ନୂଆଦିଲ୍ଲୀ,୦୫/୦୭: ଜୁଲାଇ ୩ରୁ ଆରମ୍ଭ ହୋଇଯାଇଛି ଅମରନାଥ ଯାତ୍ରା। ହଜାର ହଜାର ଲୋକ ବାବାଙ୍କ ଦର୍ଶନ କରିବାକୁ ଯାଉଛନ୍ତି। ଆଉ ଏହାରି ମଧ୍ୟରେ, ଶନିବାର ଜାମ୍ମୁ ଓ କାଶ୍ମୀରର ରାମବାନ ଜିଲ୍ଲାରେ ଏକ ବଡ଼ ଦୁର୍ଘଟଣା ଘଟିଛି। ଅମରନାଥ ଅଭିମୁଖେ ଯାଉଥିବା ତୀର୍ଥଯାତ୍ରୀଙ୍କ ୫ଟି ବସ୍ ଚନ୍ଦ୍ରକୋଟ ଲଙ୍ଗର ସ୍ଥଳ ନିକଟରେ ଧକ୍କା ।ଫଳରେ ୩୬ ଜଣ ତୀର୍ଥଯାତ୍ରୀ ଆହତ ହୋଇଛନ୍ତି।
ଅଧିକାରୀଙ୍କ ସୂଚନା ମୁତାବକ, ଏହି ଦୁର୍ଘଟଣା ପଛର କାରଣ ଗୋଟିଏ ବସ୍ର ବ୍ରେକ୍ ଫେଲ୍ ହେବା । ଯାହା ଫଳରେ ବସ୍ଟି ନିୟନ୍ତ୍ରଣ ହରାଇ ଅନ୍ୟ ବସ୍ ସହ ଧକ୍କା ହୋଇଥିଲା। ବର୍ତ୍ତମାନ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି।ଅନ୍ୟପଟେ ଦୁର୍ଘଟଣା ସମ୍ପର୍କରେ ସୂଚନା ପାଇ ଡିସି ରାମବନ ମହମ୍ମଦ ଆଲିଆସ୍ ଖାନ, ଡିଆଇଜି ଡିକେଆର ଶ୍ରୀଧର ପାଟିଲ, ଏସଏସପି ରାମବନ କୁଳବୀର ସିଂହ ଏବଂ ଏଡିସି ବରୁଣଜିତ ସିଂହ ଚରକ ହସ୍ପିଟାଲରେ ପହଞ୍ଚିଛନ୍ତି।ସେଠାରେ ସେମାନେ ଆହତମାନଙ୍କୁ ଭେଟି ରୋଗୀଙ୍କୁ ସମସ୍ତ ପ୍ରକାରର ସାହାଯ୍ୟ ଯୋଗାଇ ଦେବାକୁ ଡାକ୍ତରଙ୍କୁ ପରାମର୍ଶ ଦେଇଛନ୍ତି।ଏଥିସହ ଦୁର୍ଘଟଣା ପରେ ଅନ୍ୟ ଯାତ୍ରୀମାନଙ୍କୁ ପରବର୍ତ୍ତୀ ଯାତ୍ରା ପାଇଁ ଅନ୍ୟ ଗାଡ଼ିରେ ସ୍ଥାନାନ୍ତର କରାଯାଇଥିଲା।
ତେବେ ପ୍ରବଳ ବର୍ଷା ମଧ୍ୟରେ, ଶନିବାର ସକାଳେ ଜମ୍ମୁର ଭଗବତୀ ନଗର ବେସ୍ କ୍ୟାମ୍ପରୁ ଦକ୍ଷିଣ କାଶ୍ମୀର ହିମାଳୟରେ ଅବସ୍ଥିତ ଅମରନାଥ ଗୁମ୍ଫା ମନ୍ଦିର ଦର୍ଶନ ପାଇଁ ୬,୯୦୦ ରୁ ଅଧିକ ତୀର୍ଥଯାତ୍ରୀଙ୍କ ଏକ ଦଳ ବାହାରିଛି। ଜୁଲାଇ ୨ରେ ଯାତ୍ରା ଆରମ୍ଭ ହେବା ପରଠାରୁ, ଏପର୍ଯ୍ୟନ୍ତ ପ୍ରାୟ ୩୦ ହଜାର ତୀର୍ଥଯାତ୍ରୀ ଦର୍ଶନ କରିସାରିଛନ୍ତି।
