ନୂଆଦିଲ୍ଲୀ,୨୬/୦୭: ଟେଷ୍ଟ କ୍ରିକେଟ୍ରୁ ରୋହିତ, କୋହଲିଙ୍କ ଅବସର ପରେ କ୍ରିକେଟ ପ୍ରେମୀଙ୍କୁ ଆଉ ଏକ ଝଟକା ଲାଗିବାକୁ ଯାଉଛି । ଭାରତୀୟ କ୍ରିକେଟ୍ ଦଳର ଷ୍ଟାର ବୋଲର୍ ଯଶପ୍ରୀତ୍ ବୁମରାଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି । ଟେଷ୍ଟ କ୍ରିକେଟ୍ରୁ ସନ୍ନ୍ୟାସ ନେଇପାରନ୍ତି ୟର୍କର କିଙ୍ଗ୍ ବୁମରା । ଟିମ୍ ଇଣ୍ଡିଆର ପୂର୍ବତନ ଖେଳାଳି ମହମ୍ମଦ କୈଫ୍ ଏହି ଦାବି କରିଛନ୍ତି । କାରଣ ମଧ୍ୟ କହିଛନ୍ତି ।
ଲର୍ଡ୍ସ ଟେଷ୍ଟରେ ବୁମରା ୭ଟି ୱିକେଟ ନେଇଥିଲେ । ହେଲେ ମଞ୍ଚେଷ୍ଟର ଟେଷ୍ଟରେ ତାଙ୍କର ପ୍ରଦର୍ଶନ ନୈରାଶଜନ ରହିଛି । ଏବେ ସୁଦ୍ଧା ବୁମରା ଏହି ଟେଷ୍ଟରେ ୧୩ଟି ୱିକେଟ ହାସଲ କରିଛନ୍ତି । ମାଞ୍ଚେଷ୍ଟର ଟେଷ୍ଟ ପ୍ରଥମ ଇନିଂସରେ ବୁମରାଙ୍କୁ ଗୋଟିଏ ସଫଳତା ମିଳିଛି । ଲୟ ପାଇବାକୁ ସଂଘର୍ଷ କରୁଥିବା ଦେଖିବାକୁ ମିଳିଛି । ଅନ୍ଫିଟ୍ ଥିବା ଦେଖିବାକୁ ମିଳିଛି । ଏବେ ପୂର୍ବତନ କ୍ରିକେଟର ମହମ୍ମଦ କୈଫ ତାଙ୍କୁ ନେଇ ଏକ ଚମକାଇଦେବା ପରି ବୟାନ ଦେଇଛନ୍ତି ।
କୈଫ୍ କହିଛନ୍ତି, ''ବୁମରା ଖୁବଶୀଘ୍ର ଟେଷ୍ଟ କ୍ରିକେଟରୁ ଅବସର ନେଇପାରନ୍ତି । ମୁଁ ଭାବୁଛି ଟିମ୍ ଇଣ୍ଡିଆର ଦ୍ରୁତ ବୋଲର ବୁମରା ଆଗାମୀ ଟେଷ୍ଟ ମ୍ୟାଚ୍ରେ ଖେଳିନପାରନ୍ତି । ସେ ଅବସର ମଧ୍ୟ ନେଇପାରନ୍ତି । ସେ ଆହତ ସମସ୍ୟା ସହ ସଂଘର୍ଷ କରୁଛନ୍ତି । ସେଥିପାଇଁ ସେ ତାଙ୍କ ଲୟ ହରାଇଛନ୍ତି । ବୁମରା ଜଣେ ସ୍ୱାଭିମାନ ବ୍ୟକ୍ତିତ୍ୱ । ମୁଁ ଭାବୁଛି ଯଦି ସେ ଭାବନ୍ତି ଯେ ତାଙ୍କର ଶତ ପ୍ରତିଶତ ଦେଇପାରୁ ନାହାନ୍ତି, ଦେଶ ପାଇଁ ମ୍ୟାଚ୍ ଜିତିପାରିବେ ନାହିଁ, ତେବେ ସେ ନିଜେ ହିଁ ଖେଳିବାକୁ ମନା କରିବେ ।
ମହମ୍ମଦ କୈଫ୍ ଆହୁରି କହିଛନ୍ତି, ''ୱିକେଟ୍ ନ ମିଳିବା ଅଲଗା କଥା । ହେଲେ ମାଞ୍ଚେଷ୍ଟର ଟେଷ୍ଟରେ ସେ ଯେଉଁ ଗତିରେ ବୋଲିଂ କରୁଥିଲେ ତାହା ବହୁତ କମ୍ । ୱିକେଟକିପର ଡ୍ରାଇଭ ଲଗାଇ ଦୁଇଟି କ୍ୟାଚ ଧରିଥିଲେ । ବୁମରା ସମ୍ପୂର୍ଣ୍ଣ ଫିଟ୍ ନାହାନ୍ତି ।''
