ନୂଆଦିଲ୍ଲୀ : କବୀର ମୂଲଚନ୍ଦାନୀ ଦୁବାଇର ସବୁଠୁ ଧନୀ ଭାରତୀୟଙ୍କ ମଧ୍ୟରେ ଜଣେ । ତାଙ୍କର କମ୍ପାନୀ ଫାଇଭ୍ ହୋଲ୍ଡିଂସ ଲକଜରୀ ହୋଟେଲ , ରିଜର୍ଟ ଓ ଜେଟ୍ରେ ପାର୍ଟି ପାଇଁ ପ୍ରସିଦ୍ଧ। ମୂଲଚନ୍ଦାନୀ ୨ ବିଲିୟନ ଡଲାରର ମାଲିକ। ଦିନେ ଏମିତି ଏକ ସମୟ ଆସିଥିଲା ,ଯେବେ ତାଙ୍କୁ ୧୪୦ ଦିନ ଜେଲ୍ରେ ବିତାଇବାକୁ ପଡ଼ିଥିଲା। କବୀରଙ୍କୁ କାହିଁକି ଜେଲ୍ ଯିବାକୁ ପଡ଼ିଲା ଏବଂ ଆଉ ଥରେ ସେ ଏତେ ସଂପତ୍ତି ହେବା ଯାଏ କେମିତି ଯାତ୍ରା ଅତିକ୍ରମ କଲେ , ଏହାର କାହାଣୀ ମଧ୍ୟ ଖୁବ୍ ହୃଦୟସ୍ପର୍ଶୀ।
କବୀର ମୂଲଚନ୍ଦାନୀ ମୁମ୍ୱାଇରେ ବଢିଛନ୍ତି। ନିଜ ପରିବାରର ଇଲେକ୍ଟ୍ରୋନିକ୍ସ ବିଜନେସରୁ ଆରମ୍ଭ କରି ସେ ଦୁବାଇରେ ରିୟଲ ଏଷ୍ଟେଟ୍ରେ ନିବେଶ କରିଛନ୍ତି। ୨୦୦୮ର ଆର୍ଥିକ ସଙ୍କଟ ତାଙ୍କୁ ମୁସ୍କିଲରେ ପକାଇ ଦେଇ ଥିଲା। ଠକେଇ ଓ ଅର୍ଥ ହଡ଼ପ ମାମଲାରେ ତାଙ୍କୁ ୧୪୦ ଦିନ ଜେଲ୍ରେ ବିତାଇବାକୁ ପଡ଼ିଥିଲା। ୨୦୧୦ରେ ସବୁ ଅଭିଯୋଗରୁ ମୁକ୍ତ ହେବା ପରେ ସେ ନିଜ ଜୀବନକୁ ନୂଆ ମୋଡ ଦେଲେ।
୨୦୧୧ ମସିହାରେ କବୀର ମୂଲଚନ୍ଦାନୀ ଫାଇଭ୍ ହୋଲ୍ଡିଂସର ସ୍ଥାପନା କରି ଥିଲେ। ଏହି କମ୍ପାନୀ ଦୁବାଇରେ ଲକଜରୀ ରିୟଲ ଏଷ୍ଟେଟ୍ ଓ ହସ୍ପିଟାଲିଟିର ସେକ୍ଟରରେ ଅଗ୍ରଣୀ ହୋଇଗଲା। ଫାଇଭ ପାମ୍ ଜୁମେରା ଭଳି ତାଙ୍କର ହୋଟେଲ୍ , ସୁପରକାର୍ସ ପାଇଁ ଡ୍ରାଇଭ୍-ଇନ୍ ନାଇଟ୍ କ୍ଲବ୍ ଓ ଷ୍ଟାର-ଷ୍ଟଡେଡ୍ ମଧ୍ୟରେ ଲକଜରୀ ଟ୍ରାଭେଲ୍କୁ ନୂଆ ବିସ୍ତାଗ ଦେଉଛି। ୨୦୨୩ରେ କମ୍ପାନୀ ୩୩ କୋଟି ଡଲାରରେ ସ୍ପେନ୍ର ଇବିଜାରେ ପଚା ଗ୍ରୁପ୍ (Pacha Group)ର ଅଧିଗ୍ରହଣ କରିଥିଲା। ଏହା ହୋଟେଲ ଓ ନାଇଟକ୍ଲବ୍ର ଚେନ୍। ୨୦୨୫ରେ ଦୁବାଇ ଷ୍ଟକ୍ ଏକ୍ସଚେଞ୍ଜରେ ଲିଷ୍ଟ ହେବାର ଯୋଜନା ସହ ଫାଇଭ୍ ହୋଲ୍ଡିଂସ ଖୁବ୍ ଜୋରରେ ବୈଶ୍ୱିକ ବିସ୍ତାର କରୁଛି।
ମୂଲଚନ୍ଦାନୀଙ୍କ ସବୁଠୁ ସ୍ୱତନ୍ତ୍ର ଭେଞ୍ଚର ଗୁଡ଼ିକ ଗୋଟିଏ ଫ୍ଲାଇ ଫାଇଭ୍ପାର୍ଟି ଜେଟ୍। ୨୦୨୩ରେ ଲଞ୍ଚ କରାଯାଇ ଥିବା ଏହି ପ୍ରାଇଭେଟ୍ ଜେଟ୍ ଏୟାରବସ୍ SAS ର ACJ Two Twenty ମଡେଲର ପ୍ରଥମ ଜେଟ୍ । ଏହା ୧୬ ଜଣ ଯାତ୍ରୀଙ୍କ ପାଇଁ ତିଆରି ହୋଇଛି। ଏଥିରେ ସୁରକ୍ଷା ପାଇଁ ଗଷ୍ଟ ବେଲ୍ଟ, ପାର୍ଟିର ମାହୋଲ ପାଇଁ ଏଲଇଡି ଲାଇଟିଂ ଓ ଆରାମ ପାଇଁ କିଙ୍ଗ୍ ସାଇଜ୍ ବେଡ୍ର ଏକ ବେଡରୁମ୍ ଅଛି।
ମୂଲଚନ୍ଦାନୀଙ୍କ ଲକ୍ଷ୍ୟ ସାରା ବିଶ୍ୱରେ ଲକଜରୀ ହସ୍ପିଟାଲିଟି କ୍ଷେତ୍ରରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବା। ସେ ଲଗାତାର ନୂଆ ଓ ନିଆରା କନସେପ୍ଟସ ଉପରେ କାମ କରୁଛନ୍ତି। ତାଙ୍କ ଅନୁସାରେ ଲକଜରୀ କେବଳ ଦେଖାଇବା ନୁହେଁ , ବରଂ ଏକ ଅନୁଭବ। ସେ ତାଙ୍କର ଗ୍ରାହକ ଅତିଥିଙ୍କୁ ଏମିତି ଅନୁଭବ ଦେଖାକୁ ଚାହାଁନ୍ତି , ଯାହା ସ୍ମରଣୀୟ ।
