ନୂଆଦିଲ୍ଲୀ: ବେଳକୁ ବେଳ ଘନୋଉଛି ଭାରତ-ପାକିସ୍ତାନ ଯୁଦ୍ଧ। ପାକିସ୍ତାନକୁ ମୁହଁତୋଡ ଜବାବ ଦେଉଛି ଭାରତୀୟ ସେନା। ଭାରତ ପାକିସ୍ତାନ ମଧ୍ୟରେ ତିକ୍ତତା ଉଗ୍ର ହେବାରେ ଲାଗିଛି । ପାକିସ୍ତାନର ବିଭିନ୍ନ ଗୁରୁତ୍ବପୂର୍ଣ୍ଣ ସ୍ଥାନରେ ଆକ୍ରମଣ କରିସାରିଲାଣି ଭାରତ। ଏଭଳି ସ୍ଥିତିରେ ଭାରତକୁ ସାରା ବିଶ୍ବ ସମର୍ଥନ ଜଣାଇଛନ୍ତି। ସେପଟେ ଏକ ପ୍ରକାର ଏକ ଘରିଆ ହେବାକୁ ବସିଲାଣି ଆତଙ୍କୀସ୍ତାନ ପାକିସ୍ତାନ। ବିଛା ମନ୍ତ୍ର ନଜାଣି ସାପ ଲାଙ୍ଗୁଡରେ ହାତ ମାରିଥିବା ପାକିସ୍ତାନ ପାଇଁ ପ୍ରମାଦ ବଢିବାରେ ଲାଗିଲାଣି। ନିଜ ଦେଶର ଲୋକ ମାନେ ତ୍ରାହୀ ତ୍ରାହୀ ଡାକିବା ଆରମ୍ଭ କଲେଣି। ଖୋଦ ପ୍ରଧାନମନ୍ତ୍ରୀ ଶେହବାଜଙ୍କ ଦଳର ସାଂସଦ ନିଜ ସରକାର ଉପରେ ଭରସା ତୁଟାଇ ସାରିଲେଣି। ସଂସଦରେ ଭୋ ଭୋ ହୋଇ କାନ୍ଦି କହିଲେଣି ହେ ଆଲ୍ଲା ଆମକୁ ରକ୍ଷା କର...
ଆଉ ଏହି ଘଡିସନ୍ଧି ମୁହୂର୍ତ୍ତରେ ପାକିସ୍ତାନକୁ ଏକ ବଡ ଝଟକା ଦେଇଛି ଆମେରିକା ଉପରାଷ୍ଟ୍ରପତିଙ୍କ ବୟାନ। ଆମେରିକା ଉପରାଷ୍ଟ୍ରପତି ଜେଡି ଭାନ୍ସ ବିବାଦକୁ ନେଇ ଗୁରୁତ୍ବପୂର୍ଣ୍ଣ ମନ୍ତବ୍ୟ ଦେଇଛନ୍ତି । କହିଛନ୍ତି ଦୁଇ ଦେଶ ମଧ୍ୟରେ ଚାଲିଥିବା ଉତ୍ତେଜନା ସହ ଆମେରିକାର ନାହିଁ କିଛି ସମ୍ପର୍କ। ଯୁଦ୍ଧ ରୋକି ପାରିବୁନି ଆମେ । ଏହାକୁ ନିୟନ୍ତ୍ରଣ କରିବାରେ ଆମେରିକାର ରହିବନି କିଛି ଭୂମିକା। ଦୁଇ ଦେଶ ମଧ୍ୟରେ ଉତ୍ତେଜନା କିପରି କମିବ ସେଥିପାଇଁ ପରୋକ୍ଷରେ ପ୍ରୟାସ କରିପାରୁ, ହେଲେ ପ୍ରତ୍ୟକ୍ଷ ଭାବେ କୌଣସି ହସ୍ତକ୍ଷେପ କରିବୁ ନାହିଁ ।
ଭେନ୍ସ ଆହୁରି ମଧ୍ୟ କହିଛନ୍ତି କି, ଆମେ ଦୁଇ ଦେଶକୁ ଅସ୍ତ୍ର ଛାଡିବାକୁ କହିପାରିବୁ ନାହିଁ। ଆମେରିକା ଏହାକୁ କୂଟନୈତିକ ସ୍ତରରେ ସମାଧାନ କରିବାକୁ ଚେଷ୍ଟା କରିପାରେ। ହେଲେ ଏ ଯୁଦ୍ଧ ଯେପରି ଉଗ୍ର ନେହେଉ, ଆଉ ପରମାଣୁ ଅସ୍ତ୍ର ଆଡକୁ ନଆଗଉ। ଏହା ଆମର ବିଶ୍ବାସ।
