ନୂଆଦିଲ୍ଲୀ, ୨୯/୫ : କଲେଜିୟମର ସୁପାରିଶକୁ ରାଷ୍ଟ୍ରପତିଙ୍କ ଅନୁମୋଦନ । କେନ୍ଦ୍ର ସରକାର ଗୁରୁବାର ସୁପ୍ରିମକୋର୍ଟରେ ୩ଜଣ ନୂତନ ବିଚାରପତିଙ୍କ ନିଯୁକ୍ତି ବିଷୟରେ ସୂଚନା ଦେଇଛନ୍ତି । ଆଶା କରାଯାଇଥିଲା କି ଏହି ନିଯୁକ୍ତି ଗୁରୁବାର ହେବ।
କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘଓ୍ବାଲ ଏ ନେଇ ନିଜ ଏକ୍ସରେ ଘୋଷଣା କରିଛନ୍ତି । ଭାରତୀୟ ସମ୍ବିଧାନ ଦ୍ବାରା ପ୍ରଦତ୍ତ କ୍ଷମତା ବ୍ୟବହାର କରି , ରାଷ୍ଟ୍ରପତି, ଭାରତର ମୁଖ୍ୟ ବିଚାରପତିଙ୍କ ସହ ପରାମର୍ଶ କରିବା ପରେ ଜଷ୍ଟିସ୍ (୧)କର୍ଣ୍ଣାଟକ ହାଇକୋର୍ଟର ମୁଖ୍ୟ ବିଚାରପତି ଏନଭି ଅଞ୍ଜାରିଆ, (୨) ଗୌହାଟି ହାଇକୋର୍ଟର ମୁଖ୍ୟ ବିଚାରପତି ବିଜୟ ବିଷ୍ଣୋଇ ଏବଂ (୩) ବମ୍ବେ ହାଇକୋର୍ଟର ବିଚାରପତି ଏ.ଏସ. ଚନ୍ଦୁରକରଙ୍କୁ ଭାରତୀୟ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତ କରିବାକୁ ନେଇ ଖୁସି ହେଉଥିବା ଲେଖିଛନ୍ତି ମେଘଓ୍ବାଲ ।
ଶୁକ୍ରବାର ସକାଳେ ଭାରତର ମୁଖ୍ୟ ବିଚାରପତି ଭୂଷଣ ଆର ଗଭାଇ ଏହି ତିନି ଜଣ ବିଚାରପତିଙ୍କୁ ଶପଥ ପାଠ କରାଇବେ ବୋଲି ଆଶା କରାଯାଉଛି । ନିଯୁକ୍ତି ସମ୍ପର୍କିତ ଫାଇଲ ଗୁଡ଼ିକ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନିକଟରେ ପହଞ୍ଚିଥିଲା ଏବଂ ତାଙ୍କ ଅନୁମୋଦନ ପାଇଥିଲା ।
