ଭୁବନେଶ୍ଵର, ୨୫/୬ : ପ୍ରେମିକା ସଲୋମୀଙ୍କ ମୃତ୍ୟୁର ଏକ ମାସ ପରେ ସାମ୍ନାକୁ ଆସିଲେ ଓଡ଼ିଆ ଟ୍ରାଭେଲ ବ୍ଲଗର ଲବ ହାଁସଦା । ନିଜ ଓଡ଼ିଆ ଟ୍ରାଭେଲର ବ୍ଲଗ୍ ଫେସବୁକ ପେଜରେ ଦେଲେ ସ୍ପଷ୍ଟୋକ୍ତି। ପ୍ରେମିକା ସଲୋମୀଙ୍କ ମୃତ୍ୟୁକୁ ନେଇ ତାଙ୍କ ନାମରେ ଆସିଥିବା ଅଭିଯୋଗକୁ ସେ ଖଣ୍ଡନ କରିଛନ୍ତି। ୭ ମିନିଟ୍ ୩୧ ସେକେଣ୍ଡର ଏହି ଭିଡିଓରେ ବିଗତ ଦିନରେ ତାଙ୍କ ଉପରେ କ'ଣ ବିତିଛି ସେ କହିଛନ୍ତି। ଏହା ସହିତ ସେ ନିଜ ପକ୍ଷ ରଖିବାକୁ ଯାଇ କହିଛନ୍ତି ଯେ, ଏହି ଘଟଣା ବେଳେ ସେ ଭିଏତନାମରେ ଥିଲେ। ଭାରତ ଆସିବା ପରେ ସେ ପୁଲିସକୁ ସେ ତଦନ୍ତରେ ପୂର୍ଣ୍ଣ ସହଯୋଗ କରୁଛନ୍ତି। ସଲୋମୀ ତାଙ୍କ ଅତୀତ ଏବଂ ତାଙ୍କ ପ୍ରଥମ ବିବାହ ବିଷୟରେ ସବୁକିଛି ଜାଣିଥିଲେ। ମୁଁ କୌଣସି ନିର୍ଯାତନା ଦେଇନି । ଏମିତି କିଛି ମୁଁ ଭୁଲ କରିନି ଯେ ଜଣକ ଜୀବନ ଚାଲିଯିବ । ସତ ଦିନେ ନା ଦିନେ ସାମ୍ନାକୁ ଆସିବ ବୋଲି ଭିଡିଓ ମାଧ୍ୟମରେ କହିଛନ୍ତି ଲବ।
ପ୍ରାୟ ଏକ ମାସ ତଳେ ପ୍ରେମିକା ସଲୋମୀଙ୍କ ଆତ୍ମହତ୍ୟା ପରେ ଚର୍ଚ୍ଚିତ ୟୁଟ୍ୟୁବର ବିବାଦ ଘେରକୁ ଆସିଥିଲେ। ସାଲୋମୀଙ୍କ ଭାଇ ଅଭିଯୋଗ କରିଥିଲେ ଯେ, ଲବ ସଲୋମୀଙ୍କୁ ମାନସିକ ନିର୍ଯାତନା ଦେଉଥିଲେ। ଅଶ୍ଳୀଳ ଭାଷରେ ଗାଳି ଗୁଲଜ କରୁଥିଲେ। ସଲୋମୀଙ୍କ ସୋସିଆଲ ମିଡିଆର ପାସୱାର୍ଡ ରଖିଥିଲେ। ସେ ଯଦି ଅନ୍ୟ କୌଣସି ବ୍ୟକ୍ତି ସହ ଚାଟ୍ କରୁଥିଲେ ତେବେ ଲବ ସେହି କଥାକୁ ନେଇ ସଲୋମୀଙ୍କୁ ଗାଳିମନ୍ଦ କରୁଥିଲେ। ତାଙ୍କ ଚରିତ୍ରସଂହାର କରୁଥିଲେ। ଲବଙ୍କ ନିର୍ଯାତନା ସହିନପାରି ଶେଷରେ ସଲୋମୀ ଆତ୍ମହତ୍ୟା କରିଥିଲେ। ଭଉଣୀ ମୃତ ପଛରେ ଲବଙ୍କର ହାତ ଥିବା ଏତଲାରେ ଦର୍ଶାଇଥିଲେ। ତେବେ ଲବଙ୍କ ବିରୋଧରେ ଏଭଳି ଅଭିଯୋଗ ଆସିବା ପରେ ବେଙ୍ଗାଲୁରୁର ଏଚ୍ଏସଆର ଲେ-ଆଉଟ୍ ଥାନା ପୁଲିସ୍ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।
ଏହି ଖବରଟିକୁ ପଢନ୍ତୁ-ପ୍ରେମିକାଙ୍କୁ ନିର୍ଯାତନା ଦେଉଥିଲେ ଲବ ହାଂସଦା, ଅଭିଯୋଗ ଆଣିଲେ ମୃତ ପ୍ରେମିକାଙ୍କ ଭାଇ
