ପ୍ରମୂଖ ଖବର
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଇଭିଏମ୍‌ ଭାଙ୍ଗି ମାମଲା: ଜେଲ୍‌ରେ ବାହୁବଳୀ ବିଧାୟକ ପ୍ରଶାନ୍ତ ଜଗଦ୍ଦେବ, ନୂଆ ଠିକଣା ସେଲ୍‌ ନଂ. ୨...

ଖୋର୍ଦ୍ଧା,୨୭/୦୫: ମତଦାନ କେନ୍ଦ୍ରରେ ଇଭିଏମ୍‌ ଭାଙ୍ଗି ପୁଣି ବିବାଦକୁ ଆସିଛନ୍ତି ବାହୁବଳୀ ବିଧାୟକ ପ୍ରଶାନ୍ତ ଜଗଦ୍ଦେବ । ପ୍ରିଜାଇଡିଂ ଅଫିସରଙ୍କ ଅଭିଯୋଗକ୍ରମେ ତାଙ୍କୁ ଗିରଫ କରିଛି ପୁଲିସ । ଖୋର୍ଦ୍ଧା ଜେଲ୍‌ର ଦୁଇ ନମ୍ବର ସେଲ୍‌ ପାଲଟିଛି ତାଙ୍କ ଠିକଣା । ଅନ୍ୟପଟେ ଜଗଦ୍ଦେବଙ୍କ ଗିରଫକୁ ନେଇ ବିଜେପି ପକ୍ଷରୁ ତୀବ୍ର  ପ୍ରତିକ୍ରିୟା ପ୍ରକାଶ ପାଇଛି । ଶାସକ ଦଳ ଷଡ଼ଯନ୍ତ୍ର କରି ତାଙ୍କୁ ଜେଲ୍‌ ପଠାଇଥିବା ଦଳୀୟ କର୍ମକର୍ତ୍ତା ଅଭିଯୋଗ କରିଛନ୍ତି । 

ଦଳ ବଦଳିଲା । ହେଲେ ବଦଳିଲାନି ପ୍ରକୃତି । ବିଜେଡିରେ ଥିବାବେଳେ ବାଣପୁରରେ ବିଜେପି କର୍ମୀଙ୍କୁ ଗାଡ଼ି ଚଢ଼ାଇବା ଘଟଣାରେ ଗିରଫ ହୋଇଥିଲେ ଶ୍ରୀ ଜଗଦ୍ଦେବ । ଦଳୀୟ ଶୃଙ୍ଖଳା ଭଙ୍ଗ କରିଥିବାରୁ ବିଜେଡିରୁ ତାଙ୍କୁ ବହିଷ୍କାର କରାଯାଇଥିଲା । ଏହାପରେ ସେ ବିଜେପିରେ ଯୋଗଦେଇ ଖୋର୍ଦ୍ଧା ଆସନରୁ ନିର୍ବାଚନ ଲଢ଼ୁଛନ୍ତି ।  

ଗତ ଶନିବାର ବୋଲଗଡ଼ ବ୍ଲକ ବଡକୁମାରୀ ପଞ୍ଚାୟତ କାଉଁରୀପାଟଣାସ୍ଥିତ ୧୧୪ନଂ.  ବୁଥ୍‌କୁ ମତଦାନ କରିବାକୁ ଯାଇଥିଲେ ଜଗଦ୍ଦେବ । ଏହି ସମୟରେ କୌଣସି  କାରଣରୁ ଉତ୍ତେଜିତ ହୋଇ ସେ ଇଭିଏମ୍‌ ଭଙ୍ଗାରୁଜା କରିଥିବା ଅଭିଯୋଗ  ହୋଇଥିଲା । ସାଂସଦ ଅପରାଜିତା ଷଡ଼ଙ୍ଗୀଙ୍କ କାର୍‌ରେ ଫେରୁଥିବାବେଳେ ବେଗୁନିଆ  ନିକଟରୁ ପୁଲିସ୍‌ ତାଙ୍କୁ ଉଠାଇ ନେଇଥିଲା । ପ୍ରିଜାଇଡିଂ ଅଧିକାରୀ ଜ୍ଞାନରଞ୍ଜନ ତ୍ରିପାଠୀଙ୍କ ଅଭିଯୋଗ କ୍ରମେ ପୁଲିସ ତାଙ୍କ ବିରୋଧରେ ଏକ ମାମଲା (ନଂ.  ୧୧୭/୨୪) ରୁଜୁ କରିଥିଲା । 

ସରକାରୀ କାର୍ଯ୍ୟରେ ବାଧା ଦେବା, ମହିଳାଙ୍କୁ  ଅସଦାଚରଣ କରିବା ଭଳି ବିଭିନ୍ନ ଦଫା ତାଙ୍କ ବିରୋଧରେ ଲାଗିଛି । ବୋଲଗଡ଼  ପୁଲିସ ତାଙ୍କୁ ସିଜେଏମ କୋର୍ଟରେ ହଜାର କରିଥିଲା । ଜାମିନ ନାମଞ୍ଜୁର ପରେ  ରାତି ୧୨ଟା ୩୫ରେ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି। ରବିବାର  ସକାଳ ଜଳଖିଆରେ ଶ୍ରୀ ଜଗଦ୍ଦେବ ସୁଜି ହାଲୁଆ, ମଧ୍ୟାହ୍ନ ଭୋଜନରେ  ମାଛ, ଭାତ, ଡାଲି, ଘାଣ୍ଟ ତରକାରି ଖାଇଥିବା ଜେଲ୍‌ କର୍ତ୍ତୃପକ୍ଷ କହିଛନ୍ତି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.