ମୁମ୍ବାଇ,୧୫/୦୧: ଖୁବଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି କଙ୍ଗନା ରାଣାୱତଙ୍କ ଫିଲ୍ମ 'ଏମରଜେନ୍ସି' । ଆସନ୍ତା ୧୭ ତାରିଖରେ ଏହି ଫିଲ୍ମ ରିଲିଜ ହେବାକୁ ଥିବା ବେଳେ ରିଲିଦ ପୂର୍ବରୁ ଅଭିନେତ୍ରୀଙ୍କୁ ଲାଗିଛି ଝଟକା । ଫିଲ୍ମ 'ଏମରଜେନ୍ସି'ରେ କରାଯାଇଛି ବ୍ୟାନ୍ ।
ସୂଚନା ଅନୁଯାୟୀ, "ଦୁଇ ଦେଶ ମଧ୍ୟରେ ରାଜନୈତିକ ବିବାଦ ଲାଗି ରହିଥିବାରୁ ବାଂଲାଦେଶ ଏହି ଫିଲ୍ମ ରିଲିଜ ଉପରେ ରୋକ ଲଗାଇଛି । ଏହି ଫିଲ୍ମ କଣ୍ଟେଣ୍ଟ କମ୍ ଏବଂ ଦୁଇ ଦେଶ ମଧ୍ୟରେ ଚାଲୁଥିବା ରାଜନୈତିକ ଉତ୍ତେଜନା ପରିସ୍ଥିତି ସହ ଅଧିକ ଜଡିତ । ଏଥିସହ ଏହି ଚଳଚ୍ଚିତ୍ରଟି ବାଂଲାଦେଶୀ ଉଗ୍ରବାଦୀମାନଙ୍କ ଦ୍ୱାରା କରାଯାଇଥିବା ହତ୍ୟା ଉପରେ ମଧ୍ୟ ଦର୍ଶାଯାଇଛି।'' ତେବେ ଫିଲ୍ମଟି ୧୯୭୫ ରୁ ୧୯୭୭ ଦୁଇ ବର୍ଷର ଭାରତର ଅନ୍ଧକାର ଅଧ୍ୟାୟ ଉପରେ ଆଧାରିତ । ଯେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ୧୯୭୫ ଜୁନ ୨୫ ମଧ୍ୟରାତ୍ରିରୁ ଦେଶବ୍ୟାପୀ ଏମରଜେନ୍ସି ଘୋଷଣା କରିଥିଲେ ।
ଏହା ମଧ୍ୟ ପଢନ୍ତୁ- କଙ୍ଗନାଙ୍କ ଡବିଂ କରୁଥିବାର ଫଟୋ ଟ୍ରୋଲର ଶିକାର , କମେଣ୍ଟ କରି ଲୋକେ ଦେଲେ ଏମିତି ସବୁ ପରାମର୍ଶ
ତେବେ ଏହି ଫିଲ୍ମରେ କଙ୍ଗନା ରାଣାୱତ ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରରେ କଙ୍ଗନା ରାଣାୱତଙ୍କ ସମେତ ଅନୁପମ ଖେର, ଶ୍ରେୟସ ତଲପଡେ, ଦିବଙ୍ଗତ ଅଭିନେତା ସତୀଶ କୌଶିକ, ମିଲିନ୍ଦ ସୋମାନ, ମହିଲା ଚୌଧୁରୀ ଏବଂ ବିଶାକ ନାୟର ନଜର ଆସିବେ । ଏହି ଚଳଚ୍ଚିତ୍ରଟିରେ ଅଭିନୟ ସହ କଙ୍ଗନା ରାଣାୱତ ନିର୍ଦ୍ଦେଶନା ମଧ୍ୟ ଦେଇଛନ୍ତି ।ଇନ୍ଦିରା ଗାନ୍ଧୀ ପାକିସ୍ତାନଠାରୁ ବାଂଲାଦେଶର ସ୍ୱାଧୀନତାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଯଦିଓ ଆମେରିକା ତାଙ୍କୁ ଉଭୟ ଦେଶର ବ୍ୟାପାରରେ ହସ୍ତକ୍ଷେପ ନକରିବାକୁ କହିଥିଲେ । ତଥାପି, ଇନ୍ଦିରା ଗାନ୍ଧୀ ଆଗକୁ ବଢ଼ିଲେ କାରଣ ସେ ଅନୁଭବ କଲେ ଯେ ଲକ୍ଷ ଲକ୍ଷ ଶରଣାର୍ଥୀଙ୍କୁ ଆଶ୍ରୟ ଦେବା ଅପେକ୍ଷା ଭାରତ ପାଇଁ ପାକିସ୍ତାନ ବିରୁଦ୍ଧରେ ଯୁଦ୍ଧ କରିବା ଆର୍ଥିକ ଦୃଷ୍ଟିରୁ ଭଲ ହେବ, ଯାହାର ପରିଣାମ ସ୍ୱରୂପ ୧୯୭୧ ମସିହାର ଭାରତ-ପାକିସ୍ତାନ ଯୁଦ୍ଧ ହୋଇଥିଲା ।
