ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଉଦ୍‌ଘାଟନକୁ ମାତ୍ର ୪ ମାସ...ଜଟଣୀ ବ୍ରିଜ୍‌ରୁ ଉଠିଗଲାଣି କଙ୍କ୍ରିଟ୍‌, ଯେତେ ପ୍ୟାଚ୍‌ ପକାଇଲେ ବି ଲୁଚୁନି ତ୍ରୁଟି

ଜଟଣୀ,୧୧/୦୬: ଜଟଣୀର ବହୁ ପ୍ରତିକ୍ଷିତ ଫ୍ଲାଇଓଭର ବ୍ରିଜ୍‌ ୪ ମାସ ତଳେ ଉଦ୍‌ଘାଟିତ ହୋଇଥିଲା । ମାତ୍ର ଏହି ୪  ମାସ ମଧ୍ୟରେ ବ୍ରିଜର ବିଭିନ୍ନ ସ୍ଥାନରୁ କଙ୍କ୍ରିଟ୍‌ ଉଠି ବଡ଼ ବଡ଼ ଖାଲ ସୃଷ୍ଟି ହେଲାଣି । ରଡ୍‌ ବାହାରି ରାସ୍ତା ବିପଦସଙ୍କୁଳ ହୋଇପଡ଼ିଲାଣି । ଫଳରେ ଯାନବାହନ  ଚଳାଚଳରେ ବହୁ ଅସୁବିଧା ହେଉଛି । ଅନେକ ସମୟରେ ଦୁର୍ଘଟଣା ଘଟୁଛି ।  

ସ୍ଥାନୀୟ ଜନସାଧାରଣଙ୍କ ପକ୍ଷରୁ ବହୁବାର ଦାବି ପରେ ବ୍ରିଜ୍‌ ନିର୍ମାଣ  ପାଇଁ ୨୦୧୪ରେ ମଞ୍ଜୁରି ମିଳିଥିଲା ।  ୮ଶହ ମିଟର ଲମ୍ବର ଏହି ବ୍ରିଜ ନିର୍ମାଣ  ପାଇଁ ସେତେବେଳେ ୫୫ କୋଟି ଟଙ୍କା  ମଞ୍ଜୁର ହୋଇଥିଲା । ୨୦୧୫ରେ କାର୍ଯ୍ୟ  ଆରମ୍ଭ ହୋଇଥିଲା । ହେଲେ ୮ ଶହ  ମିଟର ଲମ୍ବର ବ୍ରିଜ ସଂପୂର୍ଣ୍ଣ ହେବାକୁ ୮  ବର୍ଷ ଲାଗିଲା । ଫଳରେ ବ୍ୟୟ ଅଟକଳ  ବୃଦ୍ଧି ହୋଇ ୧୦୫ କୋଟି ଟଙ୍କାରେ  ପହଂଚିଥିଲା । ଗତ ମାର୍ଚ୍ଚ ମାସରେ  ସରକାରୀ ଭାବେ ଏହାର ବିଧିବଦ୍ଧ  ଉଦ୍‌ଘାଟନ ହୋଇଥିଲା । 

ଉଦ୍‌ଘାଟନର କିଛିଦିନ ପରେ ବ୍ରିଜ ଉପରୁ କଂକ୍ରିଟ ଉଠିବା ଆରମ୍ଭ ହୋଇଯାଇଥିଲା । ଏନେଇ  ସ୍ଥାନୀୟ ଜନସାଧାରଣ ଅଭିଯୋଗ କରିବା  ପରେ ବିଭାଗ ପକ୍ଷରୁ ବିଭିନ୍ନ ସ୍ଥାନରେ  ପ୍ୟାଚ୍‌ ପକାଯାଇ ଲୁଚେଇବାକୁ ଚେଷ୍ଟା  କରାଯାଇଥିଲା । ହେଲେ ଗୋଟିଏ ସ୍ଥାନରେ  ପ୍ୟାଚ ପକାଇବାର କିଛିଦିନ ପରେ ଆଉ  ଏକ ସ୍ଥାନରୁ କଂକ୍ରିଟ ଓ ରଡ୍‌ ଉଠିବା ଆରମ୍ଭ  ହୋଇଯାଉଛି । ଏପରିକି ପଡ଼ିଥିବା ପ୍ୟାଚ୍‌ରୁ  ପିଚୁ ଉଠି ପୁଣି ଖାଲ ସୃଷ୍ଟି ହୋଇଛି ।  ଉଦ୍‌ଘାଟନର ଚାରିମାସ ଭିତରେ ଏପରି  କଂକ୍ରିଟ ଉଠି ଖାଲ ସୃଷ୍ଟି ହେବା ଘଟଣାର  ତଦନ୍ତ ସହ ସ୍ଥାୟୀ ପ୍ରତିକାର କରିବାକୁ  ସାଧାରଣରେ ଦାବି ହୋଇଛି।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.