ରାଉରକେଲା: ରାଉରକେଲା ସହରରେ ଆଜି କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି। ଏହି କାଳବୈଶାଖୀରେ ସହରର ବିଭିନ୍ନ ସ୍ଥାନରେ ଗଛ ଭାଙ୍ଗି ଯାଇଥବା ବେଳେ କିଛି ଜାଗାରେ ବିଦ୍ୟୁତ୍ ଖୁଣ୍ଟ ମଧ୍ୟ ଉପୁଡ଼ି ପଡ଼ିଛି।
ଅପରାହ୍ନ ପ୍ରାୟ ସାଢେ଼ ୪ଟା ରେ ହଠାତ୍ ଆକାଶରେ କଳା ବାଦଲ ଛାଇ ଯାଇଥିଲା। ଦେଖୁ ଦେଖୁ ପ୍ରବଳ ବେଗରେ ପବନ ହେବା ସହ ବର୍ଷା ହୋଇଥିଲା। ବର୍ଷା ପ୍ରାୟ ଏକ ଘଂଟା ଧରି ଲାଗିରହିଥିବା ବେଳେ ପ୍ରବଳ ପଵନ ଯୋଗୁ ରିଙ୍ଗ ରୋଡ, ଛେଣ୍ଡ, ସେକ୍ଟର ଅଞ୍ଚଳରେ ଗଛ ଭାଙ୍ଗିଯାଇଥିଲା। ଫଳରେ ଗାଡ଼ି ଯାତାୟତରେ ବାଧାପ୍ରାପ୍ତ ହୋଇଥିଲା। ଏପରିକି ସେକ୍ଟର ୭ ସମେତ କିଛି ଅଞ୍ଚଳରେ ବିଦ୍ୟୁତ୍ ଖୁଣ୍ଟ ମଧ୍ୟ ଭାଙ୍ଗିଯାଇଥିଲା।
ସେକ୍ଟର ୬ ଟେଲିଫୋନ ଭବନସ୍ଥିତ ସରବୋର୍ ଉଦ୍ୟାନ ନିକଟରେ ଲାଗିଥିବା ତ୍ରିରଙ୍ଗା ଉଡ଼ି ପାଖରେ ଥିବା ଏକ ବିଦ୍ୟୁତ୍ ଟାୱାରରେ ଲାଗିଥିବାର ଦେଖିବାକୁ ମିଳିଥିଲା। କାଳବୈଶାଖୀ ଯୋଗୁ ପ୍ରାୟ ଘଣ୍ଟାଏ ପର୍ଯ୍ୟନ୍ତ ବିଦ୍ୟୁତ୍ ସରବରାହ ବନ୍ଦ କରାଯାଇଥିଲା। ପ୍ରାୟ ସାଢେ଼ ୫ଟା ପରେ ବିଦ୍ୟୁତ୍ ବିଭାଗ ପକ୍ଷରୁ ମରାମତି କାର୍ଯ୍ୟ ଚାଲିଛି।
