ଆଠଗଡ଼,୧୫/୧୧: ପବିତ୍ର କାର୍ତ୍ତିକ ପୂର୍ଣ୍ଣିମାରେ ବେଶ ଚଳଚଞ୍ଚଳ ହୋଇ ଉଠିଛି ଆଠଗଡ଼ର ବାବା ଧବଳେଶ୍ଵରଙ୍କ ପୀଠ । ଯୋଗୀ ବେଶରେ ଦର୍ଶନ ଦେଉଛନ୍ତି ବାବା ଧବଳେଶ୍ବର। ମହାନଦୀ ଘାଟରେ ଡଙ୍ଗା ଭଷାଣ କରିବା ସହ ବାବାଙ୍କୁ ଦର୍ଶନ କରିଛନ୍ତି ଶ୍ରଦ୍ଧାଳୁ। ପବିତ୍ର ଧବଳେଶ୍ଵରଙ୍କ ପୀଠରେ ଶ୍ରଦ୍ଧାଳୁମାନେ ଡଙ୍ଗା ଭଷାଣ କରି ବଡ଼ ଓଷା ତଥା କାର୍ତ୍ତିକ ବ୍ରତ କରିଥିବା ଭକ୍ତ ଓ ଶ୍ରଦ୍ଧାଳୁ ଉଦଯାପନ କରିଥାନ୍ତି ବ୍ରତାଧାରୀ। 

ଧବଳେଶ୍ୱର ପୀଠରେ ରାତି ୩ଟାରୁ ସମସ୍ତ ପ୍ରକାରର ନୀତିକାନ୍ତି ସାରି ବାବାଙ୍କ ବେଶ କାରାଯାଇ ମଙ୍ଗଳ ଆଳତୀ କରାଯାଇଥିଲା । ବଡ଼ି ଭୋରୁ ଶ୍ରଦ୍ଧାଳୁମାନେ ଆସି କଳିଙ୍ଗର ଏୈତିହ୍ୟକୁ ମନେ ପକାଇ ଡଙ୍ଗା ଭସାଇଛନ୍ତି । ଏହି କାରଣରୁ ମହାନଦୀ ଘାଟରେ ଅସୀମ ଭକ୍ତଙ୍କ ସମାଗମ ଦେଖିବାକୁ ମିଳିଛି । ଡଙ୍ଗା ଭଷାଣ କରି ବାବା ଧବଳେଶ୍ବର ପୀଠରେ ଦେବ ଦେବ ମାହାଦେବଙ୍କୁ ଯୋଗୀ ବେଶରେ ଦର୍ଶନ କରୁଛନ୍ତି ଶ୍ରଦ୍ଧାଳୁ । ମନ୍ଦିରରେ ଭକ୍ତଙ୍କ ଭିଡକୁ ନଜରରେ ରଖି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷାର ବ୍ୟବସ୍ଥା କରାଯାଇଛି । ସମସ୍ତ ସ୍ଥାନରେ ପୋଲିସ ମୁତୟନ ରହିଛନ୍ତି ।