ନୂଆଦିଲ୍ଲୀ,୦୭/୦୩: ଆଇସିସି ଚାମ୍ପିଅନ୍ସ ଟ୍ରଫି ଫାଇନାଲ ଲାଇନ୍ ଅପ୍ ଚୂଡାନ୍ତ ହୋଇ ସାରିଛି । ଭାରତ ବନାମ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ ଫାଇନାଲ ଫାଇଟ୍ । ୯ ତାରିଖରେ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ମୁହାଁମୁହିଁ ହେବେ ଦୁଇ ଦଳ । ଯଦି ଫାଇନାଲ ମ୍ୟାଚରେ ବର୍ଷା ହୁଏ । ମ୍ୟାଚ ବାତିଲ ହୁଏ ତେବେ ଘରକୁ କିଏ ନେଇଯିବ ଟ୍ରଫି ? କେମିତି ନିଆଯାଏ ନିଷ୍ପତ୍ତି । କଣ ରହିଛି ବର୍ଷାର ବିକଳ୍ପ ? ଜାଣନ୍ତୁ କଣ ରହିଛି ଆଇସିସି ନିୟମ ?
ଆସନ୍ତା ୯ ତାରିଖରେ ଦୁବାଇରେ ବର୍ଷା ହେବାର କୌଣସି ସମ୍ଭାବନା ନାହିଁ । କିନ୍ତୁ ଯଦି ବର୍ଷା ହେଉଛି ତେବେ ମ୍ୟାଚର କଣ ନିମୟ ରହିଛି । କେମିତି ନିଷ୍ପତ୍ତି ନିଆଯିବ । କାହାର ହେବ ଟ୍ରଫି । କଣ ଏଥିରେ ପଏଣ୍ଟ ଟେବୁଲର କିଛି ଭୂମିକା ରହିବ କି ? ଏହିପରି ଅନେକ ପ୍ରଶ୍ନ ଫ୍ୟାନ୍ସଙ୍କ ମନରେ ଉଙ୍କି ମାରୁଥିବ । ଆଇସିସି ନିୟମ ଅନୁସାରେ ରିଜର୍ଭ ଡେ ରଖାଯାଇଛି । ଅର୍ଥାତ ମାର୍ଚ୍ଚ ୧୦ ତାରିଖରେ ଫାଇନାଲ ମ୍ୟାଚ ଖେଳାଯିବ ।
ICC ନିୟନ କଣ ? ଚାମ୍ପିଅନ୍ସ ଟ୍ରଫି ୨୦୨୫ରେ କେବଳ ସେମି ଫାଇନାଲ ଏବଂ ଫାଇନାଲ ମୁକାବିଲା ନେଇ ରିଜର୍ଭ ଡେ ରଖାଯାଇଛି । ଦୁଇଟି ସେମି ଫାଇନାଲ ସରିଛି । କେବଳ ଫାଇନାଲ ବାକି ଅଛି । ଯଦି ଫାଇନାଲ ମ୍ୟାଚରେ ବର୍ଷା ହୁଏ ତେବେ ବିକଳ୍ପ ରଖିଛି ଆସିସି । ସେଗୁଡିକ ନିମ୍ନରେ ଲିଖିତ ।
.ଯଦି ଫାଇନାଲ ମ୍ୟାଚ ଶେଷ ନ ହେଉଛି ତେବେ ରିଜର୍ଭ ଡେ ରେ କରାଯିବ ।
. ଯେଉଁଦିନ ମ୍ୟାଚ ତାରିଖ ଫିକ୍ସ ଅଛି ସେହି ଦିନ କରିବାକୁ ଯଥାସମ୍ଭବ ଚେଷ୍ଟା କରାଯିବ । ଦରକାର ପଡିଲେ ଓଭର କମ୍ କରାଯିବ । ଅର୍ଥାତ ସର୍ବନିମ୍ନ ୨୫ ଓଭର ଖେଳ ହୋଇପାରେ ।
. ଯଦି ମ୍ୟାଚ ଆରମ୍ଭ ହୋଇଛି ବର୍ଷା ହେଲା ତେବେ ଅତିରିକ୍ତ ସମୟ ରଖାଯିବ । ମ୍ୟାଚ ରିଜର୍ଭ ଡେକୁ ଯାଉଛି ତେବେ ମାର୍ଚ୍ଚ ୧୦ ତାରିଖରେ ଖେଳାଯିବ । ୧୨୦ ମିନିଟ ଅଧିକ ସମୟ ମିଳିବ ।
.ଯଦି ଫାଇନାଲ ମ୍ୟାଚ ଟାଏ ହେଉଛି ତେବେ ବିଜେତା ନିର୍ଦ୍ଧାରଣ କରିବାକୁ ସୁପର ଓଭର ଖେଳାଯିବ । ଏହା ସେବେ ଯାଏ ଚାଲିବ ଯେବେ ଯାଏ ଫଳାଫଳ ନ ବାହାରିଛି ।
. ଟାଏ ପରେ ବର୍ଷା ପାଇଁ ଯଦି ସୁପର ଓଭର ହୋଇପାରୁନାହିଁ ତେବେ ମ୍ୟାଚ ରଦ୍ଦ ହେଉଛି ରିଜର୍ଭ ଡେ ଶେଷ ଯାଏ ପରିଣାମ ମିଳୁନାହିଁ ଦୁଇ ଦଳକୁ ସଂଯୁକ୍ତ ବିଜେତା ଭାବେ ଘୋଷଣା କରାଯିବ ।
