷ ଯୁଦ୍ଧ ଓ ଇସ୍ରାଏଲ-ହମାସ ଯୁଦ୍ଧ ଆରମ୍ଭ ହୋଇଛି, ସେବେଠାରୁ ସାର୍ବଜନୀକ ଘୃଣା ଅପରାଧରେ ବୃଦ୍ଧି ହୋଇଛି, କିନ୍ତୁ ତାହା ଏ ପର୍ଯ୍ୟନ୍ତ ଆତଙ୍କବାଦ ଗତିବିଧିରେ ପରିବର୍ତ୍ତନ ହୋଇନି।
