ନୂଆଦିଲ୍ଲୀ,୧୪/୧୨: ଆଜିକାଲି ସମ୍ପର୍କରେ ଶୀଘ୍ର ଫାଟ ଆସୁଛି । ବିଶେଷ କରି ବୈବାହିକ ଜୀବନରେ ଏହା ଅଧିକ ସମସ୍ୟା ସୃଷ୍ଟି କରିଥାଏ । ସ୍ବାମୀ-ସ୍ତ୍ରୀଙ୍କ ମଧ୍ୟରେ ମତଭେଦ ସମ୍ପର୍କରେ ଫାଟ ସୃଷ୍ଟି କରେ । ଜଣେ ପ୍ରେମ, ସମ୍ମାନରେ ସମ୍ପର୍କକୁ ବଞ୍ଚେଇବାକୁ ଚାହେଁ ତା ବଦଳରେ ସେ ସମାନ ଆଶା ରଖେ । ମାତ୍ର କିଛି ସମ୍ପର୍କରେ ସେପରି ହୋଇନଥାଏ । ସମାଜ ଭୟରେ କେହି କେହି ନକାରାତ୍ମକ ସମ୍ପର୍କକୁ ନିଭାଇବାକୁ ବାଧ୍ୟ ହୁଅନ୍ତି । ତେବେ କେମିତି ସମ୍ପର୍କ ସୁଧାରିବେ ଓ ଟକ୍ସିକ ରିଲେସନରୁ ମୁକ୍ତି ମିଳିବ ସେ ନେଇ କିଛି ଟିପ୍ସ ଆପଣାନ୍ତୁ ।

ସତକୁ ସ୍ବୀକାର କରନ୍ତୁ-ମନସ୍ତତ୍ବବିତଙ୍କ ଅନୁସାରେ ଯଦି ଆପଣ ଟକ୍ସିସ ରିଲେସନସିପରେ ଅଛନ୍ତି ତେବେ ଏଥିରୁ ମୁକ୍ତି ପାଇପାରିବେ । ପ୍ରଥମେ ଏହାକୁ ଚିହ୍ନିବାକୁ ପଡିବ ଓ ସ୍ବୀକାର କରିବାକୁ ହେବ । ଆପଣ କଣ ଜଣେ ଏପରି ବ୍ୟକ୍ତିଙ୍କ ସମ୍ପର୍କରେ ଅଛନ୍ତି ଯିଏ ଆପଣଙ୍କୁ ସର୍ବଦା ତାତ୍ସଲ୍ୟ କରୁଛନ୍ତି । ତାଙ୍କ ସହ ରହିଲା ତୁମେ ଅସହାୟ ଅନୁଭବ କରୁଛ କି । ଏପରି ସମ୍ପର୍କକୁ ରଖିବା ପାଇଁ ନିଜର ଆତ୍ମସମ୍ମାନ ଏବଂ ଆତ୍ମବିଶ୍ବାସ ହରାଉ ଥିବା ଅନୁଭବ କରୁଛନ୍ତି କି । ଏପରି ସମ୍ପର୍କ ଆପଣଙ୍କ ଜୀବନ, କାମ ଓ ଭାବନା ଉପରେ ପ୍ରଭାବ ପକାଇଥାଏ ।

ସର୍ବପ୍ରଥମେ ଆପଣ- ଅନ୍ୟଠୁ ପ୍ରେମ ଓ ସମ୍ମାନ ପାଇବାକୁ ହେଲେ ପ୍ରଥମେ ନିଜକୁ ଭଲ ପାଇବାକୁ ହେବ ସମ୍ମାନ ଦେବାକୁ ହେବ । ନିଜ ଆଗରେ ଛୋଟ କରି ଦେଉଥିବା ସମ୍ପର୍କଠୁ ଦୂରେଇବା କୌଣସି ସମ୍ମାନଠୁ କମ ନୁହେଁ । ନିଜକୁ ନକରାତ୍ମକ ଭାବନାଠୁ ଦୂରେଇ ରଖନ୍ତୁ ।

ଗୋଟିଏ ସୁଯୋଗ ଦିଅନ୍ତୁ-ନକାରାତ୍ମକ ସମ୍ପର୍କରୁ ମୁକ୍ତି ପାଇଁ  ନିଜକୁ ଅଲଗା କରିବାକୁ ଚାହାଁନ୍ତି । ମାତ୍ର ଦୂରତା ବନେଇବା ପୂର୍ବରୁ ସମ୍ପର୍କକୁ ଗୋଟିଏ ସୁଯୋଗ ଦିଅନ୍ତୁ । ଖୋଲିଖୋଲି ବିଷୟରେ କଥା ହୁଅନ୍ତୁ । ସ୍ଥିତିରୁ ସୁଧାରିବାକୁ ଚେଷ୍ଟା କରନ୍ତୁ । ଏପରି ସ୍ଥିତିରେ ବିଶେଷଜ୍ଞଙ୍କ ସହ ପରାମର୍ଶ କରନ୍ତୁ । ଯଦି କିଛି ସମାଧାନ ବାଟ ବାହାରୁନାହିଁ ତେବେ ବିନା ଝଗଡାରେ ସମ୍ପର୍କ ଶେଷ କରିବାକୁ ନିଷ୍ପତ୍ତି ନିଅନ୍ତୁ ।

ମନରୁ ଦୂରେଇ ଦିଅନ୍ତୁ- କୌଣସି ସମ୍ପର୍କରେ ଦୂରତା ଆସିଲେ ତାକୁ ନେଇ କିଛି ନକାରାତ୍ମକ ଚିନ୍ତାଧାର ରଖନ୍ତୁ ନାହିଁ । ଜଣଙ୍କ ପଛରେ କିଛି ଭୁଲ କଥା କୁହନ୍ତୁ ନାହିଁ । ଏପରି କରିବା ଦ୍ବାରା ଜଣାପଡିଥାଏ ଯେ ଆପଣ ସେ ସମ୍ପର୍କରୁ ଫିଜିକାଲ ଭାବେ ଦୂରେଇଛନ୍ତି ମାତ୍ର ମାନସିକ ଭାବେ ଦୂରେଇ ନାହାନ୍ତି । ଯାହା ଆପଣଙ୍କ ମାନସିକ ଶାନ୍ତିକୁ ଛଡେଇନିଏ । ସେ ସବୁବେଳ ଖୁସିରେ ରୁହନ୍ତୁ ଏତିକି ଚାହିଁବା ଦରକାର ।

ସୀମା ପାର କରନ୍ତୁ ନାହିଁ- ସବୁ ଜିନିଷରେ ଏକ ସୀମା ଥାଏ । ବିଶେଷ କରି ସମ୍ପର୍କରେ ଏହାର ଅଧିକ ଗୁରୁତ୍ବଥାଏ । ସୀମା ଆମ ଜୀବନର ପ୍ରତି କ୍ଷଣରେ ପ୍ରାଥମିକତା ବହନ କରିଥାଏ । ଭାବନାକୁ ସମ୍ମାନ ଜାଣାଇବା ସମ୍ପର୍କର ଏକ ଅଂଶ । ନିଜର ଲାଭ ପାଇଁ ଅନ୍ୟର ଭାବନାକୁ କ୍ଷତି ପହଞ୍ଚାଇବା ଆଦୌ ଠିକ୍ ନୁହେଁ । ନୂଆ ଆରମ୍ଭ ପାଇଁ ଟକ୍ସିକ ରିଲେସନସିପକୁ କେଉଁଠି ଶେଷ କରିବାକୁ ହେବ ତାହା ସୀମା ହିଁ ସ୍ଥିର କରିବ ।

ନୂଆ ଜୀବନକୁ ଉପହାର- ଜଣେ ମହିଳା ଯେବେ ଟକ୍ସିକ ରିଲେସନରୁ ବାହାରିବାକୁ ନିର୍ଣ୍ଣୟ ନିଏ ତେବେ ତା ଜୀବନରେ ଏକ ବିରାଟ ପରିବର୍ତ୍ତନ ହୋଇଥାଏ । ଯାହାର କଳ୍ପନା ସେ କେବେ କରିନଥାନ୍ତି । ଏହି ସମୟ ତାଙ୍କୁ ଶକ୍ତିଶାଳୀ କରିଥାଏ । ଆଉ ଥରେ ନିଜକୁ ଚିହ୍ନି ଥାଏ । ନୂଆ ଆରମ୍ଭ କରିବାକୁ ନିଜକୁ ଏକ ଉପହାର ଦେଇଥାଏ ।