ଖୋର୍ଦ୍ଧା,୨୩।୫ : ନିର୍ବାଚନର ୨ ଦିନ ଆଗରୁ ବିଜେଡିକୁ ଝଟକା। ବିଜେଡି ଛାଡି ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର ବିଜେପିରେ ସାମିଲ ହୋଇଛନ୍ତି । ବିଜେପିର ନିର୍ବାଚନ ପ୍ରଚାର ବେଳେ ସାଂସଦ ଅପରାଜିତାଙ୍କ ଉପସ୍ଥିତରେ ବିଜେପିରେ ସାମିଲ ହେଲେ ଜ୍ୟୋତିନ୍ଦ୍ର ନାଥ ମିତ୍ର। ବିଜେପିର ପ୍ରଚାର ଶୋଭାଯାତ୍ରାରେ ବିଜେପି ପାଇଁ ଭୋଟ ମାଗିଲେ ଖୋର୍ଦ୍ଧା ବିଧାୟକ। ଏହି ସାମିଲ ବେଳେ ଖୋର୍ଦ୍ଧା ବିଜେପି ପ୍ରାର୍ଥୀ ପ୍ରଶାନ୍ତ ଜଗଦେବ ଉପସ୍ଥିତ ଅଛନ୍ତି।
ସୂଚନାଯୋଗ୍ୟ ଯେ ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ରଙ୍କୁ ବିଜେଡି ଖୋର୍ଦ୍ଧାରୁ ଟିକେଟ ନ ଦେଇ ବିଧାୟକ ରାଜେନ୍ଦ୍ର ସାହୁଙ୍କୁ ପ୍ରାର୍ଥୀ କରିଥିଲା। ଏହାକୁ ନେଇ ଜ୍ୟୋତିନ୍ଦ୍ର ନାଥ ଅସନ୍ତୁଷ୍ଟ ଥିଲେ।