ନୂଆଦିଲ୍ଳୀ,୨୫/୧୧: ଲେବାନନରେ ଇସ୍ରାଏଇ ଓ ହିଜବୁଲ୍ଲା ମଧ୍ଯରେ ଭୀଷଣ ଯୁଦ୍ଧ ଜାରି ରହିଛି । ଇସ୍ରାଇଲ ଲେବାନନ ରାଜଧାନୀ ବେରୁଟର ମଧ୍ୟ କ୍ଷେତ୍ରରେ ଜୋରଦାର ଆକ୍ରମଣ କରିଥିଲା । ମିସାଇଲ ଆଟାକରେ ୨୯ ଜଣଙ୍କର ମୃତ୍ୟୁ ହୋଇଛି । ୬୬ଜଣ ଆହତ ହୋଇଛନ୍ତି । ବେରୁତରେ ଥିବା ଏକ ମଲ୍ଟି ଷ୍ଟୋର ରେସିଡେନ୍ସାଲ ବିଲ୍ଡିଂରେ ଏହା ଆକ୍ରମଣ ହୋଇଛି ।

ଆଇଡିଏଫର ସୂଚନା ଅନୁସାରେ, ୧୨ ହିଜବୁଲ୍ଲା କମାଣ୍ଡ ଇସ୍ରାଇଲ ସେନା ଦ୍ବାରା ବନ୍ଦୀ ହୋଇଛନ୍ତି । ଇସ୍ରାଇଲ ଲେବାନନ ରାଜଧାନୀରେ ୭ ଦିନ ମଧ୍ୟରେ ୪ ଥର ଆକ୍ରମଣ କରିଛି । ଲେବାନନ ସହ ଇସ୍ରାଇଲ ଲଢେଇରେ ଇସ୍ରାଇଲର ୯୦ ସୈନିକଙ୍କର ମୃତ୍ୟୁ ହୋଇଥିବା ବେଳେ ୫୦ ରୁ ଅଧିକ ନାଗରିକଙ୍କର ମୃତ୍ୟୁ ହୋଇଛି । ଦୁଇ ଦେଶ ମଧ୍ୟରେ ଭୀଷଣ ଯୁଦ୍ଧ ସମଗ୍ର ବିଶ୍ବରେ ତୃତୀୟ ବିଶ୍ବଯୁଦ୍ଧ ପରିସ୍ଥିତି ସୃଷ୍ଟି ହେଲାଣି । ଗୋଟିଏ ପଟେ ଋଷ-ୟୁକ୍ରେନ ଯୁଦ୍ଧ ଥମିବାର ନାମ ନେଉନଥିବାବେଳେ ଇସ୍ରାଇଲ ଗାଜା ଉପରେ ଆକ୍ରମଣ ଜାରି ରଖିଛି । ଇସ୍ରାଇଲ ପାଲେଷ୍ଟାଇନ ଅନ୍ତର୍ଗତ ଗାଜା ଓ ବେରୁଟରେ ଏୟାରଷ୍ଟ୍ରାଇକ ଜାରି ରଖିଛି ।

ପାଖାପାଖି ବର୍ଷେରୁ ଅଧିକ ଦିନ ହେବ ଇସ୍ରାଇଲ ଓ ହିଜବୁଲ୍ଲା ମଧ୍ୟରେ ଘମାଘୋଟ ଯୁଦ୍ଧା ଲାଗି ରହିଛି । ଏଥିରେ ଇସ୍ରାଇଲ ଏୟାରଷ୍ଟ୍ରାଇକରେ ହିଜବୁଲ୍ଲା କମାଣ୍ଡରଙ୍କୁ ଟାର୍ଗେଟ କରାଯାଉଛି । ୩ ହଜାରରୁ ଅଧିକ ଜଣଙ୍କର ମୃତ୍ୟୁ ହୋଇଥିବା ବେଲେ ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଛନ୍ତି । ଗତ ୨୩ ତାରିଖରେ ଲେବାନନ୍‌ର ରାଜଧାନୀ ବେରୁଟର ବସ୍ତା ଅଞ୍ଚଳରେ ଇସ୍ରାଏଲ ଜୋରଦାର ଆକ୍ରମଣ କରିଥିଲା । ଯେଉଁଥିରେ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ରୁ ୧୨ ଜଣ ଆହତ ହୋଇଛନ୍ତି।