କେରଳ, ୧୫।୩: ସରୋଗେସିକୁ ନେଇ କେରଳ ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ମହିଳାଙ୍କ ଅଧିକାର ଏବଂ ମାତୃତ୍ୱ ଇଚ୍ଛାକୁ ସୁରକ୍ଷା ଦେବା ଦିଗରେ କୋର୍ଟଙ୍କ ବଡ଼ ପଦକ୍ଷେପ । ବିବାହିତ ମହିଳାମାନେ ମା’ ହେବାର ଇଚ୍ଛା ପୂରଣ କରିପାରିବେ । ୫୦ ବର୍ଷରେ ମଧ୍ୟ ସରୋଗେସି ବାଛିପାରିବେ । ସରୋଗେସି (ନିୟନ୍ତ୍ରଣ) ଆଇନ, ୨୦୨୧ ଅନୁଯାୟୀ ମହିଳାଙ୍କୁ ଏହି ଅନୁମତି ଦିଆଯାଇଛି ।
ବିବାହିତ ମହିଳାଙ୍କ ସପକ୍ଷରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି କେରଳ ହାଇକୋର୍ଟ । ଏହି ନିଷ୍ପତ୍ତିରେ କୋର୍ଟ କହିଛନ୍ତି, ୫୧ ବର୍ଷ ବୟସରେ ପହଞ୍ଚିଥିବା ମହିଳା ସରୋଗେସି (ନିୟନ୍ତ୍ରଣ) ଆଇନ, ୨୦୨୧ ଅନୁଯାୟୀ ସରୋଗେସି ବାଛିପାରିବେ । ମୁଖ୍ୟ ବିଚାରପତି ଏସ୍ ମନୁଙ୍କ ଏକ ଖଣ୍ଡପୀଠ ଶୁକ୍ରବାର ଏକକ ଖଣ୍ଡପୀଠର ଆଦେଶକୁ ଖାରଜ କରି ଜଣେ ୫୧ ବର୍ଷୀୟ ବିବାହିତ ମହିଳାଙ୍କୁ ମାତୃତ୍ୱର ଇଚ୍ଛା ପୂରଣ କରିବାକୁ ଅନୁମତି ଦେଇଛନ୍ତି । ମହିଳାଙ୍କ ଅଧିକାର ଏବଂ ମାତୃତ୍ୱର ଇଚ୍ଛାକୁ ସୁରକ୍ଷା ଦେବା ଦିଗରେ କେରଳ ହାଇକୋର୍ଟଙ୍କର ଏହି ନିଷ୍ପତ୍ତି ଏକ ବଡ଼ ପଦକ୍ଷେପ । ହାଇକୋର୍ଟ କହିଛନ୍ତି ଯେ, ଆଇନରେ ସରୋଗେସି ପାଇଁ ବୟସ ସୀମା ୨୩ ରୁ ୫୦ ବର୍ଷ ମଧ୍ୟରେ ନିର୍ଦ୍ଦିଷ୍ଟ କରାଯାଇଛି । ଏଥିରେ ୫୧ ବର୍ଷ ବୟସର ମହିଳା ମଧ୍ୟ ଅନ୍ତର୍ଭୁକ୍ତ ।
କେରଳ ରାଜ୍ୟ ସହାୟକ ପ୍ରଜନନ ପ୍ରଯୁକ୍ତିବିଦ୍ୟା ଏବଂ ସରୋଗେସି ବୋର୍ଡ ପୂର୍ବରୁ ମହିଳାଙ୍କୁ ସରୋଗେସି ପାଇଁ ଅନୁମତି ଦେବାକୁ ମନା କରିଦେଇଥିଲା । ବୋର୍ଡ କହିଛି ଯେ ଆଇନ ଅନୁଯାୟୀ, ସରୋଗେସି ବାଛିବାକୁ ଚାହୁଁଥିବା ବିବାହିତ ମହିଳାଙ୍କ ବୟସ ପ୍ରମାଣପତ୍ର ପ୍ରଦାନ ତାରିଖରେ ୨୩ ରୁ ୫୦ ବର୍ଷ ମଧ୍ୟରେ ହେବା ଉଚିତ୍ । ଏହା ପରେ ଜଣେ ମହିଳା ଏବଂ ତାଙ୍କ ସ୍ୱାମୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ପୂର୍ବରୁ ଏକକ ଖଣ୍ଡପୀଠ ବୋର୍ଡର ନିଷ୍ପତ୍ତିକୁ ସମର୍ଥନ କରିଥିଲେ । ସେମାନଙ୍କ ଆବେଦନକୁ ମଞ୍ଜୁରୀ କରି ଡିଭିଜନ ବେଞ୍ଚକୁ ଏକ ସପ୍ତାହ ମଧ୍ୟରେ ଯୋଗ୍ୟତା ପ୍ରମାଣପତ୍ର ଜାରି କରିବାକୁ ନିର୍ଦ୍ଦେଶ ଦେଇଥିଲେ । କେନ୍ଦ୍ରୀୟ ବିବାଦ ଥିଲା ଯେ, ୫୦ ବର୍ଷ ବୟସର ଜଣେ ମହିଳାଙ୍କୁ ସରୋଗେସି ବାଛିବାକୁ ଅନୁମତି ଦିଆଯାଇପାରିବ କି ନାହିଁ ।
ଏକକ ଖଣ୍ଡପୀଠ ବୋର୍ଡ ସରୋଗେସି ଆଇନର ଉଦ୍ଦେଶ୍ୟ ଉପରେ ଗୁରୁତ୍ୱାରୋପ କରିଥିଲେ । ଏହାକୁ ନେଇ କହିଥିଲେ ଯେ ଏହି ମାମଲା ଆବେଦନକାରୀଙ୍କ ମାତୃତ୍ୱ ଅନୁଭବ କରିବାର ଶେଷ ସୁଯୋଗ ଯାହା ଜୀବନର ଏଗ ମୌଳିକ ଅଧିକାର । ଏହାକୁ ସତର୍କତାର ସହ ବିଚାର କରାଯିବା ଉଚିତ୍ ।
